Sun TV vs Vijay TV : சன் டிவியின் சாதனைக்கு ஃபுல் ஸ்டாப் வைக்கும் விஜய் டிவி... இனி நம்பர் 1 இந்த சீரியல் தான்

Siragadikka Aasai vs Kayal Serial : சன் டிவியின் கயல் சீரியல் விரைவில் முடிவுக்கு வர உள்ளதால், சிறகடிக்க ஆசை சீரியல் புது சாதனை படைக்க உள்ளது. அதைப்பற்றி இந்த தொகுப்பில் பார்க்கலாம்.

Image Credit : Instagram

Sun TV vs Vijay TV

சின்னத்திரையில் போட்டிபோட்டு சீரியல்களை ஒளிபரப்பி வரும் சேனல்கள் என்றால் அது சன் டிவி மற்றும் விஜய் டிவி தான். இதில் டிஆர்பி ரேஸில் சன் டிவி சீரியல்கள் தான் ஆதிக்கம் செலுத்தும். கடந்த சில மாதங்களாக சன் டிவி சீரியல்களுக்கு டஃப் கொடுக்கும் வகையில் விஜய் டிவி சீரியல்களும் டிஆர்பி ரேஸில் பட்டைய கிளப்பி வருகின்றன. இந்த நிலையில் சன் டிவி தக்க வைத்திருந்த சாதனையை தற்போது விஜய் டிவி சீரியல் தட்டிப் பறிக்க உள்ளது. அது என்ன சாதனை என்பதை இந்த தொகுப்பில் விரிவாக பார்க்கலாம்.

Image Credit : instagram

முடிவுக்கு வரும் கயல் சீரியல்

சன் டிவியில் தற்போது ஒளிபரப்பாகும் சீரியல்களில் அதிக எபிசோடுகள் ஓடிய சீரியல் என்றால் அது கயல் சீரியல் தான். கடந்த 2021-ம் ஆண்டு தொடங்கப்பட்ட கயல் சீரியல், கடந்த 5 ஆண்டுகளாக சன் டிவியில் ஒளிபரப்பாகி வருகிறது. இந்த சீரியலில் சஞ்சீவ் ஹீரோவாக நடிக்கிறார். அவருக்கு ஜோடியாக சைத்ரா ரெட்டி நடித்து வருகிறார். இந்த சீரியல் ஆரம்பத்தில் விறுவிறுப்பாக இருந்தாலும் போகப் போக ஜவ்வாக இழுக்கத் தொடங்கியது. இதனால் அப்செட் ஆன ரசிகர்கள். இந்த சீரியலை எப்போ முடிவுக்கு கொண்டு வருவீங்க என கேள்வி எழுப்ப தொடங்கினர்.

Image Credit : youtube

கயல் சீரியல் எப்போ முடிகிறது?

ரசிகர்களின் கோரிக்கைக்கு ஒரு வழியாக செவி சாய்த்துள்ள சன் டிவி, அந்த சீரியலை இழுத்து மூட முடிவு செய்துள்ளது. தற்போது கயல் சீரியல் கிளைமாக்ஸை நோக்கி நகர்ந்து வருகிறது. அந்த சீரியல் வருகிற அக்டோபர் 24ந் தேதி உடன் முடிவடைய உள்ளது. அந்த சீரியல் முடிந்த கையோடு பராசக்தி என்கிற புத்தம்புது சீரியலை சன் டிவியில் இரவு 7 மணிக்கு ஒளிபரப்ப உள்ளனர். இந்த கயல் சீரியல் இதுவரை 1500 எபிசோடுகளை கடந்து ஒளிபரப்பாகி வருகிறது. தற்போதை சூழலில் இதுதான் அதிக எபிசோடுகளுடன் ஓளிபரப்பாகும் சீரியல் என்கிற சாதனையை படைத்து இருக்கிறது.

Image Credit : instagram

சாதனைக்கு முடிவு கட்டும் சிறகடிக்க ஆசை

கயல் சீரியல் இம்மாதத்துடன் முடிவடைய உள்ளதால், அதன்பின் அதிக எபிசோடுகள் ஓடிக் கொண்டிருக்கும் சீரியல் என்கிற சாதனை சிறகடிக்க ஆசை சீரியலுக்கு சொந்தமாகிவிடும். விஜய் டிவியின் பிரைம் டைம் சீரியலான சிறகடிக்க ஆசை கடந்த 2023-ம் ஆண்டு தொடங்கப்பட்டு, தற்போது 1100 எபிசோடுகளை கடந்து ஒளிபரப்பாகி வருகிறது. இந்த சீரியல் தற்போதைக்கு மூடுவிழா காண வாய்ப்பில்லை என்பதால், அசால்டாக 2000 எபிசோடுகளை தாண்டிவிடும் என்கிற பேச்சும் சின்னத்திரை வட்டாரத்தில் உள்ளது. சிறகடிக்க ஆசை சீரியலுக்கு அடுத்தபடியாக சன் டிவியின் சிங்கப்பெண்ணே 957 எபிசோடுகளுடனும், விஜய் டிவியில் ஒளிபரப்பாகும் பாண்டியன் ஸ்டோர்ஸ் 910 எபிசோடுகளுடனும் ஒளிபரப்பாகி வருகிறது.

Image Credit : youtube/zeetamil

கார்த்திகை தீபம் லிஸ்ட்டில் இருக்கா?

ஜீ தமிழில் கடந்த 2022-ம் ஆண்டு தொடங்கப்பட்ட கார்த்திகை தீபம் சீரியல் தற்போது வரை அதே பெயருடன் ஒளிபரப்பாகி வந்தாலும், இடையே அதன் கதைக்களம் அதில் நடிக்கும் நடிகர்கள் என டோட்டலாக மாற்றப்பட்டு, புத்தம் புதிய தொடர் போல தான் ஒளிபரப்பினார்கள். இருப்பினும் அவர்கள் இரண்டு பாகங்களையும் சேர்த்து தான் எபிசோடு எண்ணிக்கையை போட்டு வருகின்றனர். தற்போது 1300 எபிசோடுகளை கடந்து அந்த சீரியல் ஒளிபரப்பாகி வருகிறது. இதன் காரணமாக இதனை மற்ற சீரியல்களோடு ஒப்பிடவில்லை.