Mankatha: "ஆடாம ஜெயிச்சோமடா!" - வசூல் வேட்டையில் மங்காத்தா; அஜித்தின் அசுர பலத்தால் ஆடிப்போன கோலிவுட்!

அஜித் குமாரின் 'மங்காத்தா' திரைப்படம் ரீரிலீஸ் செய்யப்பட்டு வசூலில் சாதனை படைத்து வருகிறது. முதல் நாளை விட இரண்டாம் நாள் வசூல் அதிகரித்து, விஜய்யின் 'கில்லி' ரீரிலீஸ் சாதனையை முறியடிக்கும் என எதிர்பார்க்கப்படுகிறது. 

Image Credit : X

மங்காத்தா ரீரிலீஸ்.!

தமிழகத்தை அதிரவைக்கும் விநாயக் மகாதேவ் அஜித் குமார் மற்றும் வெங்கட் பிரபு கூட்டணியில் உருவான 'மங்காத்தா' திரைப்படம், வெளியாகி 15 ஆண்டுகள் நெருங்கினாலும் அதன் மிரட்டலான வரவேற்பு குறையவே இல்லை. சன் பிக்சர்ஸ் நிறுவனம் இப்படத்தை தற்போது மிகப்பிரம்மாண்டமாக ரீரிலீஸ் செய்துள்ளது. 2011-ல் தமிழ் சினிமாவில் ஒரு ஹீரோ நெகட்டிவ் ரோலில் இவ்வளவு மாஸாக நடிக்க முடியுமா என்று வியக்கவைத்த இப்படம், இன்றும் ரசிகர்களிடம் அதே தாக்கத்தை ஏற்படுத்தியுள்ளது. குறிப்பாக, திரையரங்குகள் திருவிழா கோலம் பூண்டுள்ளது அஜித்தின் அசுர பலத்தை மீண்டும் பறைசாற்றுகிறது.

Image Credit : Google

வசூலில் புதிய மைல்கல்.!

இரண்டாம் நாள் விஸ்வரூபம் மங்காத்தா ரீரிலீஸ் செய்யப்பட்ட முதல் நாளிலேயே சுமார் 6 முதல் 8 கோடி ரூபாய் வரை வசூலித்ததாக தகவல்கள் வெளியாகின. ஆனால், அனைவரையும் ஆச்சரியப்படுத்தும் விதமாக இரண்டாம் நாள் வசூல் முதல் நாளை விட அதிகரித்து காணப்படுகிறது. இரண்டாம் நாளில் மட்டும் 8 முதல் 10 கோடி ரூபாய் வரை இப்படம் ஈட்டியுள்ளதாகத் தெரிகிறது. ஒரு ரீரிலீஸ் படத்திற்கு இரண்டாம் நாளில் வசூல் அதிகரிப்பது என்பது மிகவும் அரிதான ஒன்று. இது மங்காத்தா படத்தின் மீதான ரசிகர்களின் தீராத மோகத்தைக் காட்டுகிறது.

Image Credit : Asianet News

சாதனைகளைத் தகர்க்கும் வேட்டை.!

கில்லி டார்கெட் தற்போது மங்காத்தா படத்தின் பிரதான இலக்காக இருப்பது விஜய்யின் 'கில்லி' ரீரிலீஸ் வசூல் சாதனைதான். 2024-ல் வெளியான கில்லி சுமார் 30 கோடி ரூபாய் வரை வசூலித்து முதலிடத்தில் உள்ளது. அதனைத் தொடர்ந்து ரஜினியின் 'படையப்பா' திரைப்படமும் நல்ல வசூலைப் பெற்றது. தற்போது சுமார் 450 திரைகளில் ஓடிக்கொண்டிருக்கும் மங்காத்தா, அடுத்தடுத்த நாட்களுக்கான முன்பதிவில் அமோக வளர்ச்சி கண்டுள்ளதால், மிக விரைவில் கில்லி மற்றும் படையப்பா ஆகிய படங்களின் சாதனைகளைத் தகர்த்து எறியும் என்று எதிர்பார்க்கப்படுகிறது.

Image Credit : X

எதிர்பார்ப்பும் அதிகாரப்பூர்வ அறிவிப்பும்.!

சமூக வலைதளங்களில் மங்காத்தா வசூல் குறித்த புள்ளிவிவரங்கள் காட்டுத்தீயாய் பரவி வந்தாலும், தயாரிப்பு நிறுவனமான சன் பிக்சர்ஸ் இது குறித்த அதிகாரப்பூர்வ அறிவிப்பை வெளியிடும் வரை ரசிகர்கள் ஆவலுடன் காத்திருக்கின்றனர். இருந்தபோதிலும், தற்போதைய நிலவரப்படி "ஆடாம ஜெயிச்சோமடா" என சொல்லும் அளவிற்கு எந்த ஒரு புதிய படத்திற்கும் இணையான போட்டியை மங்காத்தா ரீரிலீஸ் கொடுத்து வருகிறது என்பது மட்டும் நிதர்சனமான உண்மை.