நயன்தாராவின் அண்ணனை பார்த்திருங்கீங்களா? இவர் தான்.. யாரும் பார்த்திடாத போட்டோ..
நடிகை நயன்தாநராவின் அண்ணன் புகைப்படம் தற்போது இணையத்தில் வைரலாகி வருகிறது.
லேடி சூப்பர் ஸ்டார் என்று அழைக்கப்படும் நயன்தாரா தமிழில் ஐயா படத்தின் மூலம் அறிமுகமான நயன்தாரா தமிழ், தெலுங்கு, மலையாளம் என பல மொழிகளில் 80-க்கும் மேற்பட்ட படங்களில் நடித்துள்ளார். மேலும் ஜவான் படத்தின் மூலம் பாலிவுட்டிலும் அறிமுகமாகி உள்ளார். நாட்டின் அதிக சம்பளம் வாங்கும் நடிகைகளில் ஒருவராகவும் நயன்தாரா இருக்கிறார்.
ரஜினி, விஜய், அஜித், சூர்யா, விக்ரம், தனுஷ், ஜெயம் ரவி சிவகார்த்திகேயன் என தமிழ் சினிமாவின் முன்னணி நடிகர்களுக்கு ஜோடியாக நயன்தாரா நடித்துள்ளார். இதே போல் மற்ற மொழிகளிலும் பல உச்ச நட்சத்திரங்களுடன் நயன்தாரா ஜோடி சேர்ந்துள்ளார். மேலும் ஹீரோயினை மையப்படுத்தி வெளியான ஐரா, கோலமாவு கோகிலா, நெற்றிக்கண், அறம் போன்ற படங்களிலும் நடித்துள்ளார்.
இதனிடையே இயக்குனர் விக்னேஷ் சிவனை காதலித்து திருமணம் செய்து கொண்டார். இந்த தம்பதிக்கு உயிர், உலக் என்ற 2 இரட்டை குழந்தைகள் உள்ளனர். சமீபத்தில் இன்ஸ்டாகிராம் பக்கத்தில் இணைந்த நயன்தாரா தனது கணவர் மற்றும் குழந்தைகளுடன் இருக்கும் புகைப்படத்தை பதிவிட்டு வருகிறார்.
Nayanthara
நயன்தாரா கடைசியாக அன்னப்பூரணி படத்தில் நடித்திருந்தார். அவரின் 75-வது படமாக வெளியான படத்திற்கு போதிய வரவேற்பு கிடைக்கவில்லை. தற்போது மண்ணாங்கட்டி என்ற படத்திலும் டெஸ்ட் என்ற படத்திலும் நயன்தாரா நடித்து வருகிறார்.
நயன்தாரா கேரளாவை பூர்வீகமாக கொண்டவர் என்பது அனைவருக்கும் தெரியும். நயன்தாராவின் இயற்பெயர் டயானா. இவரின் தந்தை பெயர் குரியன் கொடியட்டு, தாய் பெயர் ஓமன் குரியன், சகோதரன் பெயர் லெனோ. நயனின் தாய் தந்தை புகைப்படங்கள் ஏற்கனவே இணையத்தில் வெளியான நிலையில், அவரின் அண்ணன் புகைப்படம் இதுவரை வெளியாகாமல் இருந்தது.
இந்த சூழலில் நயனின் அண்ணன் புகைப்படம் வெளியாகி உள்ளது. நயன், விக்னேஷ் சிவன் மற்றும் லெனோ ஆகியோர் ஒன்றாக இருக்கும் புகைப்படம் வைரலாகி வருகிறது. நயன் - விக்னேஷ் சிவன் இருவரின் தோளையும் அணைத்தபடி லெனோ போஸ் கொடுக்கிறார். லெனோ தற்போது துபாயில் பணியாற்றி வருவதாகவும் கூறப்படுகிறது. தனது அண்ணன் மூலமாகவே நயன் தற்போது துபாயில் ஒரு பிசினஸை தொடங்கி நடத்தி வருவதாகவும் தகவல் வெளியாகி உள்ளது.