மணிரத்னம் இயக்கத்தில் Thug Life.. USல் முடிந்த படப்பிடிப்பு பணிகள் - அடுத்து "ஆண்டவர்" போகப்போகும் நாடு எது?

Kamalhaasan Thug Life : சுமார் 36 ஆண்டுகளுக்கு பிறகு உலக நாயகன் கமல்ஹாசன் அவர்கள், பிரபல இயக்குனர் மணிரத்னம் அவர்களுடன் இணைந்து பணியாற்றிவரும் படம் தான் Thug Life.

Nayagan

கடந்த 1987 ஆம் ஆண்டு பிரபல இயக்குனர் மணிரத்தினம் அவர்களுடைய இயக்கத்தில் முதல் முறையாக உலகநாயகன் கமலஹாசன் அவர்கள் நடித்து வெளியான திரைப்படம் தான் நான் நாயகன். வேலு நாயக்கர் என்கின்ற அந்த கதாபாத்திரம் ஆண்டுகள் பல கடந்து, இன்றளவும் அவ்வளவு பசுமையாக இருக்கிறது என்றால் அதற்கு முழு காரணம் மணிரத்தினம் தான் என்றே கூறலாம். அந்த அளவிற்கு நேர்த்தியான கதை அம்சத்தோடு அந்த திரைப்படத்தை அமைத்திருப்பார்.

Trisha

இந்நிலையில் சுமார் 36 ஆண்டுகள் கழித்து இந்த 2024 ஆம் ஆண்டு மீண்டும் உலக நாயகன் கமல்ஹாசன் அவர்களை தனது இயக்கத்தில் நடிக்க வைத்திருக்கிறார் மணிரத்தினம். Thug Life என்று தலைப்பிடப்பட்டுள்ள இந்த திரைப்படம் தற்கால கதை களத்தை கொண்ட படமாக தான் உருவாக்கப்பட்டு இருக்கிறது என்றும், பல நூற்றாண்டுகளுக்கு முன்பு இந்தியாவில் வாழ்ந்து வந்த Thuggees என்பவர்களுடைய வாழ்க்கை வரலாற்றை தழுவி இந்த திரைப்படம் எடுக்கப்பட்டுள்ளதாகவும் சில தகவல்கள் வெளியாகி உள்ளது.

Thug Life Movie

இந்த சூழலில் அந்த திரைப்படத்திற்கான சில பணிகளை அமெரிக்காவில் முடித்துவிட்டு தற்பொழுது சென்னை திரும்பி இருக்கிறார் உலகநாயகன் கமல்ஹாசன் அவர்கள். இன்னும் இரண்டு தினங்களில் நல்ல செய்தியோடு செய்தியாளர்களை சந்திக்க இருப்பதாகவும் அவர் கூறியிருக்கிறார். தக் லைப் படத்தின் அடுத்த கட்ட படபிடிப்பு சைபீரியாவில் நடக்க உள்ளதாக கூறப்படுகிறது. இந்த திரைப்படத்தில் ஜெயம் ரவி, துல்கர் சல்மான் மற்றும் திரிஷா உள்ளிட்ட முன்னணி நடிகர் நடிகைகள் நடித்து வருகின்றனர்.