Asianet Tamil News highlights : 75 ரூபாய் நாணயத்தை வெளியிட்டார் பிரதமர் மோடி

புதிய பாராளுமன்றத்தை கட்டியெழுப்புவது "ஜனநாயகத்தின் கோவில்" என்றும் "புதிய இந்தியாவின் கனவுகளின் பிரதிபலிப்பு" என்றும் பிரதமர் மோடி குறிப்பிட்டார்.

தன்னை தானே புகழும் சர்வாதிகார பிரதமர் புதிய நாடாளுமன்ற கட்டிடத்தைத் திறந்து வைத்துள்ளார் என்று காங்கிரஸ் கட்சி விமர்சித்துள்ளது.

பஞ்சாப், ஹரியானா உள்ளிட்ட பல மாநிலங்களில் இன்று காலை நிலநடுக்கம் ஏற்பட்டது.

தமிழ்நாட்டு பால் கொள்முதலில் குஜராத் ‘அமுல்’ நிறுவனம் நுழைவதைத் தடுத்து நிறுத்துவதோடு, தற்சார்பு திட்டங்கள் மூலம் ஆவின் நிறுவனத்தையும் திமுக அரசு வலுப்படுத்த வேண்டும் என்று கூறியுள்ளார் சீமான்.

புதிய பாராளுமன்ற கட்டிடத்தில் செங்கோல் நிறுவப்படுவதன் மூலம் எந்த மாநிலத்திற்கும் கிடைக்காத பெருமை தமிழகத்திற்கு கிடைத்திருக்கிற போது அதை அங்கீகரித்து இருந்தால் ஸ்டாலின் போன்றோரெல்லாம் உண்மையிலேயே தமிழ் பற்றாளர்கள் என ஆளுநர் தமிழிசை சவுந்தரராஜன் கூறினார்

ஆதீனங்களிடம் பிரதமர் மோடி ஆசி பெற்று, செங்கோலை வாங்கி, நாடாளுமன்ற மக்களவையின் சபாநாயகர் இருக்கை அருகே அதை நிறுவினார்.

வும்மிடி எத்திராஜுலுவுக்கும், அவரது சகோதரருக்கும் செங்கோல் தயாரிக்கும் போது அவருக்கு 20 வயது. தற்போது 97 வயதாகும் அவருக்கு புதிய நாடாளுமன்றத்தில் செங்கோல் பொருத்தப்படுவதைக் காண வந்தார்.

ராஷ்டிரிய ஜனதா தளம் புதிய பாராளுமன்ற கட்டிடத்தை ஒரு சவப்பெட்டியுடன் ஒப்பிட்டுள்ளது.

நாடு முழுவதும் உள்ள மாணவிகள், ஆசிரியைகள், மகளிர் சமூக ஆர்வலர்களுக்கான மத்திய அரசின் பயிற்சி திட்டம் குறித்து அறிவிப்பு வெளியாகி உள்ளது.

புதிய நாடாளுமன்ற கட்டிடத்தின் அழகை விவரிக்கும் வகையில் பேசி வீடியோ வெளியிட்ட பாலிவுட் நடிகர் ஷாருக்கானுக்கு பிரதமர் மோடி ரிப்ளை செய்துள்ளார்.

‘தமிழர்களுக்கு பெருமை சேர்த்த பிரதமர் மோடிக்கு நன்றி’ என்று புதிய நாடாளுமன்ற கட்டிட திறப்பு விழா குறித்து ரஜினிகாந்த் பதிவிட்டிருந்தார்.

தற்போது 97 வயதாகும் உம்மிடி எத்திராஜுலு. அவரும் அவரது சகோதரரும் செங்கோலை உருவாக்கும்போது அவருக்கு வயது 20. புதிய நாடாளுமன்றத்தில் செங்கோல் பொருத்தப்படுவதை கண்டுகளிக்கிறார். செங்கோல் உம்மிடி பங்காரு நிறுவனத்தால் வடிவமைக்கப்பட்டது. 

ஜப்பானில் ஒசாகா நகரில் இருந்து டோக்கியோவுக்கு புல்லட் ரயிலில் முதல்வர் மு.க. ஸ்டாலின் பயணம் செய்வதை டுவிட்டரில் பதிவு செய்துள்ளார்.

புதிய நாடாளுமன்ற கட்டடம் திறப்பு விழா அட்டவணை:
காலை 7.15: பிரதமர் நரேந்திர மோடி புதிய நாடாளுமன்ற கட்டடத்திற்கு வருகிறார்
காலை 7.30: சடங்கு, ஹோமம் வளர்த்தல் என பூஜை துவக்கம். சுமார் ஒரு மணி நேரம் தொடரும்.
காலை 8.30: மக்களவைக்கு பிரதமர் வருகை.
காலை 9.00: சபாநாயகர் நாற்காலிக்கு அருகில் ‘செங்கோல்’ நிறுவப்படுகிறது 
காலை 9.30: பிரார்த்தனை நிகழ்ச்சி முடிந்ததும் நாடாளுமன்ற வளாகத்தில் இருந்து பிரதமர் மோடி வெளியேறுகிறார் 

பகுதி 2:

காலை 11.30: விருந்தினர்கள் வருகை.
நண்பகல் 12.00: பிரதமர் நரேந்திர மோடி வருகை. தேசிய கீதத்துடன் விழா தொடங்குகிறது.
நண்பகல் 12.10: ஜனாதிபதி திரௌபதி முர்மு மற்றும் துணைத் தலைவர் ஜக்தீப் தன்கர் இருவரிடம் இருந்து வரும் உரையை ராஜ்யசபா துணைத் தலைவர் ஹரிவன்ஷ் வாசிப்பார் 
நண்பகல் 12.17: இரண்டு குறும் ஆவணப்படங்கள் திரையிடல்.
நண்பகல் 12.38: ராஜ்யசபாவில் எதிர்க்கட்சித் தலைவர் உரை (கலந்துகொள்ள வாய்ப்பில்லை). மக்களவை சபாநாயகர் ஓம் பிர்லா உரை.
பிற்பகல் 1.05: ரூபாய் 75 நாணயம் மற்றும் நினைவு முத்திரையை பிரதமர் வெளியிடுகிறார்.
பிற்பகல் 1.10: பிரதமர் நரேந்திர மோடியின் உரை.
பிற்பகல் 2.00: விழா நிறைவடைகிறது.

பிரதமர் மோடி மற்றும் அமித் ஷாவை தரக்குறைவாக பேசிய தகவல் உரிமை ஆர்வலர் கைது செய்யப்பட்டுள்ளார்.

பாலிவுட் நடிகர் ஷாருக்கான் பதிவுக்கு பிரதமர் மோடி டுவிட்டரில் பதில்!!

புதிய நாடாளுமன்ற கட்டுமான பணியாளர்களை கவுரவித்தார் பிரதமர் மோடி. கட்டுமான பணியாளர்களுக்கு சால்வை அணிவித்து, பரிசு வழங்கி பிரதமர் மோடி கௌரவபடுத்தினார்.

வரலாற்றில் பதிவான நாள் என்று தமிழ்நாடு பாஜக தலைவர் அண்ணாமலை குறிப்பிட்டுள்ளார்.

புதிய நாடாளுமன்றத்தில் சர்வமத பிராத்தனை நடந்து வருகிறது 

 புதிய நாடாளுமன்ற கட்டிட திறப்பு விழாவில் ஆதீனங்களிடம் ஆசி வாங்கினார் பிரதமர் மோடி.