அப்போ குழந்தை நட்சத்திரம்.. இப்போ கோலிவுட் நாயகி - சிறு வயது முதல் நடித்து வரும் டாப் 4 நடிகைகள்!

Kollywood Heroines : இன்று தமிழ் சினிமாவின் முன்னணி நடிகையாக வலம் வரும் பலர், குழந்தை நட்சத்திரமாகவும் திரைப்படங்களில் நடித்து அசத்தியிருக்கின்றனர்.

Hansika Motwani

குழந்தை நட்சத்திரமாக பல சீரியல்களில் நடித்து, அதன் பிறகு ஹிந்தி மொழியில் 6க்கும் மேற்பட்ட படங்களில் குழந்தை நட்சத்திரமாக நடித்த நடிகை தான் ஹன்சிகா மோத்வானி. தெலுங்கு திரைப்படம் மூலம் நாயகியாக அறிமுகமான இவர். தமிழில் கடந்த 2011ம் ஆண்டு வெளியான நடிகர் தனுஷின் "மாப்பிள்ளை" திரைப்படத்தின் மூலம் தனது கோலிவுட் பயணத்தை தொடங்கினார்.

Nazriya Nizam

பெரிய அளவில் தமிழ் திரைப்படங்களில் நடிக்கவில்லை என்றாலும், சில காலம் தமிழ் திரை உலகில் நல்ல பல படங்களில் நடித்து புகழ் பெற்றவர் தான் நஸ்ரியா நஜிம். கேரளாவில் பிறந்து வளர்ந்த நஸ்ரியா, மலையாள மொழி தொலைக்காட்சி நிகழ்ச்சிகளில் சிறுவயது முதலிலேயே தொகுப்பாளராக பயணித்து வந்தார். அதன் பிறகு பல மலையாள திரைப்படங்களில் குழந்தை நட்சத்திரமாக நடித்த இவர், தமிழில் "நேரம்" என்கின்ற படத்தின் மூலம் நாயகியாக அறிமுகமானார். 

Sri Divya

ஹைதராபாத்தில் பிறந்து தெலுங்கு மொழி திரைப்படங்களின் மூலம் குழந்தை நட்சத்திரமாக அறிமுகமான மற்றொரு நடிகை தான் ஸ்ரீதிவ்யா. தமிழில் கடந்த 2013-ம் ஆண்டு பிரபல நடிகர் சிவகார்த்திகேயன் நடிப்பில் வெளியான "வருத்தப்படாத வாலிபர் சங்கம்" என்கின்ற திரைப்படத்தின் மூலம் இவர் நாயகியாக அறிமுகமானார். இறுதியாக தமிழில் கடந்த 2023ம் ஆண்டு வெளியான விக்ரம் பிரபுவின் "ரெய்டு" திரைப்படத்தில் நடித்திருந்தார்.

Nithya menen

அண்மையில் தேசிய விருது வென்ற நடிகை தான் நித்தியா மேனன். 36 வயதாகும் நடிகை நித்யா மேனன், கேரளாவில் பிறந்து வளர்ந்தவர். கடந்த 1998ம் ஆண்டு ஆங்கில மொழியில் வெளியான "அனுமான்" என்கின்ற படத்தில் குழந்தை நட்சத்திரமாக நடித்த இவர், தமிழ் மொழியில் நாயகியாக அறிமுகமானது கடந்த 2011ம் ஆண்டு வெளியான "180" என்கின்ற திரைப்படம் மூலம் தான்.