இந்தியாவில் பதிவாகும் கோவிட் பாதிப்பு 90% இந்த மாநிலத்தில் தான் உள்ளது..
இந்தியாவில் மொத்த கொரோனா பாதிப்பு எண்ணிக்கையில் 90% கேரளாவில் இருந்து பதிவாகி உள்ளது.
 )
Followநாடு முழுவதும் கொரோனா பாதிப்பு குறைந்திருக்கும் நிலையில் கேரளாவில் திடீரென கொரோனா பாதிப்பு அதிகரித்து வருவதாக தகவல் வெளியாகி உள்ளது. கடந்த நவம்பர் மாதம் 479-ஆக இருந்த கொரோனா பாதிப்பு எண்ணிக்கை இந்த மாதத்தில் திடீரென அதிகரித்துள்ளது. டிசம்பர் 8-ம் தேதி வரை 875 பேருக்கு கொரோனா பாதிப்பு உறுதியாகி உள்ளது. இந்தியாவில் மொத்த கொரோனா பாதிப்பு எண்ணிக்கையில் 90% கேரளாவில் இருந்து தான் பதிவாகி உள்ளது. நவம்பரில் கொரோனா காரணமாக ஒருவர் உயிரிழந்த நிலையில் இந்த ஆண்டு இதுவரை 2 பேர் உயிரிழந்துள்ளனர்.
கொரோனா பாதிக்கப்பட்ட நபர்களுக்கு அதன் அறிகுறிகள் 2 மாதங்கள் நீடிப்பதாகவும் மரணம் அரிதாகவே நிகழ்வதாகவும் கூறப்படுகிறது. ராஜகிரி மருத்துவமனை மருத்துவ கண்காணிப்பாளர் டாக்டர் சன்னி பி ஆரத்தேல் இதுகுறித்து பேசிய போது “ சுவாச நோய்களுடன் பலர் மருத்துவமனையில் அனுமதிக்கப்படுகின்றனர். அவர்களின் பெரும்பாலனவர்களுக்கு H1N1 பாதிப்பு எதிர்மறை என்றும் கொரோனா பாசிட்டிவ் என்றும் முடிவுகள் வருகின்றன.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
ஒரு சில நோயாளிகளுக்கு கொரோனா அறிகுறிகள் சில மாதங்கள் வரை கூட நீடிக்கின்றன. காற்று மாசு, காலநிலை மாற்றம் காரணமாக கொரோனா அறிகுறிகள் தீவிரமடைந்து வருகின்றன. ” என்று தெரிவித்தார்.
குளிர்கால மாரடைப்பு: காலை நேரத்தில் இந்த அறிகுறிகள் இருந்தால் ஒருபோதும் புறக்கணிக்காதீங்க..
திருவனந்தபுரம் கிம்ஸ் மருத்துவமனையின் தொற்றுநோய் துறை ஆலோசகர் முகமது நியாஸ் இதுகுறித்து பேசிய போது “ தற்போது கோவிட் பாதிப்பு அதிகரித்து வருகிறது. நோய் பாதிப்பு அதிக தீவிரமாக இல்லாததால் சமாளிக்க முடிகிறது. கொரோனா தொடர்பான இறப்புகளும் கூறைவாகவே பதிவாகின்றன. எனினும் வயதானவர்கள் மற்றும் இணை நோய் உள்ளவர்கள் அதிகம் பாதிக்கப்படக்கூடியவர்களாக உள்ளனர்” என்று தெரிவித்தார்.
சேனலை கிளிக் செய்து பின்தொடரவும்
