RB Choudary: பூவே உனக்காக பட தயாரிப்பாளரும், ஜீவாவின் தந்தையுமான ஆர் பி சௌத்ரி வாகன விபத்தில் உயிரிழப்பு!

Jiiva Father RB Choudary Passed Away: விஜய்யின் பூவே உனக்காக படத்தை கொடுத்த தயாரிப்பாளர் ஜீவாவின் தந்தை ஆர் பி சௌத்ரி வாகன விபத்தில் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.

Image Credit : #RBChoudary X Page

ஆர் பி சௌத்ரி வாகன விபத்தில் உயிரிழப்பு

நடிகர் ஜீவாவின் தந்தையும் ஆர் சூப்பர் குட் பிலிம்ஸ் நிறுவனத்தின் தயாரிப்பாளருமான ஆர் பி சௌத்ரி வாகன விபத்தில் பலியான சம்பவம் சினிமா வட்டாரத்தில் அதிர்ச்சியை ஏற்படுத்தியுள்ளது. ராஜஸ்தானி குடும்பத்தைச் சேர்ந்தவர் ஆர் பி சௌத்ரி. சினிமா துறைக்கு வருவதற்கு முன் ஆர் பி சௌத்ரி எஃகு ஏற்றுமதி மற்றும் நகை தொழில்களில் பணியாற்றியிருக்கிறார்.

Image Credit : #RBChoudary X Page

சூப்பர் குட் பிலிம்ஸ் நிறுவனம்

அதன் பின்னர் சினிமா துறைக்குள் நுழைந்த ஆர் பி சௌத்ரி முதலில் மலையாள சினிமாவில் சூப்பர் என்ற தயாரிப்பு நிறுவனத்தின் மூலமாக படங்களை தயாரித்துள்ளார். அதில் அடிபாபம், லயனம், கல்பனா ஹவுஸ் ஆகிய படங்கள் அடங்கும். இதைத் தொடர்ந்து தமிழ் சினிமாவில் கால் பதித்த ஆர் பி சௌத்ரி குட் நைட் கொசுவலைகளை தயாரித்த ஆர் மோகன் உடன் இணைந்து சில படங்களை தயாரித்தார். 

Image Credit : #RBChoudary X Page

ஆர் பி சௌத்ரி வாகன விபத்தில் பலி

அதன் பிறகு இருவரும் பிரிய முடிவு செய்ததைத் தொடர்ந்து தனது சூப்பர் என்ற பட நிறுவனத்தின் பெயரை சூப்பர் குட் பிலிம்ஸ் என்று பெயர் மாற்றம் செய்து படங்களை தயாரித்து ஹிட் கொடுத்தார். ஆர் பி சௌத்ரி தயாரிப்பில் தமிழில் வெளியான முதல் படம் புது வசந்தம். இந்தப் படத்தைத் தொடர்ந்து புரியாத புதிர், சேரன் பாண்டியன், ஊர் மரியாதை, சின்ன மேடம், நாட்டாமை, பூவே உனக்காக, செங்கோட்டை, சூரிய வம்சம், லவ் டுடே, பூ மகள் ஊர்வலம், நீ வருவாய் என, விண்ணுக்கும் மண்ணுக்கும், ஷாஜஹான், திருப்பாச்சி, ஜில்லா என்று ஏராளமான படங்களை தயாரித்துள்ளார்.

Image Credit : #RBChoudary X Page

தயாரிப்பாளர் ஆர்பி சௌத்ரி

தனது மகன் ஜீவாவை வைத்து தித்திக்குதே என்ற படத்தைத் தயாரித்தார். இப்படி பல சூப்பர் ஹிட் படங்களை கொடுத்த ஆர் பி சௌத்ரி சற்று முன் வாகன விபத்தில் உயிரிழந்துள்ளதாக தகவல் வெளியாகி வருகிறது. தனது சொந்த ஊரான இராஜஸ்தான் மாநிலம் உதய்பூருக்கு உறவினர்களுடன் காரில் சென்ற போத எதிரே வந்த லாரி மீது மோதி விபத்துக்குள்ளானதாக சொல்லப்படுகிறது.

Image Credit : #RBChoudary X Page

நடிகர் ஜீவாவின் தந்தை ஆர்பி சௌத்ரி

இதைத் தொடர்ந்து அவர் அருகிலுள்ள மருத்துவமனைக்கு சிகிச்சைக்காக அனுமதிக்கப்பட்டிருக்கிறார். எனினும், சிகிச்சை பலனின்றி ஆர் பி சௌத்ரி பரிதாபமாக உயிரிழந்துள்ளார். விபத்தில் படுகாயமடைந்த அவரது உறவினர்களுக்கு மருத்துவமனையில் சிகிச்சை அளிக்கப்பட்டு வருவதாக சொல்லப்படுகிறது. தனது தயாரிப்பு நிறுவனத்தின் மூலமாக கிட்டத்தட்ட 93 இயக்குநர்களை அறிமுகம் செய்து வைத்துள்ளார் என்பது குறிப்பிடத்தக்கது.

Image Credit : #RBChoudary X Page

சென்னைக்கு கொண்டு வரப்படும் ஆர்பி சௌத்ரியின் உடல்

ஆர்பி சௌத்ரியின் உடலானது நாளை சென்னை கொண்டு வரப்பட இருப்பதாக சொல்லப்படுகிறது. நடிகரும் தவெக தலைவருமான விஜய் தமிழக சட்டமன்ற தேர்தலில் 108 இடங்களில் வெற்றி வாகை சூடிய விசில் அடித்து நடிகர் ஜீவா கொண்டாடி தனது மகிழ்ச்சியை வெளிப்படுத்தியிருந்தார். இந்த நிலையில் தான் இன்று அவரது அப்பாவின் மறைவு செய்தி அவரை ஆழ்ந்த துயரத்தில் ஆழ்த்தியுள்ளது. ஆர் பி சௌத்ரிக்கு ஜீவா மட்டுமின்றி ஜித்தன் ரமேஷ், ஜீவன், சுரேஷ் ஆகிய மகன்களும் இருக்கின்றனர்.

Ace Producer #RBChoudary, the man behind many Telugu hits and founder of Super Good Films, has PASSED AWAY in a tragic car accident.

May his soul rest in peace. 🙏 pic.twitter.com/bfw91VC0xx

— Rangasthalam (@RangasthalamIN) May 5, 2026