தமிழ் சினிமாவில் ஹீரோயின்களுக்கு தட்டுப்பாடா? கோலிவுட்டில் திடீரென மலையாள நடிகைகளுக்கு ஏற்பட்ட செம டிமாண்ட்

மலையாள நடிகைகளுக்கு தமிழ் சினிமாவில் எப்போதுமே மவுசு இருந்துகொண்டு தான் இருக்கிறது. நயன்தாரா, அசின், கீர்த்தி சுரேஷ், மாளவிகா மோகனன் என ஏராளமான நடிகைகளுக்கு அடையாளம் கொடுத்தது தமிழ் சினிமா தான். ஆனால் சமீபத்தில் ஏராளமான இளம் மலையாள நடிகைகளுக்கு தமிழ் சினிமாவில் மிகப்பெரிய டிமாண்ட் ஏற்பட்டுள்ளது. அவர்களைப் பற்றி இந்த தொகுப்பில் பார்க்கலாம்.

மலையாளத்தில் மாயநதி படம் மூலம் பிரபலமான ஐஸ்வர்யா லட்சுமி தற்போது தமிழில் கலக்கிக் கொண்டு இருக்கிறார். ஆக்‌ஷன் படம் மூலம் எண்ட்ரி கொடுத்த இவர் கடைசியாக நடித்த பொன்னியின் செல்வன் 1, கட்டா குஸ்தி, பொன்னியின் செல்வன் 2 ஆகிய மூன்று படங்களும் ஹாட்ரிக் ஹிட் அடித்தன.

மஹேஷிண்டே பரிஹாரம் என்கிற மலையாள படம் மூலம் பேமஸ் ஆனவர் அபர்ணா பாலமுரளி. இவர் தமிழில் 8 தோட்டக்கள் படம் மூலம் அறிமுகமானார். இதையடுத்து சூர்யாவுக்கு ஜோடியாக இவர் நடித்த சூரரைப் போற்று திரைப்படம் இவருக்கு மிகப்பெரிய பெயரை கொடுத்ததோடு, இப்படத்திற்காக தேசிய விருதும் கிடைத்தது.

மலையாளத்தில் இருந்து வந்து கோலிவுட்டில் கலக்கிக் கொண்டிருக்கும் மற்றொரு நடிகை என்றால் அது லிஜோ மோல் தான். இவர் சசி இயக்கிய சிகப்பு மஞ்சள் பச்சை படம் மூலம் அறிமுகமானார். இதையடுத்து சூர்யா தயாரிப்பில் இவர் நடித்த ஜெய் பீம் திரைப்படம் பட்டிதொட்டியெங்கும் அவரை பேமஸ் ஆக்கியது.

அச்சு அசல் சமந்தாவை போல் இருப்பவர் தான் சம்யுக்தா மேனன். மலையாள நடிகையான இவருக்கும் தற்போது கோலிவுட்டில் செம்ம டிமாண்ட் இருக்கிறது. இதற்கு காரணம் தனுஷுக்கு ஜோடியாக இவர் நடித்த வாத்தி படம் தான். அப்படத்தின் மூலம் தமிழ் ரசிகர்களின் மனதில் இடம்பிடித்துவிட்டார் சம்யுக்தா.

மனோகரம் என்கிற மலையாள படம் மூலம் கேரள மக்களின் மனம்கவர்ந்த ஹீரோயின் ஆனவர் அபர்ணா தாஸ். இவர் விஜய்யின் பீஸ்ட் படம் மூலம் கோலிவுட்டில் அறிமுகமானார். இவருக்கு தமிழில் மிகப்பெரிய திருப்புமுனையாக அமைந்த படம் டாடா. கவினுக்கு ஜோடியாக அவர் நடித்த இப்படம் பிளாக்பஸ்டர் ஹிட் ஆனது.

இதையும் படியுங்கள்... கங்குவா படத்தின் மொத்த பட்ஜெட் என்ன?.. படத்தில் இணையும் ஒரு புதிய பிரபலம் - Interesting தகவல்கள் இதோ!

ஜூன் என்கிற மலையாள படத்தில் நடித்து பிரபலமானவர் ரெஜிஷா. இவரை தமிழில் அறிமுகப்படுத்தியது மாரி செல்வராஜ் தான். அவர் இயக்கிய கர்ணன் படத்தில் தனுஷுக்கு ஜோடியாக நடித்தார் ரெஜிஷா. இதையடுத்து தமிழில் அவர் நடித்த ஜெய் பீம், சர்தார் ஆகிய படங்களும் வெற்றி பெற்றன.

கும்பலங்கி நைட்ஸ் படத்தில் நடித்து பேமஸ் ஆனவர் அன்னா பென். இவர் தமிழில் தற்போது ஹீரோயினாக அறிமுகமாகி உள்ள திரைப்படம் கொட்டுக்காளி. இப்படத்தை சிவகார்த்திகேயன் தயாரித்துள்ளார். இப்படத்தில் நடிகர் சூரிக்கு ஜோடியாக நடித்துள்ளார் அன்னா பென்.

மலையாளத்தில் வெளியாகி மிகப்பெரிய தாக்கத்தை ஏற்படுத்திய தி கிரேட் இந்தியன் கிச்சன் படம் மூலம் புகழ் வெளிச்சம் பெற்றவர் நிமிஷா சஜயன். இவரும் தற்போது கோலிவுட்டில் எண்ட்ரி கொடுத்துள்ளார். தமிழில் இவர் நடித்துள்ள முதல் படம் மிஷன். அருண் விஜய் நாயகனாக நடித்துள்ள இப்படத்தை ஏ.எல்.விஜய் இயக்கி உள்ளார்.

இதையும் படியுங்கள்...  ஒரேநாளில் 2 ஜெயிலர் படம் ரிலீஸ்.. ரஜினி பட வசூலுக்கு வேட்டு வைக்க நடக்கும் வேலை! தகர்த்தெறிவாரா சூப்பர்ஸ்டார்?