பிரபல இயக்குனருடன் இணையும் சந்தானம்.. நாளை வெளியாகும் டைட்டில் & First Look - வெளியிடப்போவது யார் தெரியுமா?
Santhanam Next Movie : வடக்குப்பட்டி ராமசாமி படத்தை தொடர்ந்து தனது அடுத்த பட பணிகளுக்கு தயாராகி வருகின்றார் நடிகர் சந்தானம்.
Santhanam with simbu
தமிழ் சினிமாவில் கடந்த 2002 ஆம் ஆண்டு அறிமுகமாகி இருந்தாலும், 2004 ஆம் ஆண்டு பிரபல நடிகர் சிம்பு நடிப்பில் வெளியான "மன்மதன்" திரைப்படத்தின் மூலம் புகழ்பெற்ற நடிகர் தான் சந்தானம். அதனைத் தொடர்ந்து தளபதி விஜயின் "சச்சின்", சூர்யாவின் "சில்லுனு ஒரு காதல்", தல அஜித் அவர்களின் "கிரீடம்" என்று பல ஹிட் திரைப்படங்களில் நடிக்க துவங்கினார்.
vadakupatti ramasamy
தமிழ் சினிமாவில் உலக நாயகன் கமல்ஹாசனை தவிர மற்ற அனைத்து நடிகர்களுடனும் இணைந்து காமெடியில் கலக்கிய சந்தானம் அவர்கள் அதன் பிறகு நாயகனாக திரைப்படங்களில் தோன்ற ஆரம்பித்தார். தொடக்கத்தில் சில சறுக்கல்களை சந்தித்தாலும், அதன் பிறகு தொடர்ந்து முயற்சித்து இன்று ஹீரோவாக நல்ல பல படங்களில் நடித்து வருகிறார்.
Kamalhaasan
இறுதியாக இவ்வாண்டு துவக்கத்தில் வெளியான "வடக்குப்பட்டி ராமசாமி" திரைப்படத்தில் நடித்திருந்த நடிகர் சந்தானம், இப்பொது "இந்தியா பாகிஸ்தான்" என்கின்ற திரைப்படத்தை இயக்கி புகழ்பெற்ற இயக்குனர் ஆனந்த என்பவருடன் தனது அடுத்த பட பணிகளை துவங்கியிருக்கிறார். ஏற்கனவே இந்த படத்திற்கான படப்பிடிப்பு பணிகள் நடந்து வரும் நிலையில், நாளை இந்த திரைப்படத்தின் டைட்டில் மட்டும் பஸ்ட் லுக் போஸ்டர் வெளியாகவுள்ளது. உலகநாயகன் கமல்ஹாசன் அவர்கள் அதை வெளியிடுவார் என்று அறிவிக்கப்பட்டுள்ளது.