தமிழகத்தில் ஜூனியர் ஆக்கி உலகக் கோப்பை நவம்பர் 28ம் தேதி தொடங்க உள்ள நிலையில், டிக்கெட் இலவசம் என்று அறிவிக்கப்பட்டுள்ளது. இது தொடர்பான முழு விவரங்களை பார்க்கலாம்.
FIH ஆக்கி ஆண்கள் ஜூனியர் உலகக் கோப்பை தமிழகத்தின் சென்னை மற்றும் மதுரையில் நவம்பர் 28 முதல் டிசம்பர் 10 வரை நடைபெற உள்ளது. இந்த போட்டியை தமிழ்நாடு விளையாட்டு மேம்பாட்டு ஆணையம் மற்றும் ஹாக்கி இந்தியா இணைந்து நடத்துகின்றன. இந்த ஆக்கி தொடரில் இந்தியா, சிலி, ஓமன், சுவிட்சர்லாந்து, கனடா, ஜெர்மனி, அயர்லாந்து, தென்னாப்பிரிக்கா, அர்ஜென்டினா, சீனா, ஜப்பான், நியூசிலாந்து, ஆஸ்திரியா, இங்கிலாந்து, மலேசியா, நெதர்லாந்து, ஆஸ்திரேலியா வங்கதேசம், பிரான்ஸ், கொரியா, பெல்ஜியம், எகிப்து, ஸ்பெயின் மற்றும் நமீபியா ஆகிய 24 மணிகள் கலந்து கொள்கின்றன.
சென்னை மற்றும் மதுரையில் ஜூனியர் ஆக்கி உலகக் கோப்பை
சென்னை மற்றும் மதுரையில் மொத்தம் 72 போட்டிகள் நடைபெற உள்ளன. ஏ பிரிவில் ஜெர்மனி,தென்னாப்பிரிக்கா, கனடா, அயர்லாந்து ஆகிய அணிகளும், பி பிரிவில் இந்தியா, பாகிஸ்தான், சிலி, சுவிட்சர்லாந்து, சி பிரிவில் அர்ஜென்டினா, நியூசிலாந்து, ஜப்பான், சீனா, டி பிரிவில் ஸ்பெயின், பெல்ஜியம், எகிப்து, நமீபியா, இ பிரிவில் நெதர்லாந்து, மலேசியா, இங்கிலாந்து, ஆஸ்திரியா, எப் பிரிவில் பிரான்ஸ், ஆஸ்திரேலியா, கொரியா, வங்கதேசம் அணிகள் உள்ளன.
டிக்கெட் இலவசம்
சென்னையில் மேயர் ராதாகிருஷ்ணன் ஆக்கி மைதானம் மற்றும் மதுரையில் ரேஸ்கோர்ஸ் விளையாட்டு அரங்க வளாகத்தில் அமைக்கப்பட்டுள்ள சிறப்பு ஆக்கி மைதானத்தில் ஜூனியர் ஆக்கி உலகக் கோப்பை போட்டிகள் நடைபெற உள்ளன. ஜூனியர் ஆக்கி உலகக் கோப்பை போட்டிகளை பொதுமக்கள் எந்தவித கட்டணமுமின்றி இலவசமாக பார்க்கலாம் என்று இந்தியா ஆக்கி கூட்டமைப்பு தெரிவித்துள்ளது.
Related Articles
டிக்கெட் எப்படி பெறுவது?
ஜூனியர் ஆக்கி உலகக் கோப்பைக்கான இலவச டிக்கெட்டுகளை www.ticketgenie.in என்ற இணையதளம் அல்லது Hockey India மொபைல் செயலி மூலம் முன்பதிவு செய்து கொள்ளலாம். ஆனால் ஒரு நபர் 4 டிக்கெட்டுகளை மட்டுமே பெற முடியும். ஜூனியர் ஆக்கி உலகக் கோப்பை போட்டிகளை ஸ்டார் ஸ்போர்ட்ஸ் குழும சேனல்களில் நேரடியாக பார்த்து ரசிக்கலாம்.
