ஆர்.ஆர்.ஆர் முதல் தி வேல் வரை... ஆஸ்கர் விருது வென்ற படங்களை எந்தெந்த ஓடிடியில் பார்க்கலாம்? - முழு விவரம் இதோ

ஆர்.ஆர்.ஆர் (RRR)

ராஜமவுலி இயக்கிய ஆர்.ஆர்.ஆர் படத்திற்காக கீரவாணி இசையமைத்த நாட்டு நாட்டு பாடலுக்கு ஆஸ்கர் விருது வழங்கப்பட்டது. இப்படத்தை ஜீ5 மற்றும் ஹாட்ஸ்டார் ஆகிய ஓடிடி தளங்களில் பார்க்கலாம்.

தி எலிபெண்ட் விஸ்பெரர்ஸ் (The Elephant Whisperers)

கார்த்திகி கோன்சால்வஸ் இயக்கத்தில் வெளியாகி ஆஸ்கர் விருது வென்ற தி எலிபெண்ட் விஸ்பெரர்ஸ் என்கிற இந்திய ஆவண குறும்படத்தை நெட்பிளிக்ஸ் ஓடிடி தளத்தில் பார்க்கலாம்.

எவ்ரிதிங் எவ்ரிவேர் ஆல் அட் ஒன்ஸ் (Everything Everywhere All At Once)

95-வது ஆஸ்கர் விழாவில் 7 விருதுகளை வென்று குவித்த ‘எவ்ரிதிங் எவ்ரிவேர் ஆல் அட் ஒன்ஸ்' என்கிற அமெரிக்க திரைப்படத்தை சோனி லிவ் ஓடிடி தளத்தில் கண்டுகளிக்கலாம்.

ஆல் கொயட் ஆன் தி வெஸ்டர்ன் பிரண்ட் (All Quiet On The Western Front)

ஆஸ்கர் விழாவில் ஆல் கொயட் ஆன் தி வெஸ்டர்ன் பிரண்ட் என்கிற ஜெர்மன் நாட்டு திரைப்படம் 4 விருதுகளை வென்று குவித்தது. இப்படம் தற்போது நெட்பிளிக்ஸில் ஸ்டிரீம் ஆகி வருகிறது.

பிளாக் பாந்தர் வகாண்டா ஃபார்எவர் (Black Panther Wakanda Forever)

ஆஸ்கர் விருது விழாவில் சிறந்த ஆடை வடிவமைப்பாளருக்கான விருதை வென்ற பிளாக் பாந்தர் வகாண்டா ஃபார்எவர் திரைப்படம் டிஸ்னி பிளஸ் ஹாட்ஸ்டார் ஓடிடி தளத்தில் ஸ்டிரீம் ஆகி வருகிறது.

இதையும் படியுங்கள்... பணம் கொடுத்து ஆஸ்கர் விருது வாங்கியதா ஆர்.ஆர்.ஆர்? ஒரே பதிவால் சர்ச்சையை கிளப்பிய பிரபலம்

அவதார் தி வே ஆஃப் வாட்டர் (Avatar The Way Of Water)

ஜேம்ஸ் கேமரூன் இயக்கத்தில் கடந்தாண்டு வெளியாகி பிரம்மாண்ட வெற்றியை பெற்றதோடு ஆஸ்கர் விருது விழாவில் சிறந்த வி எஃப் எக்ஸிற்கான விருதை வென்ற அவதார் 2 படத்தை டிஸ்னி பிளஸ் ஹாட்ஸ்டார், அமேசான் பிரைம், ஆப்பிள் டிவி மற்றும் வூட் ஆகிய நான்கு ஓடிடி தளங்களில் வருகிற மார்ச் 28-ந் தேதி முதல் பார்க்கலாம்.

டாப் கன் மேவ்ரிக் (TopGun Maverick)

டாம் குரூஸ் நடிப்பில் வெளியாகி மாபெரும் வெற்றியை பெற்ற டாப் கன் மேவ்ரிக் திரைப்படம், ஆஸ்கரின் சிறந்த ஒலி வடிவமைப்புக்கான விருதை வென்றிருந்தது. இப்படத்தை அமேசான் பிரைமில் கண்டுகளிக்கலாம்.

பினாச்சியோ (Pinocchio)

சிறந்த அனிமேஷன் படத்துக்கான ஆஸ்கர் விருதை வென்ற பினாச்சியோ என்கிற திரைப்படத்தை நெட்பிளிக்ஸ் ஓடிடி தளத்தில் ரசிகர்கள் கண்டுகளிக்கலாம்.

இந்தியாவில் காணமுடியாத படங்கள்

ஆஸ்கர் விருது வென்ற தி வேல் (The Whale), உமன் டால்கிங் (Women Talking), நாவல்னி (Navalny) ஆகிய மூன்று திரைப்படங்களை இந்தியாவில் காண முடியாது. இருப்பினும் மற்ற நாடுகளில் இப்படத்தை ஓடிடியில் பார்க்கலாம். தி வேல் மற்றும் உமன் டாக்கிங் படங்கள் அமேசானிலும், நாவல்னி படம் எச்பி.ஒ.மேக்ஸிலும் ஸ்டிரீம் செய்யப்படுகிறது.

இதையும் படியுங்கள்... இளையராஜாக்கு போட்டியா இறக்கிவிடப்பட்ட 2 குதிரைகளும் ஆஸ்கர் அடிச்சிருச்சு! ARR, கீரவாணிக்கு இப்படிஒரு ஒற்றுமையா