போலீஸ் யூனிஃபார்மில் விஜய்; ஜன நாயகன் ஷூட்டிங்கில் இருந்து லீக்கான போட்டோ
ஜன நாயகன் படத்தில் ஷூட்டிங் ஸ்பாட் புகைப்படம் ஒன்று லீக் ஆகி உள்ளது. அதில் நடிகர் விஜய் போலீஸ் யூனிஃபார்மில் காட்சியளிக்கிறார்.
Jana Nayagan Shooting Spot Still Leaked
நடிகர் விஜய்யின் 69-வது திரைப்படம் ஜன நாயகன். இப்படத்தை எச்.வினோத் இயக்குகிறார். இதில் நடிகர் விஜய்யுடன் பூஜா ஹெக்டே, பாபி தியோல், கெளதம் மேனன், பிரகாஷ் ராஜ், மமிதா பைஜு, பிரியாமணி என மிகப்பெரிய நட்சத்திர பட்டாளமே நடித்துள்ளது. இப்படத்திற்கு அனிருத் இசையமைக்கிறார். இப்படத்தை கேவிஎன் நிறுவனம் தயாரிக்கிறது. இப்படத்தின் இணை தயாரிப்பாளராக ஜெகதீஷ் பழனிச்சாமி பணியாற்றி வருகிறார்.
பொங்கல் விருந்தாக வரும் ஜன நாயகன்
ஜன நாயகன் திரைப்படம் வருகிற 2026-ம் ஆண்டு பொங்கல் விருந்தாக திரைக்கு வர உள்ளது. விஜய்யின் கடைசி படம் என்பதால், இப்படத்திற்கு ரசிகர்கள் மத்தியில் நாளுக்கு நாள் எதிர்பார்ப்பு எகிறி வருகிறது. இப்படத்தின் படப்பிடிப்பு தற்போது இறுதிக்கட்டத்தை எட்டி உள்ளது. விஜய் நடிக்கும் காட்சிகளின் படப்பிடிப்பு இன்னும் ஓரிரு நாட்களில் முடிவுக்கு வர உள்ளது. எஞ்சியுள்ள படப்பிடிப்பையும் இம்மாத இறுதிக்குள் நடத்தி முடிக்க திட்டமிட்டு உள்ளனர்.
ஜன நாயகன் விஜய் சம்பளம்
ஜன நாயகன் படத்தின் படப்பிடிப்பு முடியும் முன்னரே அதன் ப்ரீ ரிலீஸ் பிசினஸ் சூடுபிடித்துள்ளது. அதன்படி இப்படத்தின் ஓடிடி உரிமையை அமேசான் பிரைம் நிறுவனம் 121 கோடிக்கு வாங்கி உள்ளதாக கூறப்படுகிறது. அதுமட்டுமின்றி இப்படத்துக்காக நடிகர் விஜய் ரூ.275 கோடி சம்பளமாக வாங்கி உள்ளாராம். தமிழ் சினிமா வரலாற்றில் அதிக சம்பளம் வாங்கும் நடிகராகவும் விஜய் திகழ்கிறார். இப்படத்தின் டீசர் வருகிற ஜூன் 22ந் தேதி விஜய்யின் பிறந்தநாளன்று வெளியாக வாய்ப்புள்ளது.
ஜன நாயகன் ஷூட்டிங் ஸ்பாட் போட்டோ லீக்
இந்த நிலையில், ஜன நாயகன் திரைப்படத்தின் ஷூட்டிங் ஸ்பாட் புகைப்படம் லீக் ஆகி உள்ளது. அதன்படி இப்படத்திற்காக போலீஸ் உடையில் நடிகர் விஜய் நடிக்கும் காட்சிகள் படமாக்கப்பட்ட போது எடுத்த அந்த புகைப்படம் இணையத்தில் செம வைரலாகி வருகிறது. அந்த புகைப்படத்தை பார்த்த ரசிகர்கள், தெறி படத்திற்கு பின் தளபதியை போலீஸ் கெட் அப்பில் பார்க்க உள்ளதால் பூரித்துப் போய் உள்ளனர். இப்படத்தில் நடிகர் விஜய்யின் பெயர் தளபதி வெற்றி கொண்டான் என கூறப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
