புதிய வீட்டில் கணவர் - குழந்தையுடன் குடியேறிய காஜல் அகர்வால்! வைரலாகும் கிரஹ பிரவேச புகைப்படங்கள்!

தமிழ் மற்றும் தெலுங்கு மொழிகளில், பல முன்னணி நடிகர்களுக்கு ஜோடியாக நடித்து பல இளம் ரசிகர்களின் கனவு கன்னியாக வலம் வந்தவர் காஜல் அகர்வால். முன்னணி நடிகையாக இருக்கும் போதே கடந்த 2020-ம் ஆண்டு தொழிலதிபரும், தன்னுடைய நீண்ட நாள் காதலருமான கவுதம் கிச்சிலு என்பவரை திருமணம் செய்து கொண்டார்.

திருமணத்திற்கு பின்னரும் தொடர்ந்து நடிப்பில் கவனம் செலுத்தி வந்த காஜல், திருமணமான ஒரே வருடத்தில் கர்ப்பமானார். இதையடுத்து கடந்த ஆண்டு ஏப்ரல் மாதம் இவருக்கு அழகான ஆண் குழந்தை பிறந்தது. அந்த குழந்தைக்கு நீல் கிச்சிலு என பெயர் வைத்தார். 

Raghava Lawrence Net Worth: சத்தமில்லாமல் வளர்ந்து.. கோடிகளில் சம்பளம் வாங்கும் லாரன்ஸ் சொத்து மதிப்பு விவரம்!
 

குழந்தை பிறந்த 6 மாதத்திலேயே மீண்டும் இந்தியன் 2 திரைப்படத்தில் நடிக்க தயாரான காஜல், இப்படத்திற்காக களரி, குதிரை ஏற்றம் போன்ற பல பயிற்சிகளை மேற்கொண்டார். அதே போல் குழந்தை பிறந்த பின்னர், சுமார் 15 கிலோவுக்கு மேல் உடல் எடையை குறித்து... மீண்டும் பழைய ஸ்லிம் ஃபிட் காஜலாக மாறி காட்சியளிக்கிறார்.
 

தற்போது தன்னுடைய சமூக வலைத்தளத்தில் காஜல் சில புகைப்படங்களை வெளியிட்டு, போட்டுள்ள பதிவுக்கு ரசிகர்கள் பலர் தங்களின் வாழ்த்துக்களை தெரிவித்து வருகிறார்கள். அதாவது காஜல் அகர்வால், தற்போது புதிய வீடு ஒன்றை வாங்கி அதில் தன்னுடைய கணவர் மற்றும் குழந்தையுடன் குடியேறியுள்ளார். இந்த வீட்டின் கிரஹ பிரவேசம் மிகவும் எளிமையான முறையில் நடந்த நிலையில்... இதுகுறித்த புகைப்படங்களையும் வெளியிட்டுள்ளார்.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

மேலும் காஜல் போட்டுள்ள பதிவில் தெரிவித்துள்ளதாவது, நான் இதை உங்களுடன் பகிர்ந்து கொள்ளும்போது பல உணர்வுகள் இதயத்தில் எழுகிறது.  இந்த வார தொடக்கத்தில் எங்கள் புதிய வீட்டின் கிரஹ பிரவேசம் நடந்து முடிந்தது.  நான் மிகவும் ஆசீர்வதிக்கப்பட்டதாக உணர்கிறேன். இந்தச் சந்தர்ப்பத்தில், எங்களின் இதயங்கள் மகத்தான நன்றியினால் நிறைந்துள்ளன.' என தெரிவித்துள்ளார். சமீபத்தில் காஜல் பாலகிருஷ்ணாவுடன் நடித்திருந்த 'பகவந்த் கேசரி' திரைப்படம் வெளியான நிலையில், இதை தொடர்ந்து இந்தியன் 2, சத்யபாமா, உமா போன்ற படங்களில் நடித்து முடித்துள்ளார் என்பது குறிப்பிடத்தக்கது.

ரஜினியை அடக்கி ஆளும் கெட்டப்பில் அமிதாப்! 33 வருடங்களுக்கு பின் இணைந்து நடிக்கும் நண்பர்கள் வைரல் போட்டோ!