Rashmika : திருமணத்துக்கு பின் திடீரென பெயரை மாற்றிய நடிகை ராஷ்மிகா மந்தனா...!
Rashmika Mandanna Name Change : நடிகர் விஜய் தேவரகொண்டாவை திருமணம் செய்துகொண்ட பின்னர் நடிகை ராஷ்மிகா மந்தனா தன்னுடைய பெயரை மாற்றி இருக்கிறார். அதைப்பற்றி இங்கே பார்க்கலாம்.
Rashmika Mandanna New Name
சினிமா உலகின் ஹாட் டாபிக் ஜோடியான விஜய் தேவரகொண்டா - ராஷ்மிகா மந்தனா, சோஷியல் மீடியாவில் மீண்டும் சென்சேஷன் ஆகியுள்ளனர். சமீபத்தில் ராஜஸ்தானில் உள்ள ஒரு சொகுசு ஹோட்டலில் திருமணம் செய்துகொண்ட இந்த ஜோடி, தெலங்கானாவில் உள்ள தும்மன்பேட்டை கிராமத்திற்குச் சென்ற ஒரு நிகழ்ச்சிதான் இப்போது வைரல் ஆகியுள்ளது. விஜய் தேவரகொண்டாவின் சொந்த ஊரான தும்மன்பேட்டைக்கு திருமணத்திற்குப் பிறகு இந்த ஜோடி சென்றது. கிராமத்திற்கு வந்த புதுமணத் தம்பதியை ஊர் மக்கள் பூக்களை தூவி பிரம்மாண்டமாக வரவேற்றனர். அங்கு நடந்த சத்யநாராயண சுவாமி விரதம் மற்றும் கிரகப்பிரவேசம் போன்ற நிகழ்ச்சிகளில் கலந்துகொண்டு, ராஷ்மிகாவும் விஜய்யும் ஆசீர்வாதம் பெற்றனர்.
மாணவர்களுக்கு உதவிய விஜய் தேவரகொண்டா
தும்மன்பேட்டையில் வெறும் பூஜை மட்டுமல்லாமல், ஒரு நல்ல சமூகப் பணியையும் இந்த ஜோடி செய்தது. விஜய் தேவரகொண்டா தனது சொந்த ஊர் அரசுப் பள்ளியில் படிக்கும் திறமையான மாணவர்களைப் பாராட்டும் நிகழ்ச்சியை ஏற்பாடு செய்திருந்தார். 9 மற்றும் 10 ஆம் வகுப்பு படிக்கும் மொத்தம் 180 மாணவர்களுக்கு கல்வி உதவியும் பரிசுகளும் வழங்கப்பட்டன. அப்போது பேசிய விஜய் தேவரகொண்டா, "கல்வி வாழ்க்கையை மாற்றும் சக்தி கொண்டது. கிராமப்புற மாணவர்கள் தாழ்வு மனப்பான்மையை விட்டுவிட்டு பெரிய கனவுகளைக் காண வேண்டும்" என்று ஊக்கமளித்தார். ராஷ்மிகாவும் மாணவர்களுடன் பேசி, அவர்களின் எதிர்கால லட்சியங்கள் குறித்து அறிவுரை வழங்கினார்.
பெயரை மாற்றிய ராஷ்மிகா
இந்த நிகழ்ச்சியின் ஹைலைட்டே ராஷ்மிகா மந்தனாவின் பேச்சுதான். மேடையில் மைக்கைப் பிடித்து பேச ஆரம்பித்த ராஷ்மிகா, தன்னை "ராஷ்மிகா மந்தனா தேவரகொண்டா" என்று அறிமுகப்படுத்திக்கொண்டார். 'நேஷனல் க்ரஷ்' இப்படிச் சொன்னதும், அங்கிருந்த ரசிகர்கள் ஆரவாரத்தில் அதிர்ந்தனர். ராஷ்மிகா தனது பெயரை மாற்றியதைக் கேட்டதும், மேடையில் இருந்த விஜய்யின் அம்மா (ராஷ்மிகாவின் மாமியார்) மற்றும் குடும்பத்தினர் மிகுந்த மகிழ்ச்சி அடைந்தனர். ராஷ்மிகா தனது பெயருடன் 'தேவரகொண்டா' குடும்பப் பெயரைச் சேர்த்தது, அவர்கள் மீதான அன்புக்கும் மரியாதைக்கும் சாட்சியாக அமைந்தது. இந்த வீடியோ இப்போது இணையத்தில் செம வைரல்.
பிசியாக நடிக்கும் ஜோடி
ராஷ்மிகா மந்தனா தற்போது பல பான்-இந்தியா படங்களில் பிஸியாக இருக்கிறார். விஜய் தேவரகொண்டாவும் பெரிய பட்ஜெட் படங்களில் நடித்து வருகிறார். இவர்கள் இருவரும் நீண்ட இடைவெளிக்கு பின்னர் ஜோடியாக நடித்துள்ள ரணபலி திரைப்படமும் விரைவில் ரிலீஸ் ஆக உள்ளது. இந்த பிஸியான நேரத்திலும், தங்கள் சொந்த ஊர் வளர்ச்சிக்கும், மாணவர்களின் கல்விக்கும் நேரம் ஒதுக்கிய இந்த 'ரியல் ஹீரோ'க்களை ரசிகர்கள் கொண்டாடி வருகின்றனர். அவர்களுக்கு பாராட்டுக்களும் குவிந்த வண்ணம் உள்ளன.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
