"சிவகார்த்திகேயன் இடம் இனி எனக்கு தான்" கோட் படத்தில் நானும் இருக்கேன் - SKவை வம்பிழுத்த சதீஷ்!

தமிழ் சினிமாவில் மிக டாப் நடிகராக வலம் வந்து கொண்டிருப்பவர் தளபதி விஜய். ஏற்கனவே கடந்த 2023ம் ஆண்டு பிரபல இயக்குனர் லோகேஷ் கனகராஜ் இயக்கத்தில் "லியோ" என்ற திரைப்படத்தில் நடித்து அதை மெகா வெற்றி திரைப்படமாக மாற்றினார். அதைத் தொடர்ந்து அவர் பிரபல இயக்குனர் வெங்கட் பிரபு இயக்கத்தில் ஒரு திரைப்படத்தில் நடிக்க உள்ளதாக தகவல்கள் வெளியானது. இந்த சூழலில் தான் இந்த ஆண்டு தொடக்கத்தில் தனது தமிழக வெற்றிக் கழகம் கட்சியின் அறிவிப்பை தளபதி விஜய் வெளியிட்டார். 

அதுமட்டுமல்லாமல் தான் ஏற்கனவே ஒப்புக் கொண்டுள்ள இரு திரைப்பட பணிகளை முடித்துவிட்டு. முழு நேர அரசியலில் ஈடுபட உள்ளதாகவும், திரைத்துறைக்கு நிரந்தரமாக குட் பை சொல்ல உள்ளதாகவும் அறிவித்தார். இது அவருடைய திரைப்பட ரசிகர்களுக்கு மிகப்பெரிய ஏமாற்றத்தை கொடுத்தாலும், அரசியல் ரீதியாக அவரை பின்தொடர்பவர்களுக்கு மிகப்பெரிய மகிழ்ச்சி தரும் செய்தியாக இருந்தது என்றால் அது சற்றும் மிகையல்ல.

துபாயை சேர்ந்த தொழிலதிபருடன் அனுஷ்கா ஷெட்டிக்கு டும் டும் டும்! சைலண்டாக நடக்கும் திருமண ஏற்பாடு!

இப்படிப்பட்ட சூழலில் தான் மிகப்பெரிய எதிர்பார்ப்புகளோடு உருவாகி வந்தது தளபதியின் 68வது திரைப்படம். குறிப்பாக அந்த திரைப்படத்திற்கு "தி கிரேட்டஸ்ட் ஆஃப் ஆல் டைம்" என்று பெயரிடப்பட்டது அவருடைய ரசிகர்கள் மத்தியில் மிகப்பெரிய வரவேற்பு பெற்றது. கடந்த செப்டம்பர் மாதம் 5ஆம் தேதி உலக அளவில் வெளியான இந்த திரைப்படம் மிகப்பெரிய வரவேற்பை பெற்றது. இயக்குனர் வெங்கட் பிரபு தனக்கே உரித்தான அந்த கமர்சியல் ஸ்டைலில் மசாலா கலந்த ஒரு வெற்றி திரைப்படத்தை கொடுத்திருந்தார். 

அது மட்டும் அல்லாமல் இந்த திரைப்படத்தில் பல கேமியோ கதாபாத்திரங்களும், சுவாரசியமான சம்பவங்களும் இணைக்கப்பட்டுள்ளது குறிப்பிடத்தக்கது. குறிப்பாக படம் துவங்கும் முதல் காட்சியிலேயே மறைந்த அரசியல் தலைவரும், நடிகருமான கேப்டன் விஜயகாந்தின் காட்சிகள் AI தொழில்நுட்பம் மூலம் பயன்படுத்தப்பட்டது திரையரங்கை அதிர வைத்தது என்றால் அது மிகையல்ல. அதுமட்டும் அல்லாமல் மட்ட என்கின்ற பாடலில் பிரபல நடிகை திரிஷா ஒரு கேமியோ கதாபாத்திரத்தில் நடனமாடியிருந்தார்.

தல தோனி, சிவகார்த்திகேயன் உள்ளிட்ட பலர் இந்த திரைப்படத்தின் வெற்றிக்கு மிகப்பெரிய காரணமாக அமைந்தது அனைவரும் அறிந்ததே. அதிலும் குறிப்பாக கிளைமாக்ஸ் கட்சியில் பிரபல நடிகர் சிவகார்த்திகேயன் தோன்றும் காட்சிகள் ரசிகர்கள் மத்தியில் மிகப்பெரிய வரவேற்பு பெற்றது. இந்த நிலையில் தன்னுடைய "சட்டம் என் கையில்" திரைப்படத்தை ரிலீஸ் செய்திருக்கும் நடிகர் சதீஷ், செய்தியாளர்களை சந்தித்து பேசினார்.

விஜயின் அரசியல் பிரவேசம் குறித்து அவரிடம் கேள்வி கேட்ட பொழுது ஒரு நடிகராக அவரை நான் மிகவும் மிஸ் பண்றேன். நான் அவருடைய மிகப்பெரிய ரசிகன் உண்மையில் கண்கள் கலங்கத் தான் செய்கிறது, இனி விஜய் நடிக்க மாட்டார் என்று கேட்கும் பொழுது என்று கூறினார். பிறகு சிவகார்த்திகேயன் GOATல் கேமியோ கதாபாத்திரத்தில் நடித்தது பற்றியும் கேட்ட பொழுது, உண்மையில் அந்த படத்தை பற்றி நான் ஒன்று சொல்ல வேண்டும். "விஜய் அண்ணன் எஸ்கேவிடம் துப்பாக்கியை கொடுத்து விட்டு சென்று விடுவார். அந்த காட்சி முடிந்த உடனேயே, நான் பின்னாலிருந்து வந்து, அப்பொழுது உங்களிடம் எனக்கா என்று SKவிடம்  கேட்பேன், ஆனால் அந்த காட்சிகளை எடிட் செய்துவிட்டார்கள்" என்று கலகலப்பாக SKவை கலாய்த்து பேசி இருக்கிறார். சிவகார்த்திகேயனும் நடிகர் சதீஷும் மிக நெருங்கிய நண்பர்கள் என்பது குறிப்பிடத்தக்கது.

வைரமுத்துவை மிஞ்சிய மகன்; Palindrome வார்த்தைகளை பயன்படுத்தி மதன் கார்க்கி எழுதி ஆச்சர்ய பாடல்!