- Home
- Cinema
- லியோ படத்தில் நடிக்க அழைத்த லோகேஷ்... வேண்டவே வேண்டாம்னு திருப்பி அனுப்பிய சாய் பல்லவி - ஏன் தெரியுமா?
லியோ படத்தில் நடிக்க அழைத்த லோகேஷ்... வேண்டவே வேண்டாம்னு திருப்பி அனுப்பிய சாய் பல்லவி - ஏன் தெரியுமா?
லோகேஷ் கனகராஜ் இயக்கத்தில் பிரம்மாண்டமாக உருவாகி வரும் லியோ படத்தில் நடிகை சாய் பல்லவி நடிக்க மறுத்ததாக தகவல் வெளியாகி உள்ளது.
நடிகை சாய் பல்லவி, மலையாளத்தில் கடந்த 2015-ம் ஆண்டு வெளியாகி பிளாக்பஸ்டர் ஹிட் ஆன பிரேமம் படத்தின் மூலம் நடிகையாக அறிமுகமானார். அல்போன்ஸ் புத்திரன் இயக்கத்தில் வெளியான இப்படத்தில் மலர் டீச்சராக வந்து இளசுகளின் மனதை கொள்ளையடித்தார். இப்படத்தின் வெற்றிக்கு சாய் பல்லவியின் நடிப்பும் முக்கிய காரணமாக அமைந்தது. இதையடுத்து தமிழ் திரையுலகில் எண்ட்ரி கொடுத்த அவர், மாரி 2, என்.ஜி.கே., தியா போன்ற படங்களில் நடித்தார்.
தமிழில் சாய் பல்லவிக்கு பெரியளவில் வெற்றி கிடைக்காததால், தெலுங்கில் நடிக்கத் தொடங்கினார். அங்கு இவர் நடித்த படமெல்லாம் வேறலெவலில் ஹிட் ஆனதால் குறுகிய காலத்திலேயே டோலிவுட்டில் முன்னணி ஹீரோயினாக உயர்ந்தார் சாய் பல்லவி. இதையடுத்து பல்வேறு பெரிய நடிகர்களுடன் நடிக்க வந்த வாய்ப்புகளையும் அசால்டாக நோ சொல்லி திருப்பி அனுப்பிவிடுகிறாராம் சாய்பல்லவி.
இதையும் படியுங்கள்... விஜய்யின் ஹேர்ஸ்டைலை கிண்டலடித்தவர்களுக்கு தரமான பதிலடி... பிறந்தநாளில் லோகேஷ் செய்த வேறலெவல் சம்பவம்
சாய் பல்லவியை பொறுத்தவரை படத்தில் தனக்கு வெயிட்டான கதாபாத்திரம் இருந்தால் தான் நடிப்பேன் என்கிற பாலிசியை கடைபிடித்து வருகிறாராம். இதனால் அவர் இழந்த பட வாய்ப்புகள் ஏராளம் என சொல்கிறார். சமீபத்தில் எச்.வினோத் இயக்கத்தில் அஜித் நடித்த துணிவு படத்தில் மஞ்சு வாரியர் நடித்த கேரக்டரில் முதலில் சாய் பல்லவியை தான் நடிக்க வைக்க திட்டமிட்டார்களாம். ஆனால் அவர் அந்த கேரக்டர் வெயிட்டாக இல்லை என சொல்லி நடிக்க மறுத்துவிட்டாராம்.
அதேபோன்று தற்போது விஜய்யின் லியோ படத்திலும் சாய் பல்லவி நடிக்க மறுத்துள்ள சம்பவம் ரசிகர்களை பேரதிர்ச்சியில் ஆழ்த்தி உள்ளது. லியோ படத்தில் விஜய் ஜோடியாக நடிக்க முதலில் சாய் பல்லவியை தான் அணுகினாராம் லோகேஷ், ஆனால் அவரோ பெரிய அளவில் ஸ்கோப் இல்லை எனக்கூறி நடிக்க மறுத்துவிட்டாராம். இதையடுத்து தான் திரிஷாவை கமிட் செய்திருக்கிறார் லோகேஷ்.
பொதுவாகவே லோகேஷ் கனகராஜ் இயக்கும் படங்களில் ஹீரோயின்களுக்கு பெரிய அளவில் ஸ்கோப் இருக்காது. லியோ படத்திலும் அதே பார்முலாவை தான் லோகேஷ் பின்பற்றியுள்ளார் என்பது இதன்மூலம் தெரியவந்துள்ளதாக நெட்டிசன்கள் கமெண்ட் செய்து வருகின்றனர். சாய் பல்லவி நடிக்க மறுத்ததை பார்த்தால் இந்த படத்தில் திரிஷாவுக்கு டம்மி ரோல் தானா எனவும் கேள்வி எழுப்பி வருகின்றனர்.
இதையும் படியுங்கள்... காஷ்மீரில் பிரபலங்களுடன் களைகட்டிய லோகேஷ் கனகராஜ் பார்த் டே பார்ட்டி..! வைரலாகும் போட்டோஸ்..!
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.