நடிகை சங்கீதா தன்னுடைய இன்ஸ்டாகிராம் பக்கத்தில் பெயரை மாற்றியதால் அவர் தனது கணவர் கிருஷை விவாகரத்து செய்ய உள்ளதாக வதந்திகள் பரவின.
Sangitha Shuts Divorce Rumours : தமிழ் மற்றும் தெலுங்கில் முன்னணி நடிகையாக வலம் வந்தவர் சங்கீதா. இவர் பாலா இயக்கிய பிதாமகன் படத்தின் மூலம் பாப்புலர் ஆனார். அதன் பின்னர் வில்லியாக பல்வேறு படங்களில் நடித்து வந்த சங்கீதா, தமிழைக் காட்டிலும் தெலுங்கில் தான் அதிகப்படியான படங்களில் நடித்துள்ளார். இவர் பாடகர் கிருஷை காதலித்து திருமணம் செய்துகொண்டார். இந்த ஜோடிக்கு ஒரு மகளும் இருக்கிறார். இந்த நிலையில், நடிகை சங்கீதா, அவரது கணவர் கிருஷை விவாகரத்து செய்யப்போவதாக வதந்திகள் பரவி வந்தன.
சங்கீதா தனது சமூக ஊடகக் கணக்குகளில் கணவரின் பெயரை நீக்கியதால் இந்த வதந்திகள் பரவின. இன்ஸ்டாகிராமில் சங்கீதா கிருஷ் என்பதிலிருந்து சங்கீதா Act என்று மாற்றியுள்ளார். இதனால் கணவருடன் உறவில் விரிசல் ஏற்பட்டுள்ளதா என்ற கருத்துக்கள் எழுந்தன. சில நெட்டிசன்கள் இந்த லாஜிக்கை எடுத்து இணையத்தில் விவாகரத்து வதந்திகளைப் பரப்பினர். மேலும், சமீபத்தில் 1990களின் நட்சத்திரங்கள் அனைவரும் ஒன்றுகூடினர். இதில் சங்கீதாவின் கணவர் இல்லை. அவர் தனியாகவே காணப்பட்டார். இதனால் இந்த வதந்திகள் மேலும் வலுப்பெற்றன.
Related Articles
விவாகரத்து சர்ச்சைக்கு சங்கீதா கொடுத்த பதிலடி
இதுகுறித்து நடிகை சங்கீதா விளக்கமளித்துள்ளார். இந்த வதந்திகளில் உண்மையில்லை என்றும், தொடக்கம் முதலே இன்ஸ்டாகிராமில் தனது பெயரை சங்கீதா Act என்று வைத்திருப்பதாகவும் தெரிவித்தார். இதன் மூலம் விவாகரத்து வதந்திகளுக்கு முற்றுப்புள்ளி வைத்தார். தாங்கள் ஒன்றாகவே இருப்பதாக அவர் தெளிவுபடுத்தினார். 2009 ஆம் ஆண்டு பின்னணிப் பாடகர் கிருஷ்ணாவை சங்கீதா திருமணம் செய்துகொண்டார். திருவண்ணாமலையில் உள்ள அருணாசலேஸ்வரர் கோயிலில் இவர்கள் திருமணம் நடைபெற்றது. இவர்களுக்கு ஒரு மகள் உள்ளார்.
சங்கீதா நடிகையாக மட்டுமல்லாமல், தொலைக்காட்சி நிகழ்ச்சிகளிலும் பங்கேற்று வருகிறார். 'ஜோடி நம்பர் 1', 'டான்ஸ் ஜோடி டான்ஸ்', 'சூப்பர் ஜோடி' போன்ற நடன நிகழ்ச்சிகளில் நடுவராக பணியாற்றியுள்ளார். தற்போது 'பரதா' என்ற படத்தில் நடித்து வருகிறார். பெண்களை மையமாகக் கொண்ட இந்தப் படத்தில் அனுபமா பரமேஸ்வரன் முக்கிய கதாபாத்திரத்தில் நடிக்க, அவருக்கு துணையாக சங்கீதா நடிக்கிறார். இப்படம் இந்த மாதம் 22 ஆம் தேதி வெளியாகவுள்ளது.