Breaking: மருத்துவமனையில் இருந்து வீடு திரும்பினார் அஜித்! நிம்மதியடைந்த ரசிகர்கள்!

தமிழ் சினிமாவில், முன்னணி நடிகராகவும், வசூல் மன்னனாகவும் வலம் வருபவர் அஜித்குமார். இவர் நேற்று முன்தினம் திடீர் என சென்னை அப்பல்லோ மருத்துவமனையில் அனுமதிக்கப்பட்டு உள்ளதாக வெளியான தகவல் திரையுலகினர் மத்தியிலும், அஜித்தின் ரசிகர்கள் மத்தியிலும் மிகுந்த பரபரப்பை ஏற்படுத்தியது. அஜித் ஏன் மருத்துவமனையில் அனுமதிக்கப்பட்டார் என தொடர்ந்து ரசிகர்கள் கேள்வி எழுப்பி வந்த நிலையில், அஜித்தின் மேலாளர் இதற்க்கு விளக்கம் கொடுத்தார்.
 

அதாவது அஜித் நடித்து வரும் 'விடாமுயற்சி' திரைப்படத்தின் படப்பிடிப்பு மார்ச் 15-ஆம் தேதி முதல் மீண்டும் அஜர்பையான் நாட்டில் துவங்க உள்ளதாகவும், எனவே ரெகுலர் செக் அப்பிற்காக மட்டுமே அஜித் மருத்துவமனைக்கு சென்றுள்ளதாக தெரிவிக்கப்பட்டது.

Santhanam Cry: ஈஷா யோகா மையத்தில் நடந்த மஹா சிவராத்திரி விழா! தியானத்தில் மனம் உருகி அழுத நடிகர் சந்தானம்!

அஜித் தரப்பில் இருந்து இப்படி ஒரு விளக்கம் கொடுக்கப்பட்ட பின்னர், சமூக வலைத்தளத்தில், அஜித்திற்கு மூலையில் கட்டி இருப்பது கண்டுபிடிக்கப்பட்டதாகவும், இதற்காக சுமார் 4 மணிநேரம் அறுவை சிகிச்சை செய்யப்பட்டதாக கூறப்பட்டது. அதே போல் அஜித்துக்கு ஏற்கனவே அடிபட்ட, முதுகு தண்டுவட பகுதியில் பாதிப்பு இருப்பது கண்டுபிடிக்கப்பட்டதாகவும் கூறப்பட்டது. 
 

இப்படி பரவிய தகவல்கள், ரசிகர்களை உச்சகட்ட அதிர்ச்சியில் ஆழ்த்தியது. பின்னர் மீண்டும் அஜித் தரப்பில் இருந்து, அவரது மேலாளர் கொடுத்த விளக்கத்தில்... அஜித்துக்கு மூளையில் கட்டி இருப்பதாக சொல்லப்படுவது உண்மையல்ல என்றும் கூறிய அவர், வழக்கமான பரிசோதனை மேற்கொண்டபோது அவருக்கு காதுக்கு கீழே நரம்பு வீக்கம் இருந்தது கண்டறியப்பட்டதாகவும், பின்னர் அதற்கான சிகிச்சை அரை மணிநேரம் நடந்ததாகவும் கூறினார்.

Female Oriented Movies: பெண்களை போகப்பொருளாக ஆக்காமல் உயர்வாக சித்தரித்த டாப் 5 சூப்பர் ஹிட் தமிழ் படங்கள்!

இந்த சிகிச்சைக்கு பின்னர் நேற்று இரவே அஜித் சாதாரண வார்டுக்கு மாற்றப்பட்டுவிட்டதாகவும், இன்று இரவு அல்லது நாளை காலை அஜித் வீடு திரும்புவார் என்றும் சுரேஷ் சந்திரா தெரிவித்தார். இதை தொடர்ந்து அஜித் சற்று முன்னர் அஜித் மருத்துவமனையில் இருந்து வீடு திரும்பிவிட்டதாக அறிவிக்கப்பட்டுள்ளது.