அக்டோபர் மாதத்திற்கான டாப் 10 பாப்புலர் இந்திய நடிகர்கள் பட்டியலில் பாலிவுட் நடிகர் ஷாருக்கானை முந்தி சாதனை படைத்துள்ளார் தளபதி விஜய். அந்த பட்டியலை பார்க்கலாம்.
இந்தியாவின் பிரபலமான முன்னணி நடிகர்களின் பட்டியல் வெளியாகியுள்ளது. இதில் முதல் இடத்தில் பிரபாஸ் நீடிக்கிறார். இரண்டாவது இடத்தில் நடிகர் விஜய் உள்ளார். அக்டோபர் மாதத்திற்கான இந்த பட்டியலை பிரபல ஆலோசனை நிறுவனமான ஆர்மக்ஸ் மீடியா வெளியிட்டுள்ளது.
அக்டோபர் மாத பட்டியலிலும் தென்னிந்திய நடிகர்கள் ஆதிக்கம் செலுத்தி உள்ளனர். தொடர்ச்சியாக படங்கள் இல்லாவிட்டாலும், செய்திகளிலும் சமூக ஊடகங்களிலும் தென்னிந்திய நடிகர்கள் தொடர்ந்து இடம்பிடிப்பது அவர்களை முன்னிலையில் வைத்திருக்க உதவுகிறது. மேலும், பான்-இந்திய திரைப்படங்களின் வருகையால், நாடு முழுவதும் உள்ள ரசிகர்களை ஈர்த்து, அவர்களை ரசிகர்களாக மாற்ற தென்னிந்திய நடிகர்களால் முடிகிறது என்பதை ஆர்மக்ஸ் மீடியா வெளியிட்ட அக்டோபர் மாத பட்டியல் தெளிவுபடுத்துகிறது.
Related Articles
ஆதிக்கம் செலுத்திய தென்னிந்திய நடிகர்கள்
அக்டோபர் மாத பட்டியலில் இரண்டு பாலிவுட் நடிகர்கள் மட்டுமே இடம்பிடித்துள்ளனர். பட்டியலில் முன்னணியில் உள்ள பாலிவுட் நடிகர் ஷாருக்கான் தான். ஆனால், ஷாருக்கானுக்கு நான்காவது இடம் மட்டுமே கிடைத்துள்ளது. அடுத்த பாலிவுட் நடிகர் பத்தாவது இடத்தில் உள்ள சல்மான் கான்.
ஷாருக்கான் மற்றும் சல்மான் கானை தவிர, பட்டியலில் உள்ள மற்ற அனைவரும் தென்னிந்தியாவைச் சேர்ந்த நடிகர்கள். மூன்றாவது இடத்தில் அல்லு அர்ஜுன் உள்ளார். ஐந்தாவது இடத்தில் நடிகர் அஜித் குமார் உள்ளார். ஆறாவது இடத்தில் ஜூனியர் என்.டி.ஆர் இருக்கிறார். ஏழாவது இடத்தில் மகேஷ் பாபுவும், எட்டாவது இடத்தில் ராம் சரணும் அக்டோபர் மாத பட்டியலில் இடம்பிடித்துள்ளனர். ஒன்பதாவது இடத்தில் மற்றொரு தென்னிந்திய நடிகரான பவன் கல்யாண் உள்ளார்.
