மாமன் வசூலை முந்த முடியாமல் திணறும் ஏஸ் படம் - முதல் நாள் வசூல் இவ்ளோதானா?
விஜய் சேதுபதியின் 'ஏஸ்' திரைப்படம் எதிர்பார்ப்புகளுக்கு ஏற்ற வசூலைப் பெற்றதா? முதல் நாள் வசூல் நிலவரம் வெளியாகியுள்ளது. 'மாமன்' படத்தின் வசூல் சாதனையுடன் ஒப்பிடுகையில் 'ஏஸ்' எவ்வளவு வசூலித்துள்ளது? என்பதை பார்க்கலாம்.
maaman ace
விஜய் சேதுபதி நடித்த 'மகாராஜா' திரைப்படம் பெரிய வெற்றி பெற்ற பிறகு, அவரது அடுத்த படமான ‘ஏஸ்’ மீது பெரிய எதிர்பார்ப்பு ஏற்பட்டது. ஆனால், இப்படம் வெளியாகிறது என்ற தகவலே பலருக்குத் தெரியாத அளவிற்கு, பிரமோஷன் குறைவாகவே நடைபெற்றது என்றே கூறலாம்.
விஜய் சேதுபதியின் ஏஸ் படம்
ஒரு விறுவிறுப்பான ஹெய்ஸ்ட் படத்தை ஒரு நல்ல பொழுதுபோக்கு படமாக கொடுத்துள்ளனர் படக்குழு. இப்படத்தின் மூலம் தமிழில் என்ட்ரி கொடுத்துள்ளார் கன்னட வரவான ருக்மிணி. யோகி பாபுவின் காமெடி இப்படத்தில் நன்றாக வொர்க் அவுட் ஆகியிருக்கிறது என்றும் ரசிகர்கள் கூறுகின்றனர்.
ஏஸ் முதல் நாள் வசூல்
விஜய் சேதுபதியின் முந்தைய படங்களை போல ஏஸ் படம் நல்ல வசூலை பெற்றதா? இல்லையா? என்பதை பார்க்கலாம். ஏஸ் திரைப்படம் முதல் நாள் செய்துள்ள வசூல் நிலவரம் பற்றிய தகவல் வெளியாகியுள்ளது. ஏஸ் திரைப்படம் உலகளவில் முதல் நாள் மட்டுமே ரூ. 1.8 கோடி வசூல் செய்துள்ளது.
சூரியின் மாமன் வசூல்
அதேபோல தமிழகத்தில் ஏஸ் படம் முதல் நாளில் சுமார் 75 லட்சம் வசூல் செய்துள்ளது. கடந்த வாரத்தில் வெளியான சூரியின் மாமன் படம் குடும்பங்கள் கொண்டாடும் படமாக மாறி வசூல் மழையில் நனைந்து வருகிறது. தமிழகத்தில் மாமன் திரைப்படம் நேற்று மட்டும் 1.54 கோடி வசூல் செய்துள்ளதாக தகவல் வெளியாகி உள்ளது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
