அஜித்தின் குட் பேட் அக்லி.. படத்தில் இணையும் லோக்கியின் நண்பன் - வேற லெவல் சம்பவம் வெயிட்டிங்!

தமிழ் சினிமாவில் எம்ஜிஆர் - சிவாஜி, ரஜினி - கமல் என்ற வரிசையில் தளபதி விஜய் மற்றும் தல அஜித் என்ற போட்டி நடந்த 30 ஆண்டுகளுக்கும் மேலாக மிக ஆரோக்கியமான முறையில் நடந்து வருகிறது. விரைவில் இந்த போட்டி முடிவுக்கு வரவுள்ள நிலையில், இரண்டு நடிகர்களும் தங்களுடைய வேறொரு பரிமாணத்தை மக்கள் மத்தியில் இப்போது வெளிப்படுத்த தொடங்கியிருக்கின்றனர். 

தனது அரசியல் பயணத்தை நோக்கி நகர்கின்ற தளபதி விஜய் ஒருபுறம் என்றால், தன்னுடைய கனவான கார் ரேசிங் பக்கம் தற்பொழுது சென்று வருகிறார் தல அஜித் என்பது அனைவரும் அறிந்ததே. கடந்த 2023ம் ஆண்டு பிரபல இயக்குனர் ஹச். வினோத் இயக்கத்தில் தனது "துணிவு" திரைப்படத்தை வெளியிட்ட தல அஜித், இப்போது பிரபல இயக்குனர் மகிழ் திருமேனி இயக்கத்தில் "விடாமுயற்சி" என்ற திரைப்படத்திலும், தன்னுடைய ரசிகனும், பிரபல இயக்குனருமான ஆதிக் ரவிச்சந்திரன் இயக்கத்தில் "குட் பேட் அக்லி" என்கின்ற திரைப்படத்திலும் பிஸியாக அதுவும் நான் ஸ்டாப்பாக நடித்து வருகிறார்.

கமல் இல்ல.. சிவாஜியும் இல்ல - கோலிவுடில் முதன் முதலில் 10 கதாபாத்திரத்தில் நடித்த நடிகர் யார் தெரியுமா?

இது மட்டுமல்லாமல் இடையிடையே தன்னுடைய ரேசிங் பயணத்திற்கான ஒத்திகைகளையும் அவர் மேற்கொள்ள தவறுவதில்லை. "விடாமுயற்சி" திரைப்படம் இந்த ஆண்டு வெளியாகும் என்று எதிர்பார்க்கப்படும் நிலையில், 2025ம் ஆண்டு முதல் பாதியில் "குட் பேட் அக்லி" திரைப்படம் வெளியாக அதிக வாய்ப்புகள் இருப்பதாக கூறப்படுகிறது. 

இந்த இரண்டு திரைப்படங்களை முடித்துவிட்டு சில காலம் தன்னுடைய ரேஸிங் பயணத்தில் ஈடுபட உள்ள தல அஜித், தொடர்ச்சியாக திரைப்படங்களில் நடிப்பார் என்றும் பெரிய அளவில் நம்பப்படுகிறது. இவ்வாண்டு துவக்கத்தில் "விடாமுயற்சி" படத்தின் அறிவிப்புகள் வெளியாகி இருந்தாலும், பல மாதங்களாக அப்படம் கிடப்பில் கிடந்தது. ஆனால் தற்பொழுது வெகு விரைவாக உருவாகி வருகிறது. அதேபோல சில மாதங்களுக்கு முன்பு அறிவிக்கப்பட்ட குட் பேட் அக்லி படமும் தற்பொழுது முழு வீச்சில் படம் ஆகி வருகிறது. 

இந்த சூழலில் ஆதிக் ரவிச்சந்திரன் இயக்கத்தில் உருவாகி வரும் "குட் பேட் அக்லி" திரைப்படத்தில் இரண்டு முக்கிய நடிகர்கள் இணைய உள்ளதாக சில தகவல்கள் வெளியாகி உள்ளது. இது அதிகாரப்பூர்வ தகவல்கள் இல்லை என்றாலும், அந்த இரு நடிகர்கள் இணைவது ஏறத்தாழ 80 சதவீதம் உறுதியாகி உள்ளதாக நம்பத்தகுந்த வட்டாரங்களில் இருந்து தகவல்கள் கிடைத்திருக்கிறது.

ஏற்கனவே அஜித்தின் குட் பேட் அக்லி திரைப்படத்தில் பிரபல நடிகை த்ரிஷா, சுனில் உள்ளிட்டவர்கள் இப்பொது நடித்து வரும் நிலையில், பிரபல நடிகர் பிரசன்னா இந்த திரைப்படத்தில் நடிக்க உள்ளதாகவும், லோகேஷ் கனகராஜின் மிக நெருங்கிய நண்பரும் இப்போது நல்ல பல படங்களில் ஹீரோவாக நடித்து வருவருமான அர்ஜுன் தாசும் இந்த திரைப்படத்தில் முக்கிய கதாபாத்திரத்தில் இணைந்திருப்பதாக தகவல்கள் வெளியாகி உள்ளது. 

மனைவியின் ஆசை; 175 ஏக்கர் நிலத்தால் ஜெயிலுக்கு போய்.. கேரியரையே இழந்த சுமன்.!