இயற்கை எழில் கொஞ்சும் இடத்தில் கியூட் போஸ்.. ஆதி - நிக்கி ஜோடியின் வேலண்டைன்ஸ் டே கிளிக்ஸ்..

பிரபல தெலுங்கு இயக்குனர் ரவிராஜாபினிஷெட்டியின் மகனான நடிகர் ஆதி பினிஷெட்டி. Oka V Chitram என்ற படத்தின் மூலம் தெலுங்கு திரையுலகில் ஹீரொவாக அறிமுகமானவர் ஆதி. இதை தொடர்ந்து மிருகம் படத்தின் மூலம் தமிழ் திரையுலகில் அறிமுகமானார். 

பொதுவாக திரையில் தங்கள் கெரியரை அடுத்த நிலைக்கு கொண்டு செல்ல வித்தியாசமான கேரக்டரை தேர்வு செய்து ஹீரோக்கள் நடிப்பார்கள்.. ஆனால் தனது முதல் படத்திலேயே மாறுபட்ட ரோலில் நடித்து கவனம் ஈர்த்தார் ஆதி. 

பின்னர் ஈரம், அய்யனார், அரவாண், யாகவராயினும் நா காக்க, மரகத நாணயம் உள்ளிட்ட பல படங்களில் நடித்து ரசிகர்களின் கவனத்தை ஈர்த்து வந்தார் ஆதி.. 

தமிழை போலவே தெலுங்கிலும் பல படங்களில் அவர் நடித்துள்ளார். இதன் மூலம் தமிழ், தெலுங்கில் கணிசமான ரசிகர்கள் ஆதிக்கு உள்ளனர். 

இந்த சூழலில் யாகவாராயினும் நா காக்க, மரகத நாணயம் ஆகிய படங்களில் தன்னுடன் நடித்த நிக்கி கல்ராணியை காதலித்து திருமணம் செய்து கொண்டார். இவர்களின் திருமணம் கடந்த 2022-ம் ஆண்டு பிரம்மாண்டமாக நடைபெற்றது. 

சமூக வலைதளங்களில் ஆக்டிவாக இருக்கும் ஆதி, நிக்கி நட்சத்திர தம்பதி அவ்வப்போது தங்கள் புகைப்படங்களை பதிவிட்டு ரசிகர்களை மகிழ்வித்து வருகின்றனர். 

அந்த வகையில் தற்போது காதலர் தினத்தை முன்னிட்டு சுற்றுலா சென்றுள்ள ஆதி – நிக்கி தம்பதியின் புகைப்படங்கள் தற்போது இணையத்தில் வைரலாகி வருகிறது. இந்த புகைப்படங்களுக்கு லைக்கள் குவிந்து வருகின்றன.