Diwali OTT Release Movies: தீபாவளி விருந்தாக ஓடிடியில் ரிலீசாகும் 2 சூப்பர் ஹிட் படங்கள்?

திரையரங்கில் வெளியாகும் படங்களுக்கு எப்படி வரவேற்பு கூடியுள்ளதோ அதே போல் ஓடிடியில் வெளியாகும் படங்களுக்காகவும் ரசிகர்கள் ஆர்வத்துடன் கார்த்திருக்கின்றனர். இந்நிலையில் 2 சூப்பர் ஹிட் படங்கள் தீபாவளி விருந்தாக வெளியாக உள்ளதாக கூறப்படுகிறது.

இந்த ஆண்டு தீபாவளிக்கு விஜய், அஜித், ரஜினிகாந்த், கமல்ஹாசன் போன்ற பெரிய நடிகர்களின் படங்கள் எதுவும் ரிலீஸ் ஆகவில்லை. நடிகர் சிவகார்த்திகேயன் நடிப்பில் உருவாகியுள்ள அமரன், ஜெயம் ரவி நடிப்பில் உருவாகியுள்ள பிரதர், மற்றும் கவின் நடிப்பில் உருவாகியுள்ள பிளடி பெக்கர் ஆகிய படங்கள் வெளியாக உள்ளது. 
 

அஜித்தின், விடாமுயற்சி திரைப்படம் இந்த ஆண்டு தீபாவளிக்கு வெளியாகும் என சில தகவல்கள் வெளியான போதும்... இதுவரை படப்பிடிப்பு முழுமையாக முடியாத காரணத்தால் படத்தின் ரிலீஸ் பொங்கலுக்கு தள்ளி போய் விட்டதாக கூறப்படுகிறது. மேலும் இந்த ஆண்டு அஜித்தின் ஒரு படம் கூட வெளியாகவில்லை என்றாலும், அடுத்த ஆண்டு அஜித்தின் ரசிகர்களுக்கு டபுள் டமாக்காவாக, அஜித் ஆதிக் ரவிச்சந்திரன் இயக்கத்தில், நடித்துள்ள 'குட் பேட் அக்லி' திரைப்படம் அஜித்தின் பிறந்தநாளை முன்னிட்டு வெளியாக உள்ளதாக கூறப்படுகிறது.

இந்த ஆண்டு தீபாவளியை முன்னிட்டு வெளியாகும் படங்களை எப்படி ரசிகர்கள் ஆவலுடன் பார்க்க நினைக்கிறார்களோ... அதே போல் ஓடிடியில் வெளியாக உள்ள படத்திற்காகவும் ஏராளமான ரசிகர்கள் காத்திருக்கிறார்கள். அந்த வகையில் 2 சூப்பர் ஹிட் தரமான படங்களை ஓடிடி நிறுவனங்கள் தீபாவளிக்கு களமிறக்க உள்ளதாக கூறப்படுகிறது.

விவாகரத்து பயத்தை காட்டி மனைவிக்கு நாகர்ஜுனா போட்ட ஒரே கண்டீஷன்! 30 வருடமாக கஷ்டப்பட்டு காப்பாற்றும் அமலா!

தங்கலான்:

சியான் விக்ரம் மற்றும் இயக்குனர் பா.ரஞ்சித் கூட்டணியில் உருவாகி கடைசியாக வெளியான திரைப்படம் 'தங்கலன்'. ஆகஸ்ட் 15 அன்று திரையரங்குகளில் வெளியான இந்த படம், செப்டம்பர் 20 ஆம் தேதி OTT-யில் வெளியாகும் என அறிவிக்கப்பட்ட நிலையில், சில காரணங்களால் ஓடிடி வெளியீட்டில் தாமதம் ஏற்பட்டது. 

இருப்பினும், சமீபத்தில் தயாரிப்பாளர் ஞானவேல் ராஜா, அளித்த பேட்டி ஒன்றில், தீபாவளிக்கு நெட்ஃபிக்ஸ் தளத்தில் இப்படம் வெளியாகும் என கூறியுள்ளார். இதுபற்றி அவர் மேலும் கூறியபோது,  நெட்ஃபிக்ஸ் தீபாவளிக்கு 'தங்கலான்' படத்தின் வெளியீட்டை திட்டமிட்டனர். இது பெரிய படம் என்பதால் முன்னிட்டு  திருவிழாவை வெளியிட வேண்டும் என்று விரும்பினர். இருப்பினும், தங்கலான் டிஜிட்டல் ரிலீஸில் சில யூடியூபர்கள் சிக்கல்கள் இருப்பதாகக் கூறுகின்றனர் அப்படி எந்த ஒரு பிரச்னையும் இல்லை என தெரிவித்துள்ளார்". இதன் மூலம் தங்கலான் தீபாவளிக்கு நெட்பிலிக்ஸ் தளத்தில் வெளியாவது உறுதி செய்யப்பட்டுள்ளது.

மிகப்பிரமாண்ட பொருட்செலவில் உருவான இந்த படம் தங்கம் எடுக்கும் பழங்குடி மக்களை மையப்படுத்தி எடுக்கப்பட்டிருந்தது. இந்த படத்தில் விக்ரமுக்கு ஜோடியாக நடிகை பார்வதி 4 குழந்தைகளின் அம்மாவாக நடித்திருந்தார். அதே போல், மாளவிகா மோகனன் முக்கிய வேடத்தில் நடித்துள்ளார் என்பது குறிப்பிடத்தக்கது.

லப்பர் பந்து:

அறிமுக இயக்குனர் தமிழரசன் பச்சமுத்து, என்பவர் இயக்கத்தில் அட்டகத்தி தினேஷ் மற்றும் ஹரிஷ் கல்யாண் நடிப்பில் செப்டம்பர் 20ம் தேதி ரிலீஸ் ஆன திரைப்படம் 'லப்பர் பந்து'. கிரிக்கெட்டை மையமாக வைத்து எடுக்கப்பட்ட இந்த படம் விமர்சன ரீதியாகவும், வசூல் ரீதியாகவும் மிகப்பெரிய வரவேற்பை பெற்றது.

வெறும் 8 கோடி பட்ஜெட்டில் இறுக்கப்பட்டு, 40 கோடி வரை வசூல் சாதனை செய்த இந்த படம்... நேற்று சிம்பிலி சவுத் என்கிற ஓடிடி தளத்திலும், டிஸ்னி ஹாட் ஸ்டார் ஓடிடி தளத்திலும் வெளியாகும் என அறிவிக்கப்பட்ட நிலையில், கடைசி நேரத்தில் இந்த படத்தின் ஓடிடி ரிலீஸ் தேதி தள்ளிவைக்கப்படுவதாக அறிவிப்பு வெளியானது. மேலும் தற்போது வெளியாகியுள்ள தகவலின் படி, தீபாவளியை முன்னிட்டு வெளியாக உள்ளதாம். எனவே இந்த ஆண்டு தீபாவளி விருந்தாக இரண்டு சிறந்த படங்கள் ஓடிடியில் வெளியாவது உறுதியாகியுள்ளது.

எம்.ஜி.ஆர் சொன்ன வார்த்தை.. இனி உங்களுக்கு பாட்டே எழுத முடியாது; வாலியின் தரமான சம்பவம்!