கடைசி பந்தில் த்ரில் வெற்றி: 13ஆவது முறையாக இறுதிப் போட்டிக்கு சென்ற இலங்கை: நடையை கட்டிய பாகிஸ்தான்!
பாகிஸ்தானுக்கு எதிரான ஆசிய கோப்பை 2023 சூப்பர் 4 சுற்றின் 5ஆவது போட்டியில் இலங்கை 2 விக்கெட் வித்தியாசத்தில் வெற்றி பெற்று இறுதிப் போட்டிக்கு முன்னேறியது.
Followஇலங்கை மற்றும் பாகிஸ்தான் அணிகளுக்கு இடையிலான சூப்பர் 4 ஆசிய கோப்பை கிரிக்கெட் தொடரின் 5ஆவது போட்டி தற்போது கொழும்புவில் நடந்து வருகிறது. இதில், மழை குறுக்கீட்டிற்கு பிறகு 45 ஓவர்களாக குறைக்கப்பட்ட போட்டியில் டாஸ் வென்ற பாகிஸ்தான் முதலில் பேட்டிங் ஆடியது. இந்தப் போட்டியில் வெற்றி பெற்றால் மட்டுமே இறுதிப் போட்டிக்கு முன்னேற முடியும் என்பதை மனதில் வைத்து பாகிஸ்தான் விளையாடியது.
Sri Lanka vs Pakistan, Wide: இதெல்லாம் வைடா, நீயெல்லாம் ஒரு நடுவரா? கோபம் கொண்ட இலங்கை ரசிகர்கள்!
இதில், தொடக்க வீரர் அப்துல்லா ஷாஃபிக் தனது முதல் அரைசதத்தை பதிவு செய்தார். அவர், 69 பந்துகளில் 2 சிக்ஸர்கள் மற்றும் 3 பவுண்டரிகள் உள்பட 52 ரன்கள் எடுத்து ஆட்டமிழந்தார். கேப்டன் பாபர் அசாம் 29 ரன்களில் துனித் வெல்லலகே பந்தில் ஸ்டெம்பிங் முறையில் ஆட்டமிழந்தார். முகமது ஹரிஷ் 3 ரன்களில் ஆட்டமிழக்க முகமது நவாஸ் 12 ரன்களில் அவுட்டானார். ஒரு கட்டத்தில் பாகிஸ்தான் 27.4 ஓவர்களில் 5 விக்கெட் இழப்பிற்கு 130 ரன்கள் எடுத்து தத்தளித்தது.
இதையடுத்து விக்கெட் கீப்பர் முகமது ரிஸ்வான் மற்றும் இப்திகார் அகமது இருவரும் இணைந்து அதிரடியாக விளையாடத் தொடங்கினர். இந்த ஜோடி 108 ரன்கள் பார்ட்னர்ஷிப் அமைத்துக் கொடுத்தனர். இப்திகார் அகமது 40 பந்துகளில் 4 பவுண்டரி, 2 சிக்ஸர்கள் உள்பட 47 ரன்கள் எடுத்து அரைசதம் அடிக்கும் வாய்ப்பை கோட்டைவிட்டார். அடுத்து வந்த ஷதாப் கான் 3 ரன்களில் வெளியேற கடைசியாக ஷாஹீன் அஃப்ரிடி களமிறங்கினார்.
ஒரு புறம் அதிரடியாக விளையாடிய முகமது ரிஸ்வான், ஒருநாள் கிரிக்கெட்டில் தனது 12ஆவது அரைசதத்தை பூர்த்தி செய்தார். இதையடுத்து அதிரடியாக விளையாடி ரிஸ்வான் கடைசில 73 பந்துகளில் 6 பவுண்டரி, 2 சிக்ஸர்கள் உள்பட 86* ரன்கள் சேர்த்தார். இறுதியாக பாகிஸ்தான் 42 ஓவர்களில் 7 விக்கெட் இழப்பிற்கு 252 ரன்கள் எடுத்தது. இலங்கை அணியின் பந்து வீச்சைப் பொறுத்த வரையில், பிரமோத் மதுஷன் 2 விக்கெட்டும், மஹீஷ் தீக்ஷனா ஒரு விக்கெட்டும், துனித் வெல்லலகே ஒரு விக்கெட்டும், மதீஷா பதிரனா 3 விக்கெட்டும் கைப்பற்றினர்.
ஒரே வருடத்தில் 2 திருமணம்: 2ஆவது முறையாக திருமணத்திற்கு தயாராகும் ஷாஹீன் அஃப்ரிடி!
பின்னர் கடின இலக்கை துரத்திய இலங்கை அணியில் தொடக்க வீரர் குசல் ஜனித் பெரேரா வந்த வேகத்தில் ஷாஹீன் அஃப்ரிடி ஓவரில் பவுண்டரியாக விளாசினார். அவர் 17 ரன்களில் ரன் அவுட் முறையில் வெளியேறினார். அதன்பிறகு பதும் நிசாங்கா 29 ரன்களில் ஆட்டமிழந்தார். இதையடுத்து குசல் மெண்டிஸ் மற்றும் சதீர சமரவிக்ரமா இருவரும் இணைந்து பாகிஸ்தான் பவுலர்கள் ஓவர்களில் அதிரடியாக விளையாடி ரன்கள் சேர்த்தனர்.
ஒரு கட்டத்தில் சமரவிக்ரமா 48 ரன்களில் ஆட்டமிழந்தார். சமரவிக்ரமா மற்றும் மெண்டிஸ் ஜோடி 3ஆவது விக்கெட்டிற்கு 100 ரன்கள் பார்ட்னர்ஷிப் சேர்த்தது. அடுத்து சரித் அசலங்கா களமிறங்கினார். ஆனால், மெண்டிஸ் நிலையாக ஆடி வந்தார். அவர் 87 பந்துகளில் 8 பவுண்டரி ஒரு சிக்ஸர் உள்பட 91 ரன்கள் சேர்த்து ஆட்டமிழந்தார்.
இந்த ஆசிய கோப்பை கிரிக்கெட்டில் மெண்டிஸ் 5, 92, 50, 15 மற்றும் 91 என்று சிறப்பான ஆட்டத்தை வெளிப்படுத்தி ரன்கள் சேர்த்திருக்கிறார். இதையடுத்து கேப்டன் தசுன் ஷனாகா களமிறங்கினார். ஆனால், அவர் தாக்குப்பிடிக்காமல் 2 ரன்களில் வெளியேறினார். இதையடுத்து தனஞ்சயா டி சில்வா களமிறங்கினார்.
இலங்கையின் வெற்றிக்கு 18 பந்துகளில் 20 ரன்கள் தேவைப்பட்ட நிலையில் தனஞ்சயா மற்றும் அசலங்கா இருவரும் விளையாடி வந்தனர். 40ஆவது ஓவரில் 6 ரன்கள் எடுக்கப்படவே கடைசி 12 பந்துகளில் 12 ரன்கள் தேவைப்பட்டது. எனினும், 41 ஆவது தனஞ்சயா டி சில்வா 5 ரன்களில் ஆட்டமிழந்தார். அவரைத் தொடர்ந்து அடுத்த பந்திலேயே துனித் வெல்லலகே அவுட்டானார். கடைசியாக பிரமோத் மதுஷன் களமிறங்கினார். அந்த ஓவரில் மட்டும் 4 ரன்கள் எடுக்கப்பட இறுதியாக 6 பந்தில் இலங்கையின் வெற்றிக்கு 8 ரன்கள் தேவைப்பட்டது.
Sri Lanka vs India, Fans Fight: இலங்கை தோல்வி: இந்திய ரசிகர்களுடன் மோதலில் ஈடுபட்ட இலங்கை ரசிகர்கள்!
கடைசி ஓவரை அறிமுக வீரர் ஜமான் கான் வீசினார். முதல் பந்தில் லெக் பைஸில் 1 ரன், 2ஆவது பந்தில் ரன் இல்லை, 3ஆவது பந்தில் 1 ரன், 4ஆவது பந்தில் மதுஷன் அவுட்டானார். 5ஆவது பந்தில் அசலங்கா பவுண்டரி அடித்தார். இறுதியாக கடைசி பந்தில் 2 ரன்கள் தேவைப்படவே, அசலங்கா 2 ரன்கள் எடுத்து இலங்கை அணியை த்ரில் வெற்றி பெற செய்துள்ளார். அசலங்கா 49 ரன்கள் எடுத்து ஆட்டமிழக்காமல் இருந்தார். இதன் மூலமாக இலங்கை 2 விக்கெட் வித்தியாசத்தில் வெற்றி பெற்றது.
13ஆவது முறையாக ஆசிய கோப்பை 2023 இறுதிப் போட்டி:
பாகிஸ்தானைப் பொறுத்தவரையில் பந்து வீச்சில் இஃப்திகார் அகமது 3 விக்கெட்டும், ஷாஹீன் அஃப்ரிடி 2 விக்கெட்டும், ஷதாப் கான் ஒரு விக்கெட்டும் கைப்பற்றினர். இந்தப் போட்டியில் வெற்றி பெற்றதன் மூலமாக இலங்கை அணி 13ஆவது முறையாக ஆசிய கோப்பை 2023 இறுதிப் போட்டிக்கு சென்றுள்ளது. அதுமட்டுமின்றி நடப்பு சாம்பியன் வேறு. மேலும், 1986, 1997, 2004, 2008, 2014, 2022 என்று 6 முறை ஆசிய கோப்பை சாம்பியனாகியுள்ளது.
நடப்பு சாம்பியன்:
மாறாக, 7 முறை 2ஆவது இடம் பிடித்துள்ளது. மேலும், 9ஆவது முறையாக இந்தியா மற்றும் இலங்கை அணிகள் ஆசிய கோப்பை இறுதிப் போட்டியில் மோதுகின்றன. இந்தியா மற்றும் இலங்கை அணிகள் மோதிய ஆசிய கோப்பை இறுதிப் போட்டியில் இந்தியா 5 முறை சாம்பியன் பட்டத்தை வென்றுள்ளது. மூன்று முறை மட்டுமே இலங்கை சாம்பியனாகியுள்ளது. இதுவரையில் இந்தியா ஆசிய கோப்பையில் 7 முறை வெற்றி பெற்றிருக்கிறது என்பது குறிப்பிடத்தக்கது. வரும் 17 ஆம் தேதி இந்தியா மற்றும் இலங்கை அணிகளுக்கு இடையிலான இறுதிப் போட்டி நடக்க உள்ளது.
சேனலை கிளிக் செய்து பின்தொடரவும்- Abdullah Shafique
- Asia Cup 2023 Final
- Asia cup 2023 match
- Asia cup 2023 news
- Asianet News Tamil
- Charith Asalanka
- Cricket asia cup 2023
- Dasun Shanaka
- Dhananjaya de Silva
- Kusal Mendis
- PAK vs SL
- PAK vs SL cricket live match
- PAK vs SL live
- PAK vs SL live score
- Pakistan vs Sri Lanka
- Pakistan vs Sri Lanka live
- Pakistan vs Sri Lanka live score
- Pakistan vs Sri Lanka live scorecard
- Pakistan vs Sri Lanka odi
- Pakistan vs Sri Lanka today
- SL vs PAK
- Sadeera Samarawickrama
- Sri Lanka vs Pakistan
- Super 4 ODI
- Watch PAK vs SL
- Zaman Khan
