- Home
- Cinema
- viruman : ஷங்கர் மகளுக்காக பிரபல பாடகி பாடிய பாடலையே தூக்கிய யுவன்... விருமன் படத்தில் நடந்த தில்லாலங்கடி வேலை
viruman : ஷங்கர் மகளுக்காக பிரபல பாடகி பாடிய பாடலையே தூக்கிய யுவன்... விருமன் படத்தில் நடந்த தில்லாலங்கடி வேலை
Viruman Madhura veeran song : ஷங்கர் மகளை பாடகியாக அறிமுகப்படுத்துவதற்காக பிரபல பாடகி பாடிய பாடலையே விருமன் படத்தில் இருந்து தூக்கி உள்ள சம்பவம் கோலிவுட்டில் பரபரப்பாக பேசப்பட்டு வருகிறது.
தமிழ் சினிமாவில் தற்போதைய ஹாட் டாப்பிக்காக இருப்பது அதிதி ஷங்கர் தான். இயக்குனர் ஷங்கரின் மகளான இவர், விருமன் படம் மூலம் ஹீரோயினாக அறிமுகமாகி உள்ளார். இப்படத்தில் கார்த்திக்கு ஜோடியாக நடித்துள்ள அதிதி, முதல் படம் ரிலீசாகும் முன்பே அடுத்தடுத்து பெரிய நடிகர்களுடன் நடிக்கும் வாய்ப்பை பெற்று வருவது சர்ச்சையை கிளப்பியது.
இந்தி சினிமாவைப் போல் தமிழ் சினிமாவில் நெப்போடிசம் எனப்படும் வாரிசுகளுக்கு முன்னுரிமை கொடுக்கும் விஷயம் தலைதூக்குகிறதா என்கிற கேள்வியும் எழுந்து வருகிறது. நடிகை ஆத்மிகா கூட சமீபத்தில் அதிதி ஷங்கருக்கு அடுத்தடுத்து வாய்ப்பு கிடைப்பதை மறைமுகமாக விமர்சித்து இருந்தார். இது ஒருபுறம் இருக்க தற்போது மேலும் ஒரு சர்ச்சையில் சிக்கி உள்ளார் அதிதி.
விருமன் படத்தின் மூலம் நடிகையாக மட்டுமின்றி பாடகியாகவும் அறிமுகமாகி உள்ளார் அதிதி. அவர் இப்படத்தில் இடம்பெறும் மதுர வீரன் என்கிற பாடலை யுவனுடன் சேர்ந்து பாடி உள்ளார். இப்பாடல் வெளியாகி ரசிகர்கள் மத்தியில் வரவேற்பை பெற்றாலும், இப்பாடலுக்கு பின்னணியில் நடந்த விஷயம் தற்போது லீக் ஆகி பலரையும் அதிர்ச்சிக்குள்ளாக்கி உள்ளது.
இதையும் படியுங்கள்... நிஜ பெண்களே தோற்றுவிடுவார்கள்... 'பிக்பாஸ் ஜோடி 2' ஆண் போட்டியாளர்களின் அசர வைக்கும் லேடீஸ் கெட்டப்! போட்டோஸ்
மதுர வீரன் பாடலை முதலில் பாடியது சூப்பர் சிங்கர் பிரபலம் ராஜலட்சுமி தானாம். புஷ்பா படத்தில் அவர் பாடிய சாமி சாமி பாடல் வைரல் ஹிட் ஆனதை அடுத்து மதுர வீரன் பாடலுக்கு அவரது குரல் எடுப்பாக இருக்கும் என கருதி பாட வைத்தாராம் யுவன். ஆனால் இறுதியில் பாடல் வெளியானபோது தனது குரலை நீக்கிவிட்டு ஷங்கர் மகள் அதிதியை பாட வைத்துள்ளதை அறிந்து மிகவும் வருத்தப்பட்டாராம் ராஜலட்சுமி.
ஷங்கர் மகளை பாடகியாக அறிமுகப்படுத்துவதற்காக பிரபல பாடகி பாடிய பாடலையே படத்தில் இருந்து தூக்கி உள்ள சம்பவம் கோலிவுட்டில் பரபரப்பாக பேசப்பட்டு வருகிறது. இதை அறிந்த நெட்டிசன்கள் ஷங்கரின் மகளுக்காக இப்படியா கோல்மால் வேலைகளை செய்வீர்கள் என விருமன் படக்குழுவை விமர்சித்து வருகின்றனர்.
இதையும் படியுங்கள்... Aditi Shankar : அதிதி தான் தமிழ்நாட்டின் ஆலியா பட்... ஷங்கர் மகளை புகழ்ந்து தள்ளிய பிரபல இயக்குனர்
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.