நீங்கள் தற்கொலை செய்து கொள்ள நினைக்கிறீர்களா அல்லது தற்கொலை செய்ய நினைக்கும் ஒருவரை அறிய நினைக்கிறீர்களா? இதோ, தற்கொலையின் நடத்தை அல்லது ஆரம்ப அறிகுறிகளை அடையாளம் காண 5 வழிகள் உள்ளன.
இந்த நாட்களில் சுற்றுச்சூழல், வாழ்க்கை முறை மற்றும் பல்வேறு காரணங்களால் தற்கொலை சம்பவங்கள் அதிகரித்து வருகின்றன. தற்கொலை என்பது ஒருவர் தனது உயிரை மாய்த்துக் கொள்வதாகும். மன அழுத்தம் நிறைந்த வாழ்க்கைச் சூழ்நிலையில் இது மேலும் ஒரு சோகமான மன அழுத்தத்தை கொடுக்கிறது. தற்கொலையைத் தடுக்க முடியும். நீங்கள் தற்கொலை செய்து கொள்ள நினைக்கிறீர்களா அல்லது தற்கொலை செய்ய நினைக்கும் ஒருவரை அறிய நினைக்கிறீர்களா? இதோ, தற்கொலையின் நடத்தை அல்லது ஆரம்ப அறிகுறிகளை அடையாளம் காண 5 வழிகள் உள்ளன.
மனச்சோர்வு அல்லது நம்பிக்கையின்மை அல்லது சமூக தனிமை, கோபம் அல்லது பதற்றம் போன்ற நடத்தை மாற்றங்கள். உங்களுக்குத் தெரிந்த ஒருவர் பொதுவாக அன்பானவர், கோபமாகவும் ஆக்ரோஷமாகவும் இருக்கலாம். அல்லது, சோகமாக மனச்சோர்வுடன் போராடும் ஒருவர் திடீரென்று அமைதியாகவும், வெளித்தோற்றத்தில் மகிழ்ச்சியாகவும், நிம்மதியாகவும் காட்சி அளிப்பார். இவை தற்கொலை அறிகுறிகளாக எடுத்துக் கொள்ள வேண்டும்.
இது மிகவும் பொதுவான அறிகுறியாகும், ஒருவர் தற்கொலை எண்ணம் கொண்டால், பொதுவாக வாழ்க்கையிலிருந்தும், மற்றவர்களிடமிருந்தும், வழக்கமான செயல்பாடுகளிலிருந்தும் விலகிவிடலாம். அவர்கள் சமூக ரீதியாக தங்களைத் தனிமைப்படுத்திக் கொண்டாலும் இல்லாவிட்டாலும், உணர்ச்சி ரீதியாக மக்களிடமிருந்து தொலைவில் இருப்பதாக தோன்றலாம். காரணம் அவர்கள் மற்றவர்களுடன் சகஜமாக பேசி பழக மாட்டார்கள். விலகி இருப்பார்கள்.
சாதகமற்ற சூழ்நிலைகளால் ஒரு நபர் மாறுவதை நீங்கள் காணலாம். வாழ்க்கையில் ஏற்படும் பெரிய நெருக்கடி தற்கொலை முயற்சியைத் தூண்டலாம். காதலிப்பவர்களின், நேசிப்பவர்களின் அல்லது செல்லப்பிராணிகளின் மரணம், உறவு முறிதல், குணப்படுத்த முடியாமல் நோய்வாய்ப்படுதல், வேலை இழப்பு, கடுமையான நிதி சிக்கல்கள், தொழில் சிக்கல்கள், நிராகரிப்புகள் போன்றவை இவற்றில் அடங்கும்.
ஆய்வு அறிக்கையின்படி, தற்கொலை செய்து கொள்ள எண்ணுபவர்களில் 50% முதல் 75% பேர் நண்பர் அல்லது உறவினருக்கு எச்சரிக்கை அறிகுறியை கண்டிப்பாக கொடுப்பார்கள். இது வெளிப்படையான அச்சுறுத்தலாக இருக்காது. மறைமுகமானதாக இருக்கும்.
சிலர் தங்கள் வாழ்வின் ஒரு கட்டத்தில் விரக்தியின் உச்சத்திற்கு செல்கின்றனர். ஆனால் நம்பிக்கையின்மை பரவலாகவும் அனைத்தையும் உள்ளடக்கியதாகவும் மாறும் போது, இது தற்கொலைக்கு இட்டுச் செல்கிறது. உங்களை ஒப்பிட்டு நீங்களே கேள்வி கேட்க ஆரம்பிக்கும் போது நம்பிக்கையின்மை அதிகரிக்கிறது. ஒரு நிகழ்வையோ, சூழ்நிலையையோ அல்லது மனநிலையையோ உங்களால் சமாளிக்க முடியாது என நீங்கள் உணர்ந்தால், அது மிகவும் தீவிரமானது மற்றும் அது கடுமையான பிரச்சனைகளை ஏற்படுத்தலாம். இதுதான் ஒரு மனிதனை மன அழுத்தத்திற்கு இட்டுச் சென்று, தற்கொலைக்கு தூண்டுகிறது.