நடுவானில் நடிகை நிக்கி கல்ராணிக்கு இன்ப அதிர்ச்சி கொடுத்த ரஜினி... வைரலாகும் சூப்பர்ஸ்டார் சூப்பர் செல்பி

நடிகர் ரஜினிகாந்த் நடிப்பில் தற்போது வேட்டையன் படம் உருவாகி வருகிறது. ஞானவேல் இயக்கத்தில் உருவாகி வரும் இப்படத்தில் மஞ்சு வாரியர், ரித்திகா சிங், ராணா டகுபதி, பகத் பாசில், அமிதாப் பச்சன் என மிகப்பெரிய நட்சத்திர பட்டாளமே நடித்து வருகிறது. இப்படத்தின் படப்பிடிப்பு கடந்த ஆண்டு தொடங்கப்பட்ட நிலையில், கேரளா, தமிழ்நாடு, ஆந்திரா, தெலுங்கானா உள்ளிட்ட தென் மாநிலங்களில் நடத்தப்பட்டு தற்போது இறுதிக்கட்டத்தை எட்டி உள்ளது.

இப்படத்தின் இறுதிக்கட்ட படப்பிடிப்பு தற்போது ஐதராபாத்தில் நடைபெற்று வருவதால், தினமும் சென்னையில் இருந்து விமானத்தில் ஐதராபாத் சென்று படப்பிடிப்பில் பங்கேற்று வருகிறார் ரஜினிகாந்த். அந்த வகையில் நேற்று படப்பிடிப்பிற்காக சென்றபோது நடிகை ஒருவரை சந்தித்து செல்பி எடுத்திருக்கிறார். அவர் வேறு யாருமில்லை நடிகை நிக்கி கல்ராணி தான்.

இதையும் படியுங்கள்... கர்ப்பமாக இருக்கும் தகவலை கியூட்டாக அறிவித்த பாக்கியலட்சுமி சீரியல் நடிகை - குவியும் வாழ்த்துக்கள்

நடிகர் ஆதியின் மனைவியான நிக்கி கல்ராணி ரஜினி பயணித்த விமானத்தில் பயணம் மேற்கொண்டு இருக்கிறார். ரஜினியின் தீவிர ரசிகையான இவர், சூப்பர்ஸ்டார் தனது விமானத்தில் பயணிக்கும் தகவல் அறிந்ததும் ஓடோடி சென்று அவருடன் செல்பி எடுத்து மகிழ்ந்துள்ளார். மேலும் தனது விமான டிக்கெட்டில் ரஜினியின் ஆட்டோகிராப்பையும் வாங்கி இருக்கிறார் நிக்கி கல்ராணி.

தனது வாழ்நாளிலேயே இது தான் சிறப்பான விமான பயணம் என நெகிழ்ச்சி உடன் பதிவிட்டுள்ள நிக்கி கல்ராணி, என்றைக்கு தன்னுடைய பேவரைட் நடிகர் சூப்பர்ஸ்டார் ரஜினிகாந்த் தான் எனவும் குறிப்பிட்டு உள்ளார். ரஜினி உடனான விமான பயணத்தின் போது நடிகை நிக்கி கல்ராணி எடுத்த செல்பி புகைப்படங்கள் இணையத்தில் வைரலாகி வருகின்றன.

இதையும் படியுங்கள்... சினிமாவை விட்டு விலகி... குன்னூரில் சொந்தமாக வீடு வாங்கி செட்டில் ஆகணும் - அமீர் கானுக்கு இப்படி ஒரு ஆசையா?