கையில் மது கோப்பையுடன்... கணவருடன் ரொமான்டிக்காக பிறந்தநாள் கொண்டாடிய ஹன்சிகா! வைரலாகும் போட்டோஸ்!
நடிகை ஹன்சிகாவின் பிறந்தநாள் கொண்டாட்ட புகைப்படங்கள் தற்போது சமூக வலைத்தளத்தில் வைரலாக பார்க்கப்பட்டு வருகிறது.
Followபாலிவுட் திரையுலகில் குழந்தை நட்சத்திரமாக, அறிமுகமாகி ரித்திக் ரோஷன், அமிதாப்பச்சன் போன்ற நடிகர்களுடன் நடித்த ஹன்சிகா, தெலுங்கு திரைப்படம் மூலம் ஹீரோயினாக அவதாரம் எடுத்தார். பார்பதற்க்கே பப்லியாக, ரசிகர்கள் மனதை கொள்ளை கொண்ட இவர் முதல் படத்திலேயே சிறந்த அறிமுக நடிகைக்கான பிலிம் பேர் விருதை பெற்றார்.
இதை தொடர்ந்து ஹிந்தி, கன்னடம் போன்ற மொழி படங்களில் நடித்த ஹன்சிகா, தமிழில் நடிகர் தனுஷுக்கு ஜோடியாக 'மாப்பிள்ளை' படத்தில் நடித்தார். கோலிவுட் ரசிகர்களால் குட்டி குஷ்பு என அழைக்கப்பட்ட ஹன்சிகா இப்படத்தின் வெற்றிக்கு பின்னர், அடுத்தடுத்த படங்களில் கமிட் ஆகி நடிக்க துவங்கினார்.
குறிப்பாக விஜய், சிம்பு, ஜெயம் ரவி போன்ற பல முன்னணி நடிகர்களுக்கு ஜோடி போட்ட ஹன்சிகா, சிம்புவின் காதல் வலையிலும் சிக்கினார். இவர்களின் காதல் திருமணம் வரை சென்ற நிலையில், ஒரு சில பிரச்சனையின் காரணமாக இவர்கள் காதல் ஆரம்பமான வேகத்திலேயே முடிவுக்கு வந்தது.
எனினும்.. சிம்புவுடன் நட்புடன் பழகி வந்த ஹன்சிகா நீண்ட இடைவெளிக்கு பின்னர் அவருடன் இணைந்து மஹா என்கிற படத்தில் நடித்திருந்தார்.
பட வாய்ப்புகள் குறைய துவங்கிய பின்னர், உஷாராக தன்னுடைய நீண்ட நாள் நண்பரான சோஹைல் கதூரியா என்பவரை காதலித்து, கடந்த ஆண்டு திருமணம் செய்து கொண்டார். திருமணத்திற்கு பிறகும் தொடர்ந்து திரைப்படங்களில் நடித்து வரும் ஹன்சிகா, தற்போது தமிழில் 5 படங்களிலும் தெலுங்கில் இரண்டு படங்களிலும் நடித்து முடித்துள்ளார்.
இந்நிலையில் ஆகஸ்ட் 9-ஆம் தேதி, ஹன்சிகா தன்னுடைய 32-ஆவது பிறந்தநாளை கொண்டாடிய நிலையில், இவரது பர்த்டே செலபிரேஷன் புகைப்படங்கள் சமூக வலைத்தளத்தில் வைரலாகி வருகிறது. வெள்ளை நிற உடையில், கையில் மது கோப்பையுடன், மிகவும் ரொமான்டிக்காக பிறந்தநாள் கொண்டாடியுள்ளார். இந்த போட்டோஸ் தற்போது வைரலாகி வருவதோடு லைக்குகளை குவித்து வருகிறது.
TRP-யில் அடித்து நொறுக்கி முன்னுக்கு வரும் விஜய் டிவி தொடர்! முதலிடத்தில் எந்த சீரியல் தெரியுமா?
சேனலை கிளிக் செய்து பின்தொடரவும்
