காஸ்மிக் ஆரஞ்சு அவுட்... டீப் ரெட் இன்! இணையத்தை அதிரவைக்கும் ஆப்பிள் மாஸ்டர் பிளான்

iPhone 18 Pro புதிய Deep Red கலரில் களமிறங்கும் iPhone 18 Pro மற்றும் Pro Max! இதன் சிறப்பம்சங்கள், டிசைன் மற்றும் இந்தியாவில் எதிர்பார்க்கப்படும் விலை விவரங்களை தெரிந்துகொள்ளுங்கள்.

Image Credit : Gemini

iPhone 18 Pro

சமீபகாலமாகவே ஆப்பிள் நிறுவனம் தனது ஐபோன் டிசைன்களிலும், நிறங்களிலும் பல புதுமைகளை புகுத்தி வருகிறது. பொதுவாக ப்ரோ மாடல்கள் என்றாலே சில்வர், கிராஃபைட், ப்ளூ என மிகவும் கிளாசிக்கான நிறங்களில்தான் வெளியாகும். ஆனால், ஐபோன் 17 ப்ரோ மாடலில் அறிமுகமான 'காஸ்மிக் ஆரஞ்சு' (Cosmic Orange) நிறம் ஆப்பிள் ரசிகர்களிடையே மிகப்பெரிய வரவேற்பை பெற்றது.

இந்த மாபெரும் வெற்றியைத் தொடர்ந்து, ஆப்பிள் நிறுவனம் தனது அடுத்த தலைமுறை ஸ்மார்ட்போனான iPhone 18 Pro மற்றும் iPhone 18 Pro Max மாடல்களை இன்னும் துடிப்பான, புதிய நிறத்தில் வெளியிட திட்டமிட்டுள்ளது. அதன்படி, இந்த புதிய ஐபோன் சீரிஸ் 'டீப் ரெட்' (Deep Red) கலரில் வெளியாக அதிக வாய்ப்புள்ளதாக நம்பத்தகுந்த வட்டாரங்கள் தெரிவிக்கின்றன.

Image Credit : Apple Hub/X

காஸ்மிக் ஆரஞ்சு கொடுத்த மாபெரும் வெற்றி!

ஐபோன் 17 ப்ரோ மாடலில் காஸ்மிக் ஆரஞ்சு நிறம் அறிமுகமானபோது, ப்ரீமியம் போனுக்கு இது செட்டாகுமா என்ற சந்தேகம் பலருக்கும் இருந்தது. ஆனால், வாடிக்கையாளர்களின் வரவேற்பு வேறு மாதிரியாக இருந்தது. ப்ளூம்பெர்க் (Bloomberg) பத்திரிகையின் மார்க் குர்மன் வெளியிட்ட அறிக்கையின்படி, இந்த ஆரஞ்சு நிற ஐபோன்கள் பல நாடுகளில், குறிப்பாக சீனாவில் மிக அதிக அளவில் விற்பனையாகி சாதனை படைத்தன.

வாடிக்கையாளர்களின் இந்த பாசிட்டிவான வரவேற்புதான், ஆப்பிள் நிறுவனத்தை மேலும் பல புதிய நிறங்களை ப்ரோ மாடல்களில் பரிசோதிக்க தூண்டியுள்ளது. இதன் விளைவாகவே, தற்போது 'டீப் ரெட்' நிறம் ஆப்பிளின் பரிசோதனை கூடத்தில் முந்தி நிற்கிறது.

Image Credit : Gemini

டீப் ரெட்... ஆப்பிளின் அடுத்த ட்ரெண்ட் செட்டர்!

தற்போது வெளியாகி உள்ள கசிவுகளின்படி (Leaks), ஐபோன் 18 ப்ரோ மற்றும் ப்ரோ மேக்ஸ் மாடல்களுக்கான பிரத்யேக நிறமாக இந்த டீப் ரெட் பரிசோதிக்கப்பட்டு வருகிறது. ஆப்பிள் நிறுவனம் இதுவரை இதுபற்றி அதிகாரப்பூர்வமாக எந்த அறிவிப்பும் வெளியிடவில்லை என்றாலும், டெக் உலகில் இதுவே தற்போது ஹாட் டாபிக்காக உள்ளது.

ஏற்கனவே பரவிய வதந்திகளில், புதிய ப்ரோ மாடல்கள் பர்ப்பிள் (Purple) அல்லது பிரவுன் (Brown) நிறங்களில் வெளியாகலாம் என கூறப்பட்டது. ஆனால், அவை முற்றிலும் புதிய நிறங்களாக இல்லாமல், ஒரே டோனில் இருக்கும் என தெரிகிறது. ஒருவேளை இந்த 'டீப் ரெட்' நிறம் உறுதியானால், ஆப்பிள் ப்ரோ சீரிஸ் டிசைனில் இது ஒரு மிகப்பெரிய மாற்றமாக அமையும். மேலும், ஆரஞ்சு மற்றும் ரெட் நிறங்கள் ஒன்றுக்கொன்று நெருக்கமானவை என்பதால், இரண்டில் ஏதாவது ஒன்றை மட்டுமே ஆப்பிள் சந்தையில் களமிறக்கலாம் எனவும் எதிர்பார்க்கப்படுகிறது.

Image Credit : Google

இந்தியாவில் எதிர்பார்க்கப்படும் விலை (Expected Price in India)

புதிய நிறம், புதிய டிசைன் என பல எதிர்பார்ப்புகளுடன் வரவுள்ள இந்த ஐபோன்களின் விலை என்னவாக இருக்கும் என்ற கேள்வி அனைவர் மனதிலும் இருக்கும்.

தற்போதைய எதிர்பார்ப்புகளின் அடிப்படையில், இந்தியாவில் iPhone 18 Pro மாடலின் விலை சுமார் ரூ. 1,34,900 ஆகவும், iPhone 18 Pro Max மாடலின் விலை சுமார் ரூ. 1,54,900 ஆகவும் இருக்கலாம் என கணிக்கப்பட்டுள்ளது. இது அதிகாரப்பூர்வ விலை அல்ல என்றாலும், முந்தைய மாடல்களின் விலையை ஒப்பிடுகையில் இதுவே சந்தை விலையாக இருக்க அதிக வாய்ப்புள்ளது. புதிய ஐபோன் குறித்த மேலதிக அப்டேட்டுகளுக்கு எங்களது தளத்துடன் இணைந்திருங்கள்!