TRP ரேஸில் சரிந்த சன் டிவி... சம்பவம் பண்ணிய விஜய் டிவி - இந்த வார டாப் 10 சீரியல்கள் லிஸ்ட் இதோ

சின்னத்திரையில் சீரியல்களை போட்டி போட்டு ஒளிபரப்பி வரும் சன் டிவி மற்றும் விஜய் டிவி இந்த வாரம் டிஆர்பி ரேஸில் எந்த நிலையில் இருக்கிறது என்பதை இந்த தொகுப்பில் பார்க்கலாம்.

Image Credit : instagram

Top 10 Tamil Serial TRP Rating

தமிழ்நாட்டில் சீரியல்களுக்கான மவுசு நாளுக்கு நாள் அதிகரித்த வண்ணம் இருக்கிறது. சினிமாவுக்கு நிகராக விறுவிறுப்பான கதைக்களத்துடன் செல்வதால் சிறியவர்கள் முதல் பெரியவர்கள் வரை சீரியல்களை விரும்பிப் பார்க்க தொடங்கி உள்ளனர். அதுமட்டுமின்றி ஓடிடியின் வரவுக்கு பின்னர் எந்த நேரத்திலும் சீரியல் பார்க்கலாம் என்கிற நிலை வந்துவிட்டதால் அதை பார்ப்போர் எண்ணிக்கையும் கணிசமாக உயர்ந்துள்ளது. சீரியல்களுக்கான ரெஸ்பான்ஸை அதன் டிஆர்பி ரேட்டிங் வைத்து தான் கணிப்பார்கள். அந்த வகையில் 2026-ம் ஆண்டின் 4-வது வாரத்திற்கான டிஆர்பி ரேட்டிங் வெளியாகி உள்ளது. அதில் டாப் 10 இடம்பிடித்த சீரியல்கள் எவை என்பதை பார்க்கலாம்.

Image Credit : instagram

டாப் 10 சீரியல்களின் டிஆர்பி

கடந்த வாரத்தைப் போல் இந்த வாரம் சன் டிவியின் புத்தம் புது தொடரான செல்லமே செல்லமே 10வது இடத்தை பிடித்துள்ளது. கடந்த வாரம் 5.29 புள்ளிகளை பெற்றிருந்த இந்த சீரியல், இந்த வாரம் 5.62 புள்ளிகளை பெற்றிருக்கிறது. அதேபோல் விஜய் டிவியின் பாண்டியன் ஸ்டோர்ஸ் 2 மற்றும் சின்ன மருமகள் ஆகிய சீரியல்கள் முறையே 8 மற்றும் 9-வது இடத்தை பிடித்திருக்கிறது. இதில் 9-ம் இடத்தில் உள்ள சின்ன மருமகள் சீரியலுக்கு 6.50 டிஆர்பி ரேட்டிங் கிடைத்திருக்கிறது. இதற்கு அடுத்தபடியாக 8-ம் இடத்தை பிடித்துள்ள பாண்டியன் ஸ்டோர்ஸ் 2 சீரியல் 7.15 டிஆர்பி ரேட்டிங் பெற்றுள்ளது.

Image Credit : instagram

சரிவை சந்தித்த சன் டிவி தொடர்கள்

திருச்செல்வம் இயக்கத்தில் சன் டிவியில் ஒளிபரப்பாகி வரும் எதிர்நீச்சல் தொடர்கிறது சீரியல் கடந்த வாரத்தைப் போல் இந்த வாரமும் 7-ம் இடத்திலேயே நீடிக்கிறது. அதற்கு 7.55 டிஆர்பி ரேட்டிங் கிடைத்துள்ளது. இதற்கு அடுத்தபடியாக ஆறாம் இடத்தில் சன் டிவியின் அன்னம் சீரியலும், ஐந்தாம் இடத்தில் மருமகள் சீரியலும் உள்ளன. இதில் அன்னம் சீரியல் கடந்த வாரம் 5ம் இடத்தில் இருந்த நிலையில், இந்த வாரம் ஒரு இடம் பின்னுக்கு தள்ளப்பட்டு 7.96 புள்ளிகள் உடன் 6-ம் இடத்தில் உள்ளது. அதேபோல் மருமகள் சீரியல் கடந்த வாரம் 3ம் இடத்தில் இருந்த நிலையில், இந்த வாரம் மளமளவென சரிந்து ஐந்தாம் இடத்தை பிடித்துள்ளது. அதற்கு 8.03 டிஆர்பி கிடைத்துள்ளது.

Image Credit : Facebook

தட்டி தூக்கிய விஜய் டிவி சீரியல்கள்

டாப் 4 இடங்களில் முதல் இரண்டு இடங்களை சன் டிவி சீரியல்களும், அடுத்த இரண்டு இடங்களை விஜய் டிவி சீரியல்களும் ஆக்கிரமித்து உள்ளன. அதன்படி கடந்த வாரம் 6-ம் இடத்தில் இருந்த சிறகடிக்க ஆசை சீரியல் இந்த வாரம் 4-ம் இடத்துக்கு தாவி 8.04 புள்ளிகளை பெற்றுள்ளது. அதேபோல் அய்யனார் துணை சீரியலும் கடந்த வாரத்தைக் காட்டிலும் ஒரு இடம் முன்னேறி 8.48 புள்ளிகள் உடன் 3-ம் இடத்தில் உள்ளது. இரண்டாம் இடத்தை பிடித்துள்ள கயல் சீரியலுக்கு 8.82 டிஆர்பி கிடைத்துள்ளது. முதலிடத்தில் சிங்கப்பெண்ணே, மூன்று முடிச்சு மகா சங்கமம் உள்ளது. அதற்கு 9.58 புள்ளிகள் கிடைத்துள்ளன.