Amazon அமேசான் கிரேட் ரிபப்ளிக் டே விற்பனை 2026 ஜனவரி 16 தொடங்குகிறது. ஸ்மார்ட்போன், லேப்டாப் மற்றும் டிவிகளுக்கு 10% SBI கார்டு தள்ளுபடியுடன் அதிரடி சலுகைகள்.
இந்தியாவின் முன்னணி இ-காமர்ஸ் நிறுவனமான அமேசான் (Amazon), 2026-ம் ஆண்டின் தனது முதல் பிரம்மாண்ட விற்பனையைத் தொடங்கவுள்ளது. குடியரசு தினத்தைக் கொண்டாடும் விதமாக, 'கிரேட் ரிபப்ளிக் டே சேல்' (Great Republic Day Sale 2026) வரும் ஜனவரி 16 அன்று தொடங்கும் என அதிகாரப்பூர்வமாக அறிவிக்கப்பட்டுள்ளது. இதற்கான பிரத்யேகப் பக்கம் (Microsite) இப்போது அமேசான் தளத்தில் லைவ் ஆகியுள்ளது.
எலக்ட்ரானிக்ஸ் மற்றும் கேட்ஜெட்களுக்கு மெகா ஆஃபர்
இந்த ஆண்டின் முதல் விற்பனை என்பதால், வாடிக்கையாளர்களைக் கவரும் வகையில் அனைத்துப் பொருட்களுக்கும் அதிரடி விலைக் குறைப்பு இருக்கும். குறிப்பாகப் பின்வரும் பொருட்களுக்குக் கூடுதல் சலுகைகள் எதிர்பார்க்கப்படுகின்றன:
• ஸ்மார்ட்போன்கள் மற்றும் ஃபீச்சர் போன்கள்
Related Articles
• லேப்டாப்கள், டேப்லெட்டுகள் மற்றும் கணினிகள்
• ஸ்மார்ட் வாட்ச் மற்றும் அணியக்கூடிய சாதனங்கள் (Wearables)
• ஸ்மார்ட் டிவிகள் மற்றும் வீட்டு உபயோகப் பொருட்கள்
• வாஷிங் மெஷின், ஃப்ரிட்ஜ் மற்றும் ஏசி
விலை உயர்ந்த பிரீமியம் பொருட்கள் முதல் பட்ஜெட் சாதனங்கள் வரை அனைத்திற்கும் இந்த விற்பனையில் விலை குறைக்கப்படும்.
SBI கார்டு வைத்திருப்பவர்களுக்கு 'எக்ஸ்ட்ரா' லாபம்
வழக்கம் போலவே இந்த முறையும் அமேசான் எஸ்பிஐ (SBI) வங்கியுடன் கைகோர்த்துள்ளது. உங்களிடம் SBI கிரெடிட் கார்டு இருந்தால், வாங்கும் பொருட்களுக்குக் கூடுதலாக 10% உடனடி தள்ளுபடி (Instant Discount) கிடைக்கும். இந்தச் சலுகை EMI பரிவர்த்தனைகளுக்கும் பொருந்தும் என்பது கூடுதல் சிறப்பு. டிவி, லேப்டாப் போன்ற அதிக விலை கொண்ட பொருட்களை வாங்கத் திட்டமிடுபவர்களுக்கு இது மிகப்பெரிய சேமிப்பைத் தரும்.
அமேசானின் சிறப்பு டீல்கள்
சாதாரண தள்ளுபடிகள் மட்டுமின்றி, இந்த விற்பனை நாட்களில் பல விதமான சிறப்பு டீல்களையும் அமேசான் வழங்கவுள்ளது:
• இரவு 8 மணி டீல்ஸ் (8 PM Deals): குறிப்பிட்ட நேரத்தில் மட்டும் வரும் அதிரடி ஆஃபர்கள்.
• பிளாக்பஸ்டர் டீல்ஸ் (Blockbuster Deals): அதிகம் விற்பனையாகும் பொருட்களுக்குச் சிறப்புத் தள்ளுபடி.
• எக்ஸ்சேஞ்ச் மேளா (Exchange Mela): பழைய பொருட்களைக் கொடுத்துவிட்டுப் புதியதை மிகக் குறைந்த விலையில் வாங்கலாம்.
• கூப்பன்கள் (Coupons): குறிப்பிட்ட பொருட்களுக்குக் கூடுதல் தள்ளுபடி பெற கூப்பன்களைப் பயன்படுத்தலாம்.
செக்-அவுட் செய்வதில் வேகம் முக்கியம்!
விற்பனை தொடங்கியதும் நல்ல டீல்கள் உடனே விற்றுத் தீர்ந்துவிடும். எனவே முன்கூட்டியேத் தயாராக இருப்பது அவசியம்:
• உங்கள் கார்டு விவரங்களை (Card Details) முன்கூட்டியே சேமித்து வையுங்கள்.
• டெலிவரி முகவரி (Address) சரியாக உள்ளதா எனச் சரிபார்த்துக் கொள்ளுங்கள்.
• ஆன்லைன் பரிவர்த்தனைகள் (Online Transactions) உங்கள் கார்டில் ஆக்டிவேட் செய்யப்பட்டுள்ளதா என்பதை உறுதி செய்யுங்கள்.
ஃபிளிப்கார்ட் உடன் நேரடிப் போட்டி
போட்டியாளரான ஃபிளிப்கார்ட் தனது விற்பனையை ஜனவரி 17-ம் தேதி தொடங்குவதாக அறிவித்துள்ளது. அதற்கு ஒரு நாள் முன்னதாகவே, அதாவது ஜனவரி 16 அன்றே அமேசான் களத்தில் இறங்குவதால், ஆன்லைன் ஷாப்பிங் சந்தையில் கடும் போட்டி நிலவும். இரண்டு தளங்களிலும் விலையை ஒப்பிட்டுப் பார்த்து வாங்குவது புத்திசாலித்தனம்.
