முதல் படத்துக்கே இத்தனை கோடி சம்பளமா? மச்சக்காரன் சாய் அபயங்கருக்கு அடித்த ஜாக்பாட்
சாய் அபயங்கர் இசையில் முதன்முறையாக திரைக்கு வந்துள்ள திரைப்படம் பல்டி. அப்படத்திற்காக அவருக்கு கோடிகளில் சம்பளம் வழங்கப்பட்டு உள்ளதாம். அதைப்பற்றி பார்க்கலாம்.
Sai Abhyankkar Salary for Balti Movie
ஷேன் நிகமின் ஆக்ஷன் படமான 'பல்டி' இன்று திரையரங்குகளில் ரிலீஸ் ஆகி உள்ளது. அறிமுக இயக்குனர் உன்னி சிவலிங்கம் இயக்கியுள்ள இந்தப் படம், கேரளா-தமிழ்நாடு எல்லையில் உள்ள வேலம்பாளையம் என்ற ஊரில் எதற்கும் துணிந்த நான்கு நண்பர்களின் கதையைச் சொல்கிறது. மலையாள சினிமாவில் அரிதாகக் காணப்படும் ஸ்போர்ட்ஸ் ஆக்ஷன் ஜானரில் இந்தப் படம் உருவாகியுள்ளது. இதுவரை காணாத வித்தியாசமான தோற்றத்தில் ஷேன் நிகம் நடிக்கும் இந்தப் படம், ஆக்ஷனைத் தவிர நட்பு, காதல், துரோகம், பழிவாங்கல் என அனைத்தும் நிறைந்ததாக இருக்கும் என்பது டிரெய்லரை பார்க்கும் போதே தெரிந்தது.
பல்டி திரைப்படம்
தமிழ் சூப்பர்ஹிட் படமான 'கில்லி'யை நினைவூட்டும் வகையில், கபடி களத்தில் விறுவிறுப்பான காட்சிகள் நிறைந்த இந்தப் படம், வேலம்பாளையத்தில் உள்ள பஞ்சமி ரைடர்ஸ் என்ற கபடி அணியையும், அதில் உள்ள இளைஞர்களின் கதையையும் சொல்கிறது. அனல் பறக்கும் ஆக்ஷன் காட்சிகளால் நிறைந்திருக்கும். ஒரு நிமிடம் கூட ரசிகர்களை சலிப்படையச் செய்யாத வகையில் கதை சொல்லும் படமாக 'பல்டி' இருக்கும் என படக்குழுவினர் கூறுகின்றனர்.
பல்டி படக்குழு
ஷேன் நிகம் தவிர, 'சைக்கோ பட்டர்பிளை சோடா பாபு' என்ற கதாபாத்திரத்தில் இயக்குனர் அல்போன்ஸ் புத்திரன், 'பைரவன்' ஆக இயக்குநர் செல்வராகவன். அவர் முதல்முறையாக மலையாளத்தில் நடிக்கும் படம் இதுவாகும். இப்படத்தில் நாயகியாக 'அயோத்தி' படத்தின் மூலம் ரசிகர்களுக்குப் பரிச்சயமான பிரீத்தி அஸ்ரானி நடிக்கிறார். மற்றொரு தமிழ் நடிகரான சாந்தனு பாக்யராஜும் 'பல்டி'யில் ஒரு முக்கிய வேடத்தில் நடிக்கிறார்.
சாய் அபயங்கரின் முதல் படம்
ஆக்ஷனைத் தவிர, இசைக்கும் அதிக முக்கியத்துவம் கொடுக்கும் இந்தப் படத்திற்கு இசையமைப்பாளர் சாய் அபயங்கர் இசையமைத்துள்ளார். தமிழிலும் தெலுங்கிலும் பிரபலமான சாய் அபயங்கர், 'பல்டி' மூலம் முதல்முறையாக மலையாளத்தில் அறிமுகமாகிறார் என்பது கூடுதல் சிறப்பு. இந்தப் படத்தில் அவர் பாடிய 'ஜாலக்காரி' என்ற பாடல் ஹிட் சார்ட்களில் இடம்பிடித்திருந்தது. சொல்லப்போனால் சாய் அபயங்கர் இசையில் வெளியான முதல் படம் இந்த பல்டி தான்.
சாய் அபயங்கர் சம்பளம்
இந்த நிலையில், பல்டி படத்திற்காக இசையமைப்பாளர் சாய் அபயங்கர் வாங்கிய சம்பளம் எவ்வளவு என்கிற தகவல் வெளியாகி பரவலாக பேசப்பட்டு வருகிறது. அதன்படி பல்டி படத்திற்காக சாய் அபயங்கர் ரூ.2 கோடி சம்பளமாக வாங்கி உள்ளாராம். மலையாள திரையுலகில் இதுவரை எந்தஒரு இசையமைப்பாளரும் வாங்காத தொகை அது. அதேபோல் தமிழில் ஜிவி பிரகாஷ், யுவன் ஆகியோரே அந்த அளவுக்கு தான் சம்பளம் வாங்கி வருகிறார்கள். ஆனால் சாய் அபயங்கர் முதல் படத்திலேயே அவ்வளவு பெரிய தொகையை சம்பளமாக வாங்கி இருப்பது விவாதப் பொருளாக மாறி உள்ளது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
