தொட்டதெல்லாம் 100 கோடி.. தமிழ் சினிமாவை ஆளும் கடவுளின் தேசத்து தேவதை.. மாஸ் காட்டும் மமிதா பைஜூ!

Mamitha Baiju: தமிழ் திரையுலகின் புதிய லக்கி லக்கி ஸ்டார் ஆக மாறியுள்ளார் கேரளாவை சேர்ந்த மமிதா பைஜூ. இவர் நடித்த படங்கள் எல்லாம் ரூ.100 கோடி வசூல் மழை பொழிகிறது.

Image Credit : Sithara Entertainments

கடவுளின் தேசத்து தேவதை மமிதா பைஜூ

தமிழ் திரையுலகை காலம் காலமாக கட்டி ஆள்வது கேரள நடிகைகள் தான். அழகு மட்டுமின்றி நடிப்பிலும் அசத்துவதால் தமிழ் இயக்குநர்கள் கடவுளின் தேசத்து தேவதைகளை தவற விடுவதில்லை. இதற்கு மாபெரும் உதாரணம் கேரளாவில் இருந்து வந்து இப்போது தமிழ் சினிமா மட்டுமின்றி தென்னிந்திய சினிமாவில் லேடி சூப்பர் ஸ்டாராக விளங்கும் நடிகை நயன்தாரா.

அந்த வகையில் இப்போது கடவுளின் தேசத்தில் இருந்து வந்த நடிகை மமிதா பைஜூ தற்போது தென்னிந்திய சினிமாவின் அதிர்ஷ்ட நாயகியாக மாறியுள்ளார். காரணம் சமீபத்தில் இவரது நடிப்பில் வெளியான திரைப்படங்கள் பாக்ஸ் ஆபீஸில் 100 கோடி ரூபாய்க்கும் மேல் வசூல் செய்துள்ளன. இதனால், கோடிகளில் வசூலைக் குவிக்கும் திரைப்படங்களின் ராசியான நடிகையாக மமிதா பார்க்கப்படுகிறார்.

Image Credit : X

ஓணத்துக்கு வந்த 2 படங்கள் மெகா ஹிட்

ஒரே நேரத்தில் பல மொழிகளில் கலக்கி வரும் மமிதா, தற்போது இந்தியாவிலேயே அதிக சம்பளம் வாங்கும் நடிகைகளின் பட்டியலிலும் இடம்பெற்றுள்ளார். இந்த ஓணம் பண்டிகைக்கு வெளியான அவருடைய இரண்டு பெரிய திரைப்படங்களும் பாக்ஸ் ஆபீஸில் பெரும் வரவேற்பைப் பெற்று வருகின்றன.

அதாவது தமிழில் சூர்யாவுடன் நடித்த 'விஸ்வநாத் அண்ட் சன்ஸ்', மலையாளத்தில் நிவின் பாலியுடன் நடித்த 'பெத்லஹேம் ஃபேமிலி யூனிட்' ஆகிய இரண்டு திரைப்படங்களுக்குமே திரையரங்குகளில் சிறப்பான வரவேற்பு கிடைத்துள்ளது. விரைவிலேயே 100 கோடி ரூபாய் வசூல் கிளப்பில் இணைந்த இந்தத் திரைப்படங்கள், தற்போது மேலும் பல சாதனைகளை நோக்கிச் சென்று கொண்டிருக்கின்றன.

Image Credit : others

விஸ்வநாத் அண்ட் சன்ஸ் மாஸ் ஹிட்

சூர்யா நடித்த 'விஸ்வநாத் அண்ட் சன்ஸ்' திரைப்படம் உலகளவில் ஏற்கனவே 200 கோடி ரூபாய் வசூலைக் கடந்துவிட்டது. அதேபோல, நிவின் பாலியின் 'பெத்லஹேம் ஃபேமிலி யூனிட்' திரைப்படமும் பாக்ஸ் ஆபீஸில் வெற்றிகரமாக ஓடி, உலகளவில் சுமார் 150 கோடி ரூபாய் வசூல் செய்திருப்பதாகத் தகவல்கள் தெரிவிக்கின்றன. மலையாளத்தில் பெரும் வெற்றி பெற்ற 'பெத்லஹேம் ஃபேமிலி யூனிட்' திரைப்படத்தை இயக்கியவர் கிரிஷ் ஏ.டி. மமிதா பைஜூவை இந்தியா முழுவதும் பிரபலமாக்கிய 'பிரேமலு' திரைப்படத்தையும் இவர்தான் இயக்கியிருந்தார். இவர்களது கூட்டணியில் வெளியான மூன்றாவது திரைப்படம் இதுவாகும்.

ரீனுவாக புகழ பெற்ற மமிதா பைஜூ

மலையாளத்தில் குழந்தை நட்சத்திரமாக அறிமுகமான மமிதா பைஜூ, 'பிரேமலு' திரைப்படத்தில் 'ரீனு' என்ற கதாபாத்திரத்தில் நடித்து இந்தியா முழுவதும் புகழ்பெற்றார். 'பிரேமலு' திரைப்படத்தின் மெகா ஹிட் வெற்றிக்குப் பிறகு அவர் நடித்த 'டூட்', 'ஜனநாயகன்', 'விஸ்வநாத் அண்ட் சன்ஸ்', 'பெத்லஹேம் ஃபேமிலி யூனிட்' எனத் தொடர்ச்சியாக இவர் நடித்த திரைப்படங்கள் பாக்ஸ் ஆபீஸில் மிகப்பெரிய வெற்றியைப் பெற்றுள்ளன.

Image Credit : Srikara Studios

ரூ.8 லட்சம் டூ ரூ.3 கோடி

திரைப்படங்கள் அடுத்தடுத்து வெற்றியடைந்ததால், மமிதாவின் மார்க்கெட்டும் ராக்கெட் வேகத்தில் உயர்ந்துள்ளது. 'பிரேமலு' திரைப்படத்திற்கு 8 லட்சம் ரூபாய் சம்பளம் வாங்கிய மமிதா, 'விஸ்வநாத் அண்ட் சன்ஸ்' திரைப்படத்திற்குத் தனது சம்பளத்தை 2 கோடி ரூபாயாக உயர்த்தியுள்ளார். விஜய் நடித்த 'ஜனநாயகன்' திரைப்படத்திற்காக 75 லட்சம் ரூபாய் சம்பளம் வாங்கியதாகக் கூறப்படுகிறது.

தற்போது தமிழ் மற்றும் தெலுங்குத் திரைப்படங்களில் ஒரு படத்திற்கு 2 கோடி முதல் 3 கோடி ரூபாய் வரை சம்பளம் வாங்குவதாக சினிமா வட்டாரங்களில் பேசப்படுகிறது. ராசியான நடிகைக்கு எப்போதுமே தமிழ் சினிமாவில் முதலிடம் உண்டு. அந்த வகையில் மமிதா பைஜூ தமிழ் திரையுலகில் நீண்ட காலம் ரவுண்ட் வருவார் என எதிர்பார்க்கப்படுகிறது.