சிறகடிக்க ஆசை vs பாண்டியன் ஸ்டோர்ஸ் 2 : ஜெராக்ஸ் எடுத்ததுபோல் ரெண்டு சீரியலுக்கும் இவ்ளோ ஒற்றுமையா?

Siragadikka Aasai vs Pandian Stores 2 : சிறடிக்க ஆசை மற்றும் பாண்டியன் ஸ்டோர்ஸ் ஆகிய 2 சீரியல்களுக்கும் இடையே நிறைய ஒற்றுமைகள் இருக்கின்றன. அதைப்பற்றி பார்க்கலாம்.

Image Credit : jiohotstar

Siragadikka Aasai vs Pandian Stores 2

விஜய் டிவியில் ஒளிபரப்பாகும் சீரியல்களுக்கு ரசிகர்கள் மத்தியில் நல்ல வரவேற்பு கிடைத்து வருகிறது. அதில் பிரைம் டைம் சீரியல்களாக பாண்டியன் ஸ்டோர்ஸ் 2 மற்றும் சிறகடிக்க ஆசை ஒளிபரப்பாகி வருகிறது. இதில் சிறகடிக்க ஆசை சீரியல் 1000 எபிசோடுகளை கடந்து ஒளிபரப்பாகிறது. மறுபுறம் பாண்டியன் ஸ்டோர்ஸ் 2 சீரியலும் 1000 எபிசோடுகளை நெருங்கி வருகிறது. இந்த நிலையில், இந்த இரண்டு சீரியல்களுக்கும் இடையில் இருக்கும் ஒற்றுமைகளை பற்றி இந்த தொகுப்பில் பார்க்கலாம்.

Image Credit : jiohotstar

ஒற்றுமை என்னென்ன?

சிறகடிக்க ஆசை சீரியலில் அம்மாவுக்கு ஹீரோவை பிடிக்காது. அதேபோல் பாண்டியன் ஸ்டோர்ஸ் 2 சீரியலில் அப்பாவுக்கு ஹீரோவை பிடிக்காது. சிறகடிக்க ஆசையில் அம்மாவுக்கு முதல் பையனை ரொம்ப பிடிக்கும். பாண்டியன் ஸ்டோர்ஸ் 2-வில் அப்பாவுக்கு முதல் பையனை ரொம்ப பிடிக்கும். இரண்டு சீரியல்களிலுமே ஹீரோவுக்கு பிடிக்காமல் தான் கல்யாணம் நடக்கிறது. அதன்பின்னர் இருவருக்கும் இடையே செட் ஆகி குடும்பத்தை நன்றாக நடத்துவார்கள்.

Image Credit : jiohotstar

இதெல்லாம் நோட் பண்ணீங்களா?

சிறகடிக்க ஆசை தனக்கு புடிச்ச முதல் பையனுக்கு அம்மா கல்யாணம் பண்ணி வைப்பார். அதேபோல் பாண்டியன் ஸ்டோர்ஸில் அப்பா கல்யாணம் பண்ணி வைப்பார். ஆனால் அந்த கல்யாணம் நிலைக்காது. ரெண்டு மருமகளுமே பொய் சொல்லி தான் கல்யாணம் பண்ணி இருப்பார்கள். பாண்டியன் ஸ்டோர்ஸில் தங்கமயில் தான் நல்லா படிச்சிருக்கேன், ரிச் ஃபேமிலி என பொய் சொல்லி சரவணனை கல்யாணம் பண்ணிக் கொள்கிறார். சிறகடிக்க ஆசையில் ரோகிணி தன்னுடைய தந்தை மலேசியாவில் பெரிய பிசினஸ்மேன் என சொல்லி மனோஜை கல்யாணம் பண்ணுகிறார்.

Image Credit : jiohotstar

கர்ப்பத்திலும் ஒற்றுமையா?

ஒரு கட்டத்தில் மருமகள்கள் ஏமாற்றி கல்யாணம் பண்ணி இருப்பது குடும்பத்தாருக்கு தெரிந்துவிட, ரெண்டு பேருமே விவாகரத்து கேட்டு நீதிமன்றத்தை நாடுகிறார்கள். அதில் சிறகடிக்க ஆசையில் ரோகிணிக்கு டைவர்ஸ் கிடைக்கல. ஆனால் பாண்டியன் ஸ்டோர்ஸ் 2வில் தங்கமயிலுக்கு டைவர்ஸ் கிடைக்கிறது. இதில் மற்றுமொரு ஷாக்கிங் ஒற்றுமை என்னவென்றால் தற்போது இரண்டு மூத்த மருமகள்களுமே கர்ப்பமாக இருக்கிறார்கள். இரண்டு சீரியலிலுமே மூன்றாவது மகன்களுக்கு காதல் திருமணம் நடைபெற்று இருக்கிறது.

Image Credit : jiohotstar

ஜெராக்ஸ் எடுத்ததுபோல் உள்ள ஒற்றுமைகள்

பாண்டியன் ஸ்டோர்ஸ் 2 மற்றும் சிறகடிக்க ஆசை இரண்டிலுமே இரண்டாவது மருமகள் பெயர் மீனா. அதேபோல் இரண்டு சீரியல்களிலுமே மூத்த மகன்களுக்கு மற்றொரு பெண்ணுடன் தொடர்பு இருக்கும். அதிலும் சிறகடிக்க ஆசையில் மனோஜ் பணத்துக்கு ஆசைப்பட்டு ஒரு பைத்தியக்கார பெண்ணை கல்யாணம் பண்ணிவிட்டார். மறுபுறம் பாண்டியன் ஸ்டோர்ஸ் 2-வில் சரவணன், அஞ்சலியை காதலித்து வருகிறார். இரண்டு சீரியல்களிலுமே 3 மகன்கள் இருப்பார்கள் என்பது குறிப்பிடத்தக்கது.