Laila Birthday Photos: 43 வயதிலும்... குறையாத கியூட்னஸ்! நடிகை லைலாவின் பிறந்தநாள் கொண்டாட்ட புகைப்படங்கள்!

நடிகை லைலாம் KPY பாலாவுடன் மிகவும் குறும்புத்தனத்துடன் கேரவனில் கேக் வெட்டி எளிமையாக பிறந்தநாள் கொண்டாடிய புகைப்படங்கள் இதோ  

நடிகை லைலா கேரவனில் கேக் வெட்டி பிறந்தநாள் கொண்டாடிய புகைப்படங்கள் சிலவற்றை KPY பாலா தன்னுடைய சமூக வலைத்தளத்தில் வெளியிட வைரலாக பார்க்கப்பட்டு வருகிறது.

நடிகை லைலா பிரமாண்ட இயக்குனர், ஷங்கர் இயக்கத்தில் அர்ஜுன், மனிஷா கொய்ராலா நடிப்பில் 1999-ம் ஆண்டு வெளியான, 'முதல்வன்' படத்தில் ரிப்போட்டர் வேடத்தில், ஒரு துணை நடிகையாக அறிமுகம் கொடுத்து... மிக குறுகிய காலத்திலேயே முன்னணி நடிகைகள் லிஸ்டில் இடம்பிடித்தவர். 

முதல்வன் படத்தை தொடர்ந்து, ரோஜாவனம், பார்த்தேன் ரசித்தேன் போன்ற படங்களில் தன்னுடைய எதார்த்தமான நடிப்பை லைலா வெளிப்படுத்தி இருந்தாலும், இவரை அடுத்த கட்டத்திற்கு கொண்டு சென்றது என்றால்,  ஏ.ஆர் முருகதாஸ் இயக்கத்தில் தல அஜித்துக்கு ஜோடியாக நடித்த தீனா திரைப்படம் தான்.

இதன் பின்னர் சீயான் விக்ரமுக்கு ஜோடியாக தில், சூர்யாவுக்கு ஜோடியாக நந்தா, பிதாமகன், உன்னை நினைத்து, மவுனம் பேசியதே போன்ற 4 ஹிட் படங்களில் நடித்தார். அடுத்தடுத்து முன்னணி நடிகர்கள் படங்களில் நடித்து வந்த இவர், திடீர் என கடந்த 2006-ம் ஆண்டு ஈரானை சேர்ந்த தனது நீண்ட நாள் காதலரான மெஹ்தின் என்பவரை திருமணம் செய்து கொண்டு வெளிநாட்டிலேயே செட்டில் ஆனார்.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

திருமணத்துக்கு பின் படங்களில் நடிப்பதை தவிர்த்த லைலா, தற்போது தன்னுடைய மகன்கள் இருவருமே வளர்ந்து பெரியவர்கள் ஆகிவிட்டதால், மீண்டும் நடிக்க துவங்கியுள்ளார். சுமார் 16 ஆண்டுகளுக்கு பின்னர் நடிகர் கார்த்தி நடிப்பில் வெளியான சர்தார் படத்தில் முக்கிய வேடத்தில் நடித்த இவர், அடுத்தடுத்து பல படங்களில் நடித்து வருகிறார். அதே போல் தளபதி 68 படத்திலும் நடிக்க கமிட் ஆகியுள்ளார்.

இந்நிலையில் இவர், KPY பாலாவுடன் மிகவும் கியூட்டாக பிறந்தநாள் கொண்டாடிய புகைப்படங்கள் சிலவற்றை பாலாவே வெளியிட, அவை வைரலாக பார்க்கப்பட்டு ரசிகர்கள் மத்தியில், வாழ்த்துக்களையும் லைக்குகளையும் குவித்து வருகிறது.