மிஷ்கின் இயக்கத்தில் கடந்த 2012-ம் ஆண்டு ரிலீசான முகமூடி படம் மூலம் தமிழ் திரையுலகில் ஹீரோயினாக அறிமுகமானவர் பூஜா ஹெக்டே. இப்படம் பிளாப் ஆனதால் டோலிவுட் பக்கம் சென்ற இவர் அங்கு அடுத்தடுத்து முன்னணி ஹீரோக்களுடன் ஜோடி சேர்ந்து நடித்ததன் மூலம் மக்கள் மத்தியில் பாப்புலர் ஆனார். குறுகிய காலத்திலேயே அங்கு முன்னணி ஹீரோயினாகவும் உயர்ந்தார்.
டோலிவுட்டில் டாப் ஹீரோயினாக வலம் வரும் பூஜா ஹெக்டே, அண்மையில் நடிகர் விஜய் நடிப்பில் வெளியான பீஸ்ட் படம் மூலம் மீண்டும் கோலிவுட்டில் எண்ட்ரி கொடுத்தார். இந்த முறையும் அவருக்கு தோல்வியே மிஞ்சியது. கடந்த சில வருடங்களுக்கு முன் ராசியான ஹீரோயின் என பெயரெடுத்த பூஜா ஹெக்டே, தற்போது ராசியில்லாத ஹீரோயினாக வலம் வருகிறார்.
இருப்பினும் இவருக்கு பட வாய்ப்புகள் குறைந்தபாடில்லை. தற்போது இவர் கைவசம் சர்கஸ், சல்மான் கான் ஜோடியாக கபி ஈத் கபி தீபாவளி மற்றும் விஜய் தேவரகொண்டாவுக்கு ஜோடியாக ஜன கன மன ஆகிய பெரிய பட்ஜெட் படங்கள் உள்ளன. இதுதவிர சிறுத்தை சிவா இயக்கத்தில் உருவாக உள்ள புதிய படத்தில் சூர்யாவுக்கு ஜோடியாக நடிக்கவும் பூஜா ஹெக்டே ஒப்பந்தமாகி உள்ளதாக கூறப்படுகிறது.