பிஸியான அனிருத்.. கடுப்பில் கன்னா பின்னானு சம்பளத்தை ஏற்றிய ஏ.ஆர்.ரஹ்மான் மற்றும் கீரவாணி?

3 திரைப்படத்தின் மூலம் தமிழ் சினிமாவில், இசையமைப்பாளராக மாறி... முதல் படத்திலேயே ரசிகர்களையும், திரையுலகினரையும் தன் பக்கம் திரும்பி பார்க்க வைத்தவர் இசையமைப்பாளர் அனிருத். இதை தொடர்ந்து இவர் இசையமைத்த எதிர்நீச்சல், டேவிட், வணக்கம் சென்னை, இரண்டாம் உலகம், வேலையில்லா பட்டதாரி  படங்களுக்கு தொடர்ந்து நல்ல வரவேற்பு கிடைத்தது . இவர் இசையில் வெளியான சில மாஸான பாடல்கள் இளசுகளின் ஃபேவரட் லிஸ்டில் இணைந்தது.
 

தற்போது தமிழ் சினிமாவில் உள்ள முன்னணி நடிகர்களான விஜய், அஜித், ரஜினிகாந்த், சிவகார்த்திகேயன் போன்ற டாப் நடிகர்களின் படங்களுக்கு இசையமைத்து வரும் அனிருத் ரவிச்சந்தர், ஜவான் படத்தின் மூலம் பாலிவுட் திரையுலகிலும் கால் பதித்தார். இவரின் இசை ஏராளமான பாலிவுட் ரசிகர்களையும் கவர்ந்தது. அதே போல் சமீபத்தில் வெளியான தேவாரா, மற்றும் வேட்டையன் பட பாடல்களும் BGM இசை நல்ல வரவேற்பை பெற்றது.

தலைவரின் வேட்டையனை வாஷ் அவுட் செய்ய அக்டோபர் 25ஆம் தேதி வெளியாகும் 7 புதிய படங்கள்!

கைநிறைய படங்களுடன் படு பிஸியான இசையமைப்பாளராக வலம் வந்து கொண்டிருக்கும் அனிருத் தான் இசையமைக்கும் படங்களுக்கு, 6 கோடி முதலில் வாங்கி வந்த நிலையில், அதை 8 கோடியாக உயர்த்திவிட்டதாக கூறப்படும் நிலையில், திடீர் என ஏ.ஆர்.ரஹ்மான் மற்றும் கீரவாணி தங்களின் சம்பளத்தை அதிரடியாக உயர்ந்த ராக்ஸ்டாரும் தான் காரணம் என ஒரு தகவல் தீயாக பரவி வருகிறது.

தெலுங்கு மீடியாக்களில் சமீபத்திய தகவலின் படி, பாகுபலி, ஆர் ஆர் ஆர், ஆகிய படங்களின் இசையமைப்பாளர் எம்.எம்.கீரவாணி தன்னுடைய அடுத்தடுத்த படங்களுக்கு இசையமைக்க ஒரு திட்டத்திற்கு ரூ. 10 முதல் 12 கோடி வரை சம்பளம் கேட்பதாக கூறப்படுகிறது. அனிருத்தின் சம்பள உயர்வு தான் ஏ.ஆர்.ரஹ்மான் மற்றும் எம்.எம். கீரவாணி போன்ற முக்கிய இசையமைப்பாளர்களின் சம்பள உயர்வுக்கு காரணம் என DNA இந்தியா தகவலும் தெரிவிக்கிறது.

மேலும் ஏஆர் ரஹ்மான் ராம் சரண் நடிப்பில் உருவாகும் இன்னும் பெயரிடப்படாத படமான, RC 16 படத்திற்கு ரூ. 10 கோடி ரூபாய் சம்பளம் கேட்பதாக கூறப்படுகிறது. இது இவர் ஏற்கனவே பெற்ற சம்பளத்தை விட, சுமார் 2 கோடி அதிகமாம்.  அதே போல் புஷ்பா: தி ரைஸ் படத்தின் வெற்றியைத் தொடர்ந்து இசையமைப்பாளர் தேவி ஸ்ரீ பிரசாத் தனது சம்பளத்தை ரூ.8 கோடியாக உயர்த்தியுள்ளதாக கூறப்படுகிறது.

Diwali OTT Release Movies: தீபாவளி விருந்தாக ஓடிடியில் ரிலீசாகும் 2 சூப்பர் ஹிட் படங்கள்?
 

அனிருத் சமீபத்தில் தனது 34வது பிறந்தநாளை அக்டோபர் 16, 2024 அன்று கொண்டாடினார். இவரது பிறந்தநாளை முன்னிட்டு, அவரது வரவிருக்கும் திரைப்படமான லவ் இன்சூரன்ஸ் கம்பெனி (LIK) பட தயாரிப்பாளர் 'தீமா' என்ற முதல் சிங்கிள் பாடலை வெளியிட்டனர். அனிருத் இசையமைத்து பாடிய இந்தப் பாடலை, படத்தின் இயக்குனர் விக்னேஷ் சிவன் எழுதியுள்ளார். இது திரைப்படத்தின் முன்னணி நடிகர்களான பிரதீப் ரங்கநாதன் மற்றும் கிருத்தி ஷெட்டி நடித்துள்ளனர்.

அனிருத்தின் கைவசம் தற்போது அஜித் குமார் நடித்த விடாமுயற்சி, தளபதி விஜய்யின் தளபதி 69, சிவகார்த்திகேயன் நடித்த SK23 மற்றும் ஷாருக்கானின் அடுத்த திரைப்படம் போன்ற படங்கள் உள்ளன என்பது குறிப்பிடத்தக்கது.