பத்து தல படம் பார்க்க... வீட்டை வித்தாவது தியேட்டருக்கு ஹெலிகாப்டர்ல வருவேன் - கூல் சுரேஷ் அலப்பறை
பொன்னியின் செல்வன் படம் பார்க்க குதிரையில் வந்ததுபோல், பத்து தல படம் பார்க்க ஹெலிகாப்டரில் வரும் ஐடியாவில் இருப்பதாக கூல் சுரேஷ் தெரிவித்துள்ளார்.
தமிழ் சினிமாவில் 20 ஆண்டுகளுக்கு மேலாக காமெடி மற்றும் வில்லன் வேடங்களில் நடித்து வருபவர் கூல் சுரேஷ். இவர் படங்களில் நடித்து பிரபலமானதை விட சிம்புவின் வெந்து தணிந்தது காடு படத்தை புரமோட் செய்ததன் மூலம் பட்டிதொட்டியெங்கும் பேமஸ் ஆனார். ‘வெந்து தணிந்தது காடு சிம்புவுக்கு வணக்கத்த போடு’ என செல்லும் இடமெல்லாம் அப்படத்தை இவர் புரமோட் செய்ததும் அப்படத்தின் வெற்றிக்கு முக்கிய பங்காற்றியது.
சிம்புவின் தீவிர ரசிகனான கூல் சுரேஷ், தற்போது பத்து தல படத்திற்கான புரமோஷனையும் தீவிரமாக மேற்கொண்டு வருகிறார். கடந்த சில நாட்களுக்கு முன் பழனி முருகன் கோவிலுக்கு சிம்புவின் பத்து தல திரைப்படம் வெற்றிபெற வேண்டி பிரார்த்தனை செய்து வந்தார். இதுபோன்று தமிழகம் முழுவதும் பல்வேறு கோவில்களுக்கு சென்று சிம்புவின் வெற்றிக்காக வேண்டிக்கொள்ள உள்ளதாக தெரிவித்துள்ளார்.
இதையும் படியுங்கள்... ‘வெந்து தணிந்தது காடு... கூல் சுரேஷ ஹீரோவா போடு’னு சொல்லும் அளவுக்கு.. ஆளே டோட்டலா மாறிய கூல் சுரேஷ்
இதனிடையே பத்து தல படத்தின் டீசர் வெளியீட்டு விழா நேற்று சென்னையில் நடைபெற்றது. இதில் படக்குழுவினருடன் கூல் சுரேஷும் வந்து கலந்துகொண்டார். அப்போது பொன்னியின் செல்வன் படம் பார்க்க குதிரையில் வந்ததுபோல், பத்து தல படம் பார்க்க ஹெலிகாப்டரில் வரும் ஐடியாவில் இருப்பதாக தெரிவித்தார். இதைக்கேட்டு அங்கிருந்தவர்கள் சிரித்தாலும், சீரியஸாக பேசிய கூல் சுரேஷ், தற்போது அதற்கான அனுமதி வாங்கும் பணிகளை மேற்கொண்டு வருவதாக தெரிவித்தார். வீட்டை வித்தாவது ஹெலிகாப்டரில் வருவேன் என அவர் கூறினார்.
ஹெலிகாப்டரில் வந்து சிம்புவின் கட் அவுட்டுக்கு மலர் தூவ திட்டமிட்டு இருப்பதாகவும் கூல் சுரேஷ் தெரிவித்துள்ளார். அவரின் இந்த பேச்சு தற்போது சோசியல் மீடியாவில் வைரலாகி வருகிறது. சிம்பு நடித்துள்ள பத்து தல திரைப்படம் வருகிற மார்ச் 30-ந் தேதி ரிலீசாக உள்ளது. அதற்கு முன் இப்படத்தின் டிரைலர் வெளியீட்டு விழா வருகிற மார்ச் 18-ந் தேதி சென்னையில் உள்ள நேரு உள்விளையாட்டு அரங்கில் பிரம்மாண்டமாக நடைபெற உள்ளது குறிப்பிடத்தக்கது.
இதையும் படியுங்கள்... Watch : மாஃபியா இயக்குனரின் அடுத்த சம்பவம்... டிரெண்டாகும் ‘நிறங்கள் மூன்று’ டிரைலர்