ரவுடி ஹீரோ விஜய் தேவரகொண்டா, ஸ்டார் மியூசிக் டைரக்டர் அனிருத் ரவிச்சந்தருக்கு பரிசு ஒன்றை கொடுத்திருக்கிறார். அது என்ன பரிசு என்பதை பார்க்கலாம்.
Vijay Deverakonda Gift to Anirudh : தெலுங்கு நடிகர் விஜய் தேவரகொண்டா, கௌதம் தின்னனூரி இயக்கத்தில் உருவாகும் ‘கிங்டம்’ படத்தில் நடிக்கிறார். இந்த படம் விஜயின் திரை வாழ்க்கைக்கு மிக முக்கியமானது. முந்தைய படங்கள் தோல்வியடைந்ததால், ‘கிங்டம்’ படத்தின் வெற்றியை அவர் மலைபோல் நம்பி இருக்கிறார். இந்த படத்திற்கு அனிருத் ரவிச்சந்தர் இசையமைக்கிறார். ஏற்கனவே வெளியான டீசருக்கு அனிருத் அளித்த பின்னணி இசை மிகவும் சிறப்பாக இருந்தது. இதனால், விஜய் தேவரகொண்டா, அனிருத்துக்கு ஒரு சிறப்பு பரிசு ஒன்றை அளித்துள்ளார்.
விஜய் தேவரகொண்டா கொடுத்த பரிசு என்ன?
சித்தாரா என்டர்டெயின்மென்ட்ஸ் வெளியிட்ட வீடியோவில், விஜய் தேவரகொண்டா தனது ரவுடி பிராண்ட் டி-ஷர்ட் மற்றும் பேட்மிண்டன் ராக்கெட்டை அனிருத்துக்கு பரிசளித்தார். இருவரும் சேர்ந்து பேட்மிண்டன் விளையாடத் தயாரானார்கள். அனிருத் அந்த டி-ஷர்ட்டை அணிந்திருந்தார். இந்த வீடியோவை ரசிகர்கள் வைரலாக்கி வருகின்றனர். இந்த வீடியோ மூலம் படத்தின் விளம்பரத்தைத் தொடங்கியுள்ளனர். ‘கிங்டம்’ படம் ஜூலை 4, 2025 அன்று வெளியாகவுள்ளது.
Related Articles
அனிருத் - விஜய் தேவரகொண்டா கூட்டணி அமைத்த கிங்டம்
விஜய் தேவரகொண்டா - அனிருத் கூட்டணி படத்தின் முக்கிய ஈர்ப்பாக இருக்கும் என்று எதிர்பார்க்கப்படுகிறது. ‘கிங்டம்’ படத்தில் விஜய் தேவரகொண்டா புதிய தோற்றத்தில் காட்சியளிப்பார் என்று தகவல்கள் தெரிவிக்கின்றன. டீசர், போஸ்டர்கள், இசை ஆகியவை ஏற்கனவே இணையத்தில் பரபரப்பை ஏற்படுத்தியுள்ளன. ஜூலை 4 அன்று வெளியாகும் இந்த படம் விஜய் தேவரகொண்டா ரசிகர்களுக்கு ஒரு பெரிய விருந்தாக அமையும் என எதிர்பார்க்கப்படுகிறது.
முன்னதாக கிங்டம் திரைப்படத்தை மே 30ந் தேதியே ரிலீஸ் செய்ய இருந்தனர். ஆனால் படத்தின் பணிகள் சற்று தாமதம் ஆனதால் ரிலீஸ் தேதியை ஜூலை 4ந் தேதிக்கு தள்ளிவைத்தனர். கிங்டம் திரைப்படத்தில் விஜய் தேவரகொண்டாவுக்கு ஜோடியாக டோலிவுட்டின் சென்சேஷனல் ஹீரோயினாக பாக்கியஸ்ரீ போர்ஸ் நடித்துள்ளார். இப்படம் மிகப்பெரிய எதிர்பார்ப்புக்கு மத்தியில் ஜூலை 4ந் தேதி ரிலீஸ் ஆக உள்ளது. இப்படம் மூலம் விஜய் தேவரகொண்டா கம்பேக் கொடுப்பாரா என்பதை பொறுத்திருந்து தான் பார்க்க வேண்டும்.