உடல்நலக்குறைவால் பாதிக்கப்பட்ட நடிகர் மன்சூர் அலி கான்.. ஐசியூவில் அனுமதி.. உடல்நிலை எப்படி இருக்கு?

தேர்தல் பிரச்சாரத்தில் ஈடுபட்டு வந்த நடிகர் மன்சூர் அலி கானுக்கு திடீரென உடல்நலக்குறைவால் பாதிக்கப்பட்டு மருத்துவமனையில் சேர்க்கப்பட்டுள்ளார்.

Mansoor Ali Khan Health Condition

நடிகர் மன்சூர் அலி கான் நாடாளுமன்ற தேர்தலை முன்னிட்டு தீவிரமாக பிரச்சாரத்தில் ஈடுபட்டு வந்தார். இந்நிலையில் திடீரென அவருக்கு உடல்நலக்குறைவு ஏற்பட்டு இன்று மருத்துவமனையில் அனுமதிக்கப்பட்டார். லேசான மயக்கமாக இருக்கும் என எதிர்பார்க்கப்பட்டது.

Mansoor Ali Khan

தற்போது தீவிர சிகிச்சை பிரிவில் மன்சூர் அலி கான் அனுமதிக்கப்பட்டு இருப்பதாக தகவல்கள் வெளியாகியுள்ளன. கடந்த ஆண்டு லோகேஷ் கனகராஜ் இயக்கத்தில் தளபதி விஜய் நடிப்பில் வெளியான லியோ படத்தில் லியோவின் பிளாஷ்பேக் காட்சியை சொல்லும் இருதயராஜ் டிசோசா கதாபாத்திரத்தில் நடித்து இருப்பார்.

Vellore Lok Sabha Election

நடிகை திரிஷா குறித்து மன்சூர் அலி கான் பேசியது பெரும் சர்ச்சையை கிளப்பியது. பிறகு மன்னிப்பு கேட்டார். இந்திய ஜனநாயக புலிகள் கட்சியை ஆரம்பித்து நடத்தி வரும் மன்சூர் அலி கான் தேர்தலை முன்னிட்டு வழங்கப்பட்ட பலாப்பழம் சின்னத்தை வைத்து வேலூர் சுற்றுவட்டார பகுதிகளில் பிரச்சாரம் மேற்கொண்டு வந்தார்.

Actor Mansoor Alikhan

திடீரென அவர் மயக்கம் போட்டு விழுந்த நிலையில், உடனடியாக அவரது கட்சியினர் மருத்துவமனையில் கொண்டு சேர்த்தனர். தற்போது அவருக்கு ஐ சியூவில் தீவிர சிகிச்சை அளிக்கப்பட்டு வருவதாக கூறப்படுகிறது. தற்போது அவர் சென்னை கே.கே நகரில் உள்ள மருத்துவமனையில் ஐசியூவில் அனுமதிக்கப்பட்டுள்ளார் என்று கூறப்படுகிறது.