Female Oriented Movies: பெண்களை போகப்பொருளாக ஆக்காமல் உயர்வாக சித்தரித்த டாப் 5 சூப்பர் ஹிட் தமிழ் படங்கள்!
ஹீரோயின்களை கதையின் நாயகியாக வைத்து எடுக்கப்பட்டு வரும் படங்கள் அதிகரித்திருந்தாலும், பெண்களின் அருமை பெருமையை எடுத்து கூறி அவர்களை உயர்வாக பார்க்க வைத்த 5 படங்கள் பற்றி இந்த தொகுப்பில் பார்க்கலாம்.
அவள் ஒரு தொடர்கதை:
இயக்குனர் கே பாலச்சந்தர் இயக்கத்தில், 1974 ஆம் ஆண்டு கதாநாயகியை மையமாக வைத்து எடுக்கப்பட்ட திரைப்படம் 'அவள் ஒரு தொடர்கதை'. சுஜாதா கதாநாயகியாக நடித்திருந்த இந்த படத்தில், ஜெய்சங்கர், கமலஹாசன், விஜயகுமார், ஸ்ரீபிரியா, உள்ளிட்ட ஏராளமான நட்சத்திரங்கள் இந்த படத்தில் நடித்திருந்தனர்.
தன்னுடைய குடும்பத்தை காப்பாற்ற வாழ்க்கையையே தியாகம் செய்யும் ஒரு உன்னதமான பெண்ணின் கதையை மையமாக வைத்து இப்படம் எடுக்கப்பட்டிருந்தது. மேலும் இப்படத்தில் இடம்பெற்ற கடவுள் அமைத்து வைத்த மேடை, தெய்வம் தந்த வீடு போன்ற பாடல்கள் தற்போது வரை பல ரசிகர்களால் ரசிக்கப்படும் ஒன்றாக இருந்து வருகிறது. இப்படத்தில் இடம் பெற்ற அனைத்து பாடல்களையும் கண்ணதாசன் ஏழுத விஸ்வநாதன் இசையமைத்திருந்தார் என்பது குறிப்பிடத்தக்கது.
மகளிர் மட்டும்:
இயக்குனர் சங்கீதா சீனிவாசராவ் இயக்கத்தில் கமலஹாசன் தயாரிப்பில் ரேவதி, ஊர்வசி, ரோகிணி, ஆகியோர் நடிப்பில் வெளியான திரைப்படம் மகளிர் மட்டும். 1994 ஆம் ஆண்டு வெளியான இந்த படத்தில், பெண்கள் எந்த அளவுக்கு வலிமை மிக்கவர்கள் என்பதை காட்டியிருந்தார் இயக்குனர். ரசிகர்கள் மத்தியில் நல்ல வரவேற்பை பெற்ற இந்த படம், சிரிக்க மட்டும் அல்ல சிந்திக்கவும் வைத்தது. நாசர், பசி சத்யா முக்கிய ரோலில் நடித்திருந்த இந்த படத்தில் கமலஹாசன் கேமியோ ரோலில் நடித்திருந்தார் என்பது குறிப்பிடத்தக்கது.
36 வயதினிலே:
இயக்குனர் ரோஷன் அண்ட்ரோஸ் இயக்கத்தில் நடிகர் சூர்யா தயாரிப்பில், ஜோதிகா 8 வருடங்களுக்கு பின் ரீ என்ட்ரி கொடுத்த திரைப்படம் 36 வயதினிலே. மலையாளத்தில் நடிகர் மஞ்சுவாரியர் நடிப்பில் வெளியான ஹொவ் ஓல்ட் ஆர் யூ திரைப்படத்தின் ரீமேக் ஆக இப்படம் எடுக்கப்பட்டது. இந்த படத்தில் ரகுமான், அபிராமி, நாசர்,டெல்லி கணேஷ், உள்ளிட்ட பலர் நடித்திருந்தனர். திருமணத்திற்கு பின்னர் பெண்களால் எதுவும் சாதிக்க முடியாது என்கிற தோற்றமே உள்ள நிலையில், பெண்கள் நினைத்தால் எதையும் வீட்டில் இருந்து கூட சாதிக்கமுடியும் என்பதை எடுத்து கூறியது இப்படம். குறிப்பாக டெரஸ் கார்டன் மூலம் காய்கறிகள் விளைவித்து, அதன் மூலமும் லாபம் பார்க்கலாம் என்பதற்கு பிள்ளையார் சுழி போட்டது இப்படம் எனலாம். 2015 ஆம் ஆண்டு வெளியான இந்த படம், ஜோதிகாவுக்கு பல விருதுகளை பெற்று தந்தது. அண்மையில் சிறந்த திரைப்படம், சிறந்த நடிகை, உள்ளிட்ட ஆறு விருதுகளை தமிழக அரசின் விருதை பெற்றது குறிபிடித்தக்கது.
தமிழக வெற்றிக் கழகத்தின் உறுப்பினர் சேர்க்கை செயலி அறிமுகம்! முதல் உறுப்பினர் யார் தெரியுமா?
அருவி:
இயக்குனர் அருண் பிரபு புருஷோத்தமன் இயக்கத்தில் ட்ரீம் வாரியார் பிக்சர்ஸ் தயாரிப்பில் 2016 ஆம் ஆண்டு வெளியான திரைப்படம் அருவி. எந்த ஒரு தவறுமே செய்யாமல் எச்ஐவி நோயால் பாதிக்கப்படும் பெண் சமூகத்தில் சந்திக்கும் அவலங்களை பற்றி தோலுரித்து கூறிய திரைப்படம் அருவி. இந்த படத்தில் அதிதி பாலன் ஹீரோயினாக நடிக்க, அஞ்சலி வரதன், முகமத் அலிபாய், பிரதீப் ஆண்டனி, கவிதா பாரதி உள்ளிட்ட பலர் நடித்திருந்தனர்.
அறம்:
இயக்குனர் கோபி நயினார் இயக்கத்தில் நயன்தாரா நடிப்பில் 2017 ஆம் ஆண்டு வெளியான திரைப்படம் அறம். இதுவரை நயன்தாரா ஐந்திற்கும் மேற்பட்ட படங்களில் கதையின் நாயகியாக நடித்திருந்தாலும், அறம் படம் தான் இவரை மிகவும் உயர்ந்த பெண்ணாக சித்தரித்திருந்தது. இந்த படத்தில் நயன்தாரா கலெக்டராக நடித்திருந்தார். மேலும் பல சிறார்கள் உயிரை வாங்கும் ஆழ்துளை கிணறு பற்றி இப்படம் அழுத்தமான பேசியிருந்தது. கே ஜி ஆர் ஸ்டுடியோஸ் தயாரிப்பில் ஐந்து கோடி பட்ஜெட்டில் உருவான இப்படம் 27 கோடி லாபம் பார்த்தது. மேலும் நயன்தாராவுக்கு மாஸ்டர் பீஸ் திரைப்படமாகவும் இது அமைந்தது என்பது குறிப்பிடத்தக்கது.