பிரபலத்தின் கல்யாணம்; அருகருகே இருந்தும் பேசாமல் கடந்து சென்ற நயன்தாரா & தனுஷ்!

Dhanush and Nayanthara : பிரபல நடிகர் மற்றும் நடிகை நயன்தாரா ஆகிய இருவரும் திரை பிரபலம் ஒருவரின் திருமண விழாவில் பங்கேற்றுள்ள புகைப்படங்கள் வைரலாகி வருகிறது.

Nayanthara

தமிழ் சினிமாவின் உச்ச நடிகராகவும், இயக்குனராகவும் பயணித்து வருபவர் தனுஷ். அதேபோல தமிழ் சினிமாவின் லேடி சூப்பர் ஸ்டார் என்ற பட்டத்தோடு பயணித்து வருபவர் நடிகை நயன்தாரா. இவர்கள் இருவருக்கும் அண்மையில் மிகப்பெரிய பனிப் போர் ஒன்று தொடங்கியது அனைவரும் அறிந்ததே. பிரபல Netflix நிறுவனத்தில் வெளியாகியுள்ள நயன்தாரா மற்றும் விக்னேஷ் சிவனின் காதல் கதை குறித்த ஒரு தொடர் சம்பந்தமான பிரச்சினை தான் கடந்த இரண்டு வார காலமாகவே பெரிய அளவில் திரைத்துறையினர் மத்தியில் பேசு பொருளாக மாறி இருக்கிறது. நயன்தாரா தரப்பில் தவறுகள் இருப்பதாக ஒரு சாராரும். தனுஷ் தரப்பிலும் தவறுகள் இருப்பதாகவும் இன்னொரு சாராரும் மாறி மாறி சண்டை போட்டுக் கொண்டு வருகின்றனர்.

Sivakarthikeyan

முதல் முதலில் நயன்தாராவிற்கும் அவருடைய கணவர் விக்னேஷ் சிவனுக்கும் காதல் மலர்ந்தது, பிரபல நடிகர் விஜய் சேதுபதி நடிப்பில் வெளியான நானும் ரவுடி தான் என்கின்ற திரைப்படத்தின் மூலம் தான். இந்த திரைப்படத்தின் தயாரிப்பாளர் தனுஷ் என்பதும் குறிப்பிடத்தக்கது. இந்நிலையில் அந்த திரைப்படத்திலிருந்து சுமார் மூன்று நொடி காட்சியை தங்களுடைய Netflix தொடருக்காக பயன்படுத்தியதற்காக சுமார் 10 கோடி ரூபாய் நயன்தாராவிடம் நஷ்ட ஈடு கேட்டு தனுஷ் தரப்பில் இருந்து அறிக்கை ஒன்று விடப்பட்டது. ஆனால் அது மூன்று வினாடி வீடியோ அல்ல கிட்டத்தட்ட 40 வினாடிகள் ஓடும் வீடியோ, ஆகையால் நயன்தாரா நிச்சயம் தனுஷ் கேட்ட தொகையை இழப்பீடாக கொடுத்தே ஆக வேண்டும் என்றும் ஒரு சாராரும், இல்லை இல்லை, தனுஷ் தான் நயன்தாராவை ஏமாற்றியுள்ளார் என்று ஒரு சாராரும் பேசி வருகின்றனர்.

Aakash Baskaran

இந்த சூழலில் தனுஷ் நடிப்பில் உருவாகி வரும் இட்லி கடை மற்றும் சிவகார்த்திகேயனின் 25 வது திரைப்படம் உள்ளிட்ட படங்களின் தயாரிப்பாளராக திகழ்ந்துவரும் ஆகாஷ் பாஸ்கரனின் திருமண விழா நடந்து முடிந்திருக்கிறது. இதில் பல்வேறு பிரபலங்களும் நேரில் பங்கேற்றுள்ளனர். குறிப்பாக நடிகர் சிவகார்த்திகேயன் தனது மனைவியுடன் நேரில் பங்கேற்றார். அதேபோல இசையமைப்பாளர் அனிருத் இந்த நிகழ்ச்சிக்கு நேரில் வந்து தம்பதியினரை வாழ்த்தி சென்றார். 

Dhanush

இந்த சூழலில் தன்னுடைய திரைப்படத்தின் தயாரிப்பாளர் என்கின்ற முறையில் நடிகர் தனுஷ் இந்த திருமண விழாவில் பங்கேற்றார். அதேபோல நடிகை நயன்தாரா தனது கணவர் விக்னேஷ் சிவனுடன் நேரில் வந்து இந்த நிகழ்ச்சியில் பங்கேற்றார். மேலும் நயன்தாரா மற்றும் தனுஷ் ஆகிய இருவரும் அருகருகே அமர்ந்திருந்தாலும், இப்போது இருவருக்கும் இடையே சண்டை நடந்து வருவதால் ஒருவருக்கொருவர் முகம் கொடுத்து கூட பார்த்துக் கொள்ளாமல் அங்கிருந்து புறப்பட்டு சென்றுள்ளனர்.