கலகம் செய்பவர்கள் மீது கடும் நடவடிக்கை பாயும்… எச்சரிக்கை விடுத்த ரணில் விக்ரமசிங்க!!
இலங்கையில் ஜனநாயக விரோத வழிமுறைகளை யாரேனும் நாடினால் அவர்களுக்கு எதிராக கடுமையான நடவடிக்கை எடுக்கப்படும் என்று அந்நாட்டு அதிபராக தேர்வு செய்யப்பட்ட ரணில் விக்ரமசிங்க எச்சரிக்கை விடுத்துள்ளார்.
 )
Followஇலங்கையில் ஜனநாயக விரோத வழிமுறைகளை யாரேனும் நாடினால் அவர்களுக்கு எதிராக கடுமையான நடவடிக்கை எடுக்கப்படும் என்று அந்நாட்டு அதிபராக தேர்வு செய்யப்பட்ட ரணில் விக்ரமசிங்க எச்சரிக்கை விடுத்துள்ளார். இலங்கையில் கடும் பொருளாதார நெருக்கடி ஏற்பட்டதை அடுத்து அந்நாட்டு மக்கள் அரசுக்கு எதிராக போராட்டத்தில் ஈடுபட்டனர். பொருளாதார நெருக்கடி, மக்கள் போராட்டம் காரணமாக அந்நாட்டு அதிபராக இருந்த கோட்டபய ராஜபக்சே தனது பதவியை ராஜினாமா செய்தார். இதை அடுத்து இலங்கையின் இடைக்கால அதிபராக ரணில் விக்ரமசிங்க இருந்து வந்தார். இந்த நிலையில் இலங்கை நாடாளுமன்றத்தில் புதிய அதிபரை தேர்வு செய்வதற்கான வாக்குப்பதிவு இன்று நடைபெற்றது. இதில் 223 வாக்குகளில் 134 வாக்குகளை ரணில் விக்ரமசிங்கே பெற்றார். இவரை எதிர்த்து போட்டியிட்ட டலஸ் அழகபெரும 83 வாக்குகளும், அனுரா திசநாயக்க 3 வாக்குகளும் பெற்று இருந்தனர். இதை அடுத்து இலங்கை அதிபராக ரணில் விக்ரமசிங்கே தேர்வு செய்யப்பட்டார்.
இதையும் படிங்க: இலங்கை அதிபராக ரணில் விக்ரமசிங்கே தேர்வு - மீண்டும் போராட்டம்; பார்லிமென்ட் ஒத்திவைப்பு!!
இதனிடையே இலங்கை தலைநகர் கொழும்புவில் உள்ள அதிபர் மாளிகை முன் ரணில் விக்கிரமசிங்கே பதவி விலக வேண்டும் என வலியுறுத்தி பொதுமக்கள் ஒன்று திரண்டு போராட்டத்தில் ஈடுபட்டு வருகின்றனர். மேலும் ரணில் விக்ரமசிங்கவின் இல்லத்திற்கு தீ வைத்த குற்றச்சாட்டில் இம்மாத தொடக்கத்தில் கைது செய்யப்பட்ட 4 பேரை ஜூலை 27 ஆம் தேதி வரை நீதிமன்றக் காவலில் வைக்க நீதிமன்றம் உத்தரவிட்டுள்ளது. இந்த நிலையில் இலங்கை அதிபராக தேர்வு செய்யப்பட்ட ரணில் விக்ரமசிங்கே, தனது முன்னோடி பதவியில் இருந்து அகற்றப்படுவதற்கு வழிவகுத்த ஜனநாயக விரோத வழிமுறைகளை யாரேனும் நாடினால் அவர்களுக்கு எதிராக கடுமையான நடவடிக்கை எடுக்கப்படும். 6 முறை பிரதமராக இருந்த ரணில் விக்ரமசிங்க, கடந்த வாரம் நாட்டை விட்டு வெளியேறி ராஜினாமா செய்த கோட்டாபய ராஜபக்சவுக்கு அடுத்தபடியாக நாடாளுமன்ற வாக்கெடுப்பில் வெற்றி பெற்று வன்முறைக்கு அடிபணியப் போவதில்லை.
இதையும் படிங்க: இந்தியப் பிரதமர் மோடி உதவ வேண்டும்; சஜித் பிரேமதாசா உருக்கமான வேண்டுகோள்!!
நீங்கள் அரசாங்கத்தை கவிழ்க்க முயற்சித்தால், ஜனாதிபதி அலுவலகம் மற்றும் பிரதமர் அலுவலகத்தை ஆக்கிரமிக்க முயற்சித்தால், அது ஜனநாயகம் அல்ல, அது சட்டத்திற்கு எதிரானது. நாங்கள் சட்டத்தின்படி அவர்கள் மீது கடுமையாக நடவடிக்கை எடுப்போம். சிறுபான்மை எதிர்ப்பாளர்களை நாங்கள் அனுமதிக்க மாட்டோம். அரசியல் அமைப்பில் மாற்றத்திற்காக கூக்குரலிடும் மெளனமான பெரும்பான்மையினரை நசுக்க நாங்கள் அனுமதிக்க மாட்டோம் என்று கூறியதாக AFP வெளியிட்டிருந்த செய்தியில் தெரிவிக்கப்பட்டுள்ளது. முன்னதாக உணவு, எரிபொருள் மற்றும் மருந்துகள் போன்ற அத்தியாவசியப் பொருட்களின் கடுமையான பற்றாக்குறைக்கு வழிவகுத்த நாட்டின் முன்னோடியில்லாத பொருளாதார நெருக்கடியை நிவர்த்தி செய்வதில் தன்னுடன் சேருமாறு அனைத்து அரசியல் கட்சிகளையும் ரணில் விக்ரமசிங்க அழைத்தார் என்பது குறிப்பிடத்தக்கது.
சேனலை கிளிக் செய்து பின்தொடரவும்
