'வணங்கான்' பட கெட்டப்பில் மிரட்டும் அருண்விஜய்..! சூர்யாவையே மிஞ்சிட்டாரே... வைரலாகும் புகைப்படம்!

'வணங்கான்' பட கெட்டப்பில் நடிகர் அருண் விஜய் ஷூட்டிங் ஸ்பாட்டில் நடந்து வருவது போன்ற புகைப்படம் தற்போது சமூக வலைதளத்தில் வெளியாகி வைரலாக பார்க்கப்பட்டு வருகிறது.  

எப்போதுமே வித்யாசத்தை புகுத்தி ரசிகர்கள் எதிர்பார்ப்புக்கு ஏற்ற போல் திரைப்படம் இயக்கி வருபவர் இயக்குனர் பாலா. இவர் அர்ஜுன் ரெட்டி படத்தின் ரீமேக்காக நடிகர் விக்ரமின் மகன் துருவை வைத்து இயக்கிய, 'வர்மா' திரைப்படம், எதிர்பார்த்தது போல் வரவில்லை என்கிற காரணத்தால், படக்குழுவினரால் நிராகரிக்கப்பட்ட நிலையில்... பின்னர் ott தளத்தில் வெளியாகி,மோசமான விமர்சனங்களை சந்தித்தது.

இந்த படத்தை தொடர்ந்து, இயக்குனர் பாலா யாரை வைத்து படம் இயக்குவார் என எதிர்பார்க்கப்பட்ட நிலையில், நடிகர் சூர்யாவை வைத்து 'வணங்கான்' என்கிற படத்தை இயக்க உள்ளதாக அறிவிப்பு வெளியானது. இந்த படத்தை சூர்யாவின் 2டி நிறுவனமே தயாரித்தது. இந்த படத்தின் படப்பிடிப்பு கடந்த ஆண்டு  துவங்கிய நிலையில், படப்பிடிப்பும் முழு வீச்சில் நடந்து வந்தது.  ஒரு மாதத்திற்கு மேல் படப்பிடிப்பு நடந்து முடிந்த நிலையில், திடீரென சூர்யா தரப்புக்கும்... பாலா... தரப்புக்கும் ஏற்பட்ட பிரச்சனை காரணமாக 'வணங்கான்' படத்தில் இருந்து சூர்யா விலகுவதாக அதிரடியாக தெரிவித்தார். அதேபோல் 2டி எண்டெர்டைன்மென்ட் நிறுவனமும் இப்படத்திலிருந்து விலக்கியது.

சூர்யா - பாலா கூட்டணியில், உருவான வணங்கான் திரைப்படம் கைவிடப்பட்டதற்கு பல்வேறு காரணங்கள் கூறப்பட்டாலும், பாலா தரப்பில் இருந்து சூர்யா இப்படத்தின் கதாபாத்திரத்திற்கு பொருந்தவில்லை எனவே வேறு ஒரு நடிகரை வைத்து இப்படம் தயாராகும் என அறிவிக்கப்பட்டது. அதன்படி தற்போது நடிகர் அருண் விஜய்யை ஹீரோவாக ஒப்பந்தம் செய்து மீண்டும் படப்பிடிப்பு பணிகள் துவனாகியுள்ளது.

 இப்படத்தின் முதல் பாகத்தில், சூர்யாவுக்கு ஜோடியாக நடித்த கீர்த்தி ஷெட்டியே இப்படத்திலும், ஜோடியாக நடிப்பார் என எதிர்பார்க்கப்பட்ட நிலையில்... தற்போது ஹீரோயினையும் அதிரடியாக மாற்றியுள்ளார் பாலா. அதன்படி 'வணங்கான்' படத்தில் அருண் விஜய்க்கு ஜோடியாக ரோஷினி பிரகாஷ் என்கிற இளம் நடிகை நடிக்கிறார் . இவர் ஏற்கனவே நடிகர் கதிருக்கு ஜோடியாக 'ஜடா' என்கிற படத்தில் ஹீரோயினாக நடித்துள்ளார்.

இந்நிலையில் இப்படத்தின் படப்பிடிப்பு விறுவிறுப்பாக நடந்து வரும் நிலையில், சூர்யாவையே மிஞ்சும் அளவிற்கு வேட்டி சட்டையில்... முரட்டுத்தனமான கெட்டப்பில் நடிகர் அருண் விஜய் ஷூட்டிங் ஸ்பாட்டில் நடந்து வரும் புகைப்படம் ஒன்று வெளியாகி உள்ளது. இப்படத்தில் அருண் விஜய் காது கேளாத, வாய் பேச முடியாத மாற்று திறனாளி கதாபாத்திரத்தில் நடிக்கிறார் என கூறப்படுகிறது. இப்படத்திற்கு ஜி.வி.பிரகாஷ் இசையமைத்து வருகிறார்  என்பது குறிப்பிடத்தக்கது.