Suriya 47: சூர்யா படத்தில் சிம்பு? 'ஆவேஷம்' டைரக்டர் கொடுத்த அடிபொலி அப்டேட்!
ஜீத்து மாதவன் இயக்கத்தில் உருவாகி வரும் புதிய படத்தில் சூர்யா நாயகனாக நடித்து வருகிறார். இப்படத்தில் சிம்புவும் நடிக்க உள்ளதாக தகவல் கசிந்துள்ளது. அதைப்பற்றி பார்க்கலாம்.
Suriya 47 Movie Update
மலையாளத்தில் 'ரோமாஞ்சம்', 'ஆவேஷம்' என அடுத்தடுத்து சூப்பர்ஹிட் கொடுத்த இயக்குநர் ஜித்து மாதவன், இப்போது சூர்யாவை வைத்து ஒரு படம் இயக்கி வருகிறார். தற்காலிகமாக 'சூர்யா 47' எனப் பெயரிடப்பட்டுள்ள இந்தப் படத்தின் ஷூட்டிங்கில் சூர்யா பிஸியாக இருக்கிறார். இந்நிலையில், இந்தப் படத்தில் சிம்பு ஒரு கெஸ்ட் ரோலில் நடிக்க இருப்பதாக தகவல் கசிந்துள்ளது. இதுமட்டுமல்ல, படத்திற்கு இரண்டாம் பாகம் வரும் என்றும், அதில் சூர்யாவும் சிம்புவும் ஹீரோக்களாக நடிப்பார்கள் என்றும் ஒரு பேச்சு அடிபடுகிறது. ஆனால், படக்குழு தரப்பிலிருந்து இதுகுறித்து எந்த அதிகாரப்பூர்வ அறிவிப்பும் வரவில்லை.
ஜித்து மாதவன் சொன்னது என்ன?
சமீபத்தில் கொச்சி விமான நிலையத்தில் யூடியூப் சேனல்களிடம் பேசிய ஜித்து மாதவனிடம், 'சூர்யா 47' ஒரு மலையாளப் படமா அல்லது தமிழ்ப் படமா என்று கேட்கப்பட்டது. அதற்கு அவர், "இது ஒரு தமிழ்ப் படம்தான்" என்று தெளிவாக பதிலளித்தார். படத்தின் படப்பிடிப்பு விறுவிறுப்பாக நடந்து வருவதாகவும் அவர் கூறினார். 'ஆவேஷம் 2' குறித்த கேள்விக்கு, பேச்சுவார்த்தை நடந்து வருவதாகக் குறிப்பிட்டார். சூர்யா 47 படத்தை ழகரம் ஸ்டுடியோஸ் தயாரிக்கிறது. இதில் சூர்யா ஒரு போலீஸ் அதிகாரியாக நடிப்பதாகக் கூறப்படுகிறது. 'ஆவேஷம்' படத்தில் ஃபஹத் ஃபாசிலுக்கு ஒரு மறக்க முடியாத கேரக்டரைக் கொடுத்த ஜித்து மாதவன், சூர்யாவை எப்படி திரையில் காட்டப் போகிறார் என்பதைப் பார்க்க ரசிகர்கள் ஆவலுடன் காத்திருக்கிறார்கள்.
சூர்யா 47 படக்குழு
சூர்யா 47 படத்தில் நஸ்லென் மற்றும் நஸ்ரியா நசீமும் முக்கிய கதாபாத்திரங்களில் நடிக்கின்றனர். 'ஆவேஷம்' இயக்குநரின் படம் என்பதால், 'சூர்யா 47' படத்திற்கு சினிமா ரசிகர்கள் மத்தியில் பெரும் எதிர்பார்ப்பு ஏற்பட்டுள்ளது. கங்குவா மற்றும் ரெட்ரோ என பெரிதும் எதிர்பார்க்கப்பட்ட இரண்டு படங்கள் தொடர்ச்சியாக தோல்வியடைந்ததால் சூர்யாவுக்கு ஒருவித அழுத்தம் இருப்பதாகக் கூறப்படுகிறது. அடுத்து ஆர்.ஜே. பாலாஜி இயக்கும் 'கருப்பு' படம்தான் சூர்யாவின் அடுத்த வெளியீடு என்றும் ஒரு தகவல் உள்ளது.
சூர்யா 47 பட கதை
'சூர்யா 47' படத்தின் தியேட்டர் வெளியீட்டிற்குப் பிறகான ஓடிடி உரிமையை நெட்ஃப்ளிக்ஸ் பெற்றுள்ளது. "ஒரு சீரியஸான குற்றத்தை, அவ்வளவு சீரியஸ் இல்லாத ஒரு குழு விசாரிப்பதுதான் கதை" என்று ஒரே வரியில் நெட்ஃப்ளிக்ஸ் படத்தின் கதையை விவரித்துள்ளது. 'ரோமாஞ்சம்', 'ஆவேஷம்' படங்களைக் கொடுத்த ஜித்து மாதவனிடமிருந்து ஒரு ஆக்ஷன் காமெடி படத்தை ரசிகர்கள் எதிர்பார்க்கிறார்கள். இப்படம் இந்த ஆண்டு இறுதியில் திரைக்கு வரும் என எதிர்பார்க்கப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
