போட்டோகிராபராக மாறிய நடிகர் விஜய்.. அன்சீன் போட்டோவை பகிர்ந்த ஜெயம் ரவியின் மனைவி.. செம க்யூட்..
ஜெயம் ரவியுடன் இருக்கும் யாரும் பார்த்திடாத அரிய புகைப்படத்தை அவரின் மனைவி ஆர்த்தி இன்ஸ்டாவில் பகிர்ந்துள்ளார்.
நடிகர் ஜெயம் ரவி 2009-ம் ஆண்டு ஆர்த்தி என்பவரை திருமணம் செய்து கொண்டார். இந்த தம்பதிக்கு 2 மகன்கள் உள்ளனர். சமூக வலைதளங்களில் ஆர்த்தி ஆக்டிவாக இருக்கும் நிலையில், ஜெயம் ரவி உடன் இருக்கும் இதுவரை யாரும் பார்த்திடாத போட்டோவை பகிருமாறு, சமீபத்தில் அவரிடம் கேள்வி கேட்கப்பட்டது. தனது கணவருடன் இதுவரை பார்த்திராத ஒரு படத்தை தனது இன்ஸ்டா பக்கத்தில் பகிர்ந்துள்ளார்.
![article_image2](https://static-ai.asianetnews.com/images/01gtf0875n20z9753cz843rbg9/jayamravi--1-_300x199xt.jpg)
ஜெயம் ரவியின் மடியில் அமர்ந்திருக்கும் போட்டோவை ஆர்த்தி பகிர்ந்துள்ளார். அந்த போட்டோவில் ஜெயம் ரவி ஆர்த்தி இருவம் பிளாக் கலர் உடை அணிந்துள்ளனர்.
ஆனால் அந்த போட்டோவை எடுத்தது யார் தெரியுமா? அவர் வேறு யாருமில்லை.. நடிகர் விஜய் தான். விஜய் தான் அந்த போட்டோவை எடுத்ததாக ஆர்த்தி குறிப்பிட்டுள்ளார்.
ஜெயம் ரவி கடைசியாக அறிமுக இயக்குனர் ஆண்டனி பாக்யராஜ் இயக்கத்தில் வெளியான சைரன் படத்தில் நடித்திருந்தார்.. இந்தப் படத்தில் சமுத்திரக்கனி, யோகி பாபு, அழகம் பெருமாள், அஜய் மற்றும் பலர் உள்ளிட்ட பலர் நடித்திருந்தனர். அனுபமா பரமேஸ்வரன் மற்றும் கீர்த்தி சுரேஷ் ஆகியோர் முன்னணி பாத்திரங்களில் நடித்துள்ளனர்.
பிப்ரவரியில் வெளியான இப்படம் கலவையான வரவேற்பை பெற்றது. ஜெயம் ரவி தற்போது எம் ராஜேஷ் இயக்கிய பிரதர் படத்திலும், கிருத்திகா உதயநிதி இயக்கி வரும் பேண்டஸி திரைப்படமான ஜெனி படத்திலும் நடித்து வருகிறார். இவை தவிர காதலிக்க நேரமில்லை என்ற படத்திலும் நடிக்கிறார்.
GOAT Team
மறுபுறம் தளபதி விஜய் தற்போது வெங்கட் பிரபு இயக்கிய தி கோட் படத்தில் நடித்து வருகிறார். சயிண்டிஃபிக் படமாக உருவாகி உள்ள இந்த படம் வரும் செப்டம்பர் 5-ம் தேதி வெளியாக உள்ளது. இப்படத்தில் பிரபுதேவா, பிரசாந்த், மீனாட்சி சவுத்ரி, சினேகா, லைலா, மைக் மோகன், ஜெயராம் மற்றும் பலர் முக்கிய வேடங்களில் நடித்துள்ளனர் எனபது குறிப்பிடத்தக்கது.