Anupama Parameswaran : நீல நிற உடையில் இருக்கும் தேவதை.. அனுபமா பரமேஸ்வரனின் க்யூட் போட்டோஸ் இதோ..

நடிகை அனுபமா பரமேஸ்வரனின் லேட்டஸ்ட் க்யூட் போட்டோஸ் இணையத்தில் வைரலாகி வருகிறது.

பிரேமம் படத்தின் மூலம் தென்னிந்தியா ரசிகர்கள் மத்தியில் பிரபலமானவர் அனுபமா பரமேஸ்வரன். படத்தில் கேமியோ ரோலில் வந்திருந்தாலும் அவருக்கு நல்ல வரவேற்பு கிடைத்தது. இதை தொடர்ந்து அவருக்கு தெலுங்கு திரையுலகில் பட வாய்ப்புகள் குவிய தொடங்கின.

அ, ஆ என்ற தெலுங்கு படத்தில் நிதின், சமந்தாவுடன் இணைந்து நடித்தார் அனுபமா. இதை தொடர்ந்து பிரேமம் தெலுங்கு ரீமேக்கில் அவர் நடித்திருந்தார். 

கடந்த 2016-ம் ஆண்டு தனுஷ் நடிப்பில் வெளியான கொடி படத்தின் மூலம் தமிழ் திரையுலகில் எண்ட்ரி கொடுத்தார் அனுபமா. இந்த படத்தில் தனுஷ்க்கு ஜோடியாக நடித்த அனுபமா ரசிகர்களை வெகுவாக கவர்ந்தார்.

தொடந்து அடுத்தடுத்து தமிழ் படங்களில் அனுபமா நடிப்பார் என்று எதிர்பார்க்கப்பட்ட நிலையில், மீண்டும் தெலுங்கு, மலையாள படங்களில் கவனம் செலுத்த தொடங்கினார். மேலும் கடந்த 2019-ம் ஆண்டு வெளியான நடசார்வபௌமா என்ற கன்னட படத்தின் மூலம் கன்னட திரையுலகில் அறிமுகமானார். இந்த படத்தில் புனித் ராஜ்குமாருக்கு ஜோடியாக அவர் நடித்திருந்தார்.

தொடர்ந்து தெலுங்கு, மலையாள படங்களில் பிசியாக இருந்த அனுபமா மீண்டும் தள்ளிபோகாதே என்ற தமிழ் படத்தில் நடித்தார். அதர்வா ஹீரோவாக நடித்த இந்த படத்திற்கு போதிய வரவேற்பு கிடைக்கவில்லை.

பின்னர் 2022-ம் ஆண்டு தெலுங்கில் வெளியான கார்த்திகேயா 2 படத்தில் அவர் நடித்திருந்தார். இந்த படம் விமர்சன ரீதியாகவும், வசூல் ரீதியாகவும் நல்ல வரவேற்பை பெற்றது. 

தொடர்ந்து தெலுங்கு திரையுலகில் பிசியான நடிகையாக வலம் வரும் அனுபமா சமீபத்தில் வெளியான சைரன் படத்தில் ஜெயம் ரவிக்கு ஜோடியாக நடித்திருந்தார். அவர் தற்போது தெலுங்கு, மலையாள படங்களில் நடித்து வருகிறார்.

சமூக வலைதளங்களில் ஆக்டிவாக இருக்கும் அனுபமா பரமேஸ்வரன், அவ்வப்போது தனது போட்டோஷூட் புகைப்படங்களை பதிவிட்டு வருகிறார். அந்த வகையில் தற்போது நீல நிற புடவையில் க்யூட்டாக போஸ் கொடுக்கும் புகைப்படங்களை தனது இன்ஸ்டாகிராம் பக்கத்தில் பதிவிட்டுள்ளார். அவரின் போட்டோக்களை பார்த்த ரசிகர்கள் ப்ளூ கலர் ட்ரஸ்ஸில் இருக்கும் தேவதை என்று கமெண்ட் செய்து வருகின்றனர்.