விஜய் இடத்தை பிடிக்க சிவகார்த்திக்கேயனுடன் மல்லுக்கட்டும் இளம் ஹீரோ? பிரதீப் ரங்கநாதன் கையில் இத்தனை படங்களா?!

'தளபதி' விஜய் அரசியலில் நுழைந்துள்ள நிலையில், தமிழ் சினிமாவில் அவரது இடத்தை பிடிக்க சிவகார்த்திகேயன் மற்றும் 'லவ் டுடே' புகழ் பிரதீப் ரங்கநாதன் இடையே போட்டி வலுத்துள்ளது

Image Credit : X

மோதிக்கொள்ளும் அடுத்த தளபதிகள்?!

தமிழ் திரையுலகில் 'தளபதி' விஜய் அரசியலில் தடம் பதித்துள்ள நிலையில், அவர் விட்டுச் செல்லும் அந்தப் பெரிய இடத்தை பிடிக்கப் போவது யார் என்ற விவாதம் தற்பொழுது சூடுபிடித்துள்ளது. இந்த ரேஸில் முன்னணியில் இருப்பவர் சிவகார்த்திகேயன் என்பது அனைவரும் அறிந்ததே. ஆனால், அவருக்குப் போட்டியாக தற்பொழுது ஒரு இளம் புயல் வேகம் எடுத்துள்ளது. அவர்தான் 'லவ் டுடே' புகழ் பிரதீப் ரங்கநாதன்.

Image Credit : Mythri Movie Makers/ X

'டிராகன்' கொடுத்த அசுர பலம் ச

மீபத்தில் வெளியான 'டிராகன்' திரைப்படம் மிகப்பெரிய வெற்றியைப் பெற்றுள்ளது. அஸ்வந்த் மாரிமுத்து இயக்கத்தில் வெளியான இப்படம், பிரதீப் ரங்கநாதனுக்கு ஹாட்ரிக் வெற்றியைப் பெற்றுத் தந்து அவரை ஒரு கமர்ஷியல் ஸ்டாராக உயர்த்தியுள்ளது. டியூட் (Dude)க்கு பிறகு வெறும் இளைஞர்களுக்கான ஹீரோவாக மட்டும் பார்க்கப்பட்ட பிரதீப், இன்று அனைத்து தரப்பு ரசிகர்களையும் கவர்ந்து வருகிறார்.

Image Credit : X

பிரதீப் வசம் இருக்கும் மெகா ப்ராஜெக்ட்கள்

தற்போதைய தகவலின்படி, பிரதீப் ரங்கநாதன் கையில் 5-க்கும் மேற்பட்ட முக்கிய படங்கள் உள்ளன:

• லவ் இன்சூரன்ஸ் கார்ப்பரேஷன் (LIC): விக்னேஷ் சிவன் இயக்கத்தில் உருவாகும் இப்படம் இறுதி கட்டத்தில் உள்ளது.
• டியூட் (Dude): ஏற்கனவே 100 கோடி வசூலை எட்டியுள்ள இப்படத்தின் வெற்றியைத் தொடர்ந்து, அதன் அடுத்தடுத்த பாகங்கள் குறித்த பேச்சுவார்த்தைகள் நடக்கின்றன.
• AGS உடன் 3-வது படம்: 'லவ் டுடே', 'டிராகன்' படங்களுக்குப் பிறகு மீண்டும் ஏ.ஜி.எஸ் தயாரிப்பில் பிரதீப் ஒரு படத்தை இயக்கி, நடிக்க உள்ளார்.
• தெலுங்கு ரீமேக்: 'லவ் டுடே' படத்தின் மூலம் ஆந்திராவிலும் அவருக்குப் பெரிய மார்க்கெட் உருவாகியுள்ளதால், நேரடித் தெலுங்குப் படம் ஒன்றிலும் அவர் நடிக்க ஒப்பந்தமாகியுள்ளார். 
• புதிய கூட்டணி: முன்னணி தயாரிப்பு நிறுவனமான லைக்கா அல்லது சன் பிக்சர்ஸ் நிறுவனத்துடன் ஒரு புதிய படத்தில் இணையவும் பேச்சுவார்த்தை நடந்து வருகிறது.

Image Credit : X

சிவகார்த்திகேயனுக்குச் சவாலா?

மறுபுறம் சிவகார்த்திகேயன், 'அமரன்' படத்தின் மெகா ஹிட் மற்றும் ஏ.ஆர். முருகதாஸ் இயக்கத்தில் உருவாகியுள்ள 'மதராசி'  மற்றும் 'பராசக்தி' போன்ற படங்களின் மூலம் தன்னை ஒரு மாஸ் ஹீரோவாக நிலைநிறுத்திக் கொண்டுள்ளார். விஜய்யின் இடத்தைப் பிடிப்பதில் சிவகார்த்திகேயன் அனுபவத்தால் முன்னிலையில் இருந்தாலும், பிரதீப் ரங்கநாதன் தனது சொந்தக் கதைகள் மற்றும் இயக்கத்தின் மூலம் இளைஞர்களைக் கட்டிப்போடுகிறார். குறிப்பாக, பிரதீப்பின் வளர்ச்சி 'தளபதி' விஜய்யின் ஆரம்பகால வளர்ச்சியை நினைவுபடுத்துவதாக சினிமா விமர்சகர்கள் கூறுகின்றனர். அப்படியா மக்களே.!