சாவு வண்டிக்கு புது அர்த்தம் சொன்ன கிருத்திகா உதயநிதி..

நான் சாவையே ஒரு ட்ரிப்பாகத்தான் பார்க்கிறேன். அதனால் தான் இந்த தொடரில் ஒரு சாவு வண்டியை ட்ரிப் வண்டியாக மாற்றி உள்ளேன் என கலகலப்பாக பேசியுள்ளார்.

kiruthiga udhayanidhi

பிரபல நடிகரும் எம்எல்ஏவுமான உதயநிதியின் மனைவி கிருத்திகா உதயநிதி வணக்கம் சென்னை படம் மூலம் இயக்குனராக அறிமுகமானார். இந்த படத்தில் சிவா நாயகனாக நடித்திருந்தார். இதை தொடர்ந்து விஜய் ஆண்டனி நடித்த காளி படத்தை இயக்கியிருந்தார் கிருத்திகா. இரண்டு படங்களும் கலவையான விமர்சனங்களை பெற்றது. ஓரளவு வசூலையும் பெற்று இருந்தது.

மேலும் செய்திகளுக்கு...தனுஷ் வீட்டில் விசேஷம்...குடும்பத்துடன் இணைந்து கொண்டாடிய.....வைரல் போட்டோஸ் இதோ!

 தற்போது இவர் 'பேப்பர் ராக்கெட்' என்னும் வெப் சீரிஸை இயக்கியுள்ளார்.  காளிதாஸ் ஜெயராம், தன்யா ரவிச்சந்திரன், கே ரேணுகா, கருணாகரன் உள்ளிட்ட பலர் நடித்துள்ள இந்த தொடர் ஜி5 ஓடிடி தளத்தில் நேற்று வெளியானது. ரசிகர்கள் மத்தியில் வரவேற்பு பெற்றுள்ள இந்த தொடரை உதயநிதி நன்றாக இருக்கிறது என பாராட்டி இருந்தார். அதோடு 2 வது சீசன் உள்ளதாகவும் பதிவிட்டிருந்தார்.

இந்நிலையில் பேப்பர் ராக்கெட் படம் குறித்து கிருத்திகா செய்தியாளர்களிடம் பேசியது வைரல் ஆகி வருகிறது. சமீபத்தில் செய்தியாளர்களை சந்தித்த கிருத்திகா உதயநிதி சிறுவர்கள், பெரியவர்கள், குடும்பத்துடன், பெற்றோர்களுடன் என அனைவரும் பார்த்து ரசிகக்கூடிய தொடராக பேப்பர் ராக்கெட் இருப்பதாக கூறியுள்ளார். அதோடு அழுகை சிரிப்பு என எல்லா உணர்வுகளையும் கொண்டதாக பேப்பர் ராக்கெட் இருக்கிறது என குறிப்பிட்டுள்ளார்.

மேலும் செய்திகளுக்கு...கணவருக்கு பாதபூஜை செய்த போட்டோவை பதிவிட்டு சர்ச்சையில் சிக்கிய சூர்யா பட நடிகை

மேலும் இறப்பு எல்லோருடைய வாழ்க்கையிலும் வரும் அதனால் நாம் ஏன் அதை பற்றி கவலைப்பட வேண்டும். நான் சாவையே ஒரு ட்ரிப்பாகத்தான் பார்க்கிறேன். அதனால் தான் இந்த தொடரில் ஒரு சாவு வண்டியை ட்ரிப் வண்டியாக மாற்றி உள்ளேன் என கலகலப்பாக பேசியுள்ளார்.  இறந்தவர்களை வண்டியில் எடுத்துச் செல்லும்போது அழுகிறோம், வருத்தப்படுகிறோமானால் அவர்களுக்கு அந்த வண்டியில் எங்கோ பயணிக்கிறார்கள் என்று நினைத்தால் மனதிற்கு ஆறுதலாக இருக்கும் என கூறியுள்ளார். இவரது பேட்டி தற்போது வைரலாகி வருகிறது.

paper rocket

மேலும் செய்திகளுக்கு...செஸ் ஒலிம்பியாட் தொடக்க விழா அருமை.. விக்கியை நேரில் பாராட்டிய சூப்பர் ஸ்டார் !

பேப்பர் ராக்கெட் சாலையில்பயணிக்க தொடங்கும் ஆறு அந்நியர்கள் குறித்தான கதைக்களத்தை கொண்டுள்ளது. இவர்களின்தனிப்பட்ட சவால்களுக்கு முற்றுப்புள்ளி வைக்கும் விதமாக இந்த கதை நகர்கிறது. பயணத்தின் போது விருப்பங்களை அவர்கள் நிறைவேற்றும் சுவாரஸ்யம் கலந்த நிகழ்வுகள் இடம் பெற்றுள்ளன. 2021 அறிவிப்பு வெளியிடப்பட்ட இந்தத் தொடர் தமிழ் மற்றும் தெலுங்கு என இரு மொழிகளில் உருவாகியுள்ளது.